Hibrui 4:9 - Basef Buꞌwami Godi

⁹ Amama atom dei' ape' mogawa waf anama mopoma noma'wanai ata' nape la'ela'efa ape' epes amam nematawa Godi. Waf anama si'i God napoma noma'w nemaf anama nafe'ma 7i.

Hibrui 4:9 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 11:25

Na'i nefa' nimanimi na'ama etin neloma esis wambota atona Godi. Nandaiwa'ma nila waf aonai ma nope nondanifel nogota anama bandana.

Hibrui 3:11

Ea' Ae' okom wandafuna ma esis a'i basef endilisimi atom la'ifimi a'i, ‘Anona nemaf esis ina ata' sifi'i suwis sopoma noma'w solome, owa'.’ ”

Hibrui 4:1

Basef Godi la'ifim endilisi dei' ata' mape la'ela'ef. Anan na'iam na'ama na'i, “Ipe' pefe' piwis anama pepoma noma'w peloma Ae'.” Ea' ape' umbamohapa. Na'ama God niti enin epen etitin ipe'ini okom nose'an ma basef Godi nefe' higililan, owa'.

Hibrui 4:10

Dei' main, emi egafis sefe' suwis sopoma noma'w soloma God, esis sambefa maol asasinai ea' sapoma noma'w si'i fowa' God nambefa maol Ananinai napoma noma'w.

Hibrui 4:3

Amam nematawa mombale'efa Godi ape' dei' mafe' mawis mapoma noma'w maloma God si'i Anan na'iam na'i, “Ae' okom wandafuna ea' a'i basef endilisimi atom la'ifimi a'i, esis ina suwis sopoma noma'w solome, owa'etin endilisi.” Fowa' nanda' etap anae' hi'alana ea' napoma noma'w nogota laona nafi'i nafi'i nataga dei'. Anan napoma noma'w nahafa esis suwis sopoma noma'w solomana. Ea' esis ina sawis, owa'.

Hibrui 4:8

I'i nemaf anama fowa' Josua nonda'as suwis sopoma noma'w, God ina ni'i anona nemaf wapoti', owa'. Ea' owa'. Esis ina sawis.

1 Pita 2:10

Fowa' ipe' ata' pape epes falafipei, ea' dei' pape epes Godi etipa. Fowa' ipe' ina pegawa God nati uwahipipa ma dei' pape andeande', ata' owa'. Ea' dei' pegawa God nati uwahipipa nagiambamepa pape andeande'.

Revelesen 14:13

Ea' ame' anona malogel na'i nafi'i heven na'i, “Ine' da'a anom basef na'ama. Esis amam nematawa sombale'efa Dembinai saga'i, dei' nimeguf hiami anona nemaf owagama wapoti' sondanifel!” Ambal Bu'unai Godi wapoti' na'i, “Esis anona nemaf sokwaha opeh lu'wami amama esis sanda'ami sopoma noma'w. Esis ina sope etin, owa'. God nambimb niti waf bu'unai esis sanda'anai ea' nogwamasa anom amamaga bu'wami esis. Waf bu'unai esis sanda'anai anona nemaf nondawalap alihina.”

Revelesen 21:4

Anan anona nemaf nopati'masa embif hiami ma naep asasimi. Ama ina anona nemaf soga' wapoti' opalef nimanim ea' esis ina selef some' nimanimi wapoti', owa'etin. Dei' main, amamaga amama fowa'imi mafe' mowala higilalam hi'alam.”