Hibrui 4:3 - Basef Buꞌwami Godi

³ Amam nematawa mombale'efa Godi ape' dei' mafe' mawis mapoma noma'w maloma God si'i Anan na'iam na'i, “Ae' okom wandafuna ea' a'i basef endilisimi atom la'ifimi a'i, esis ina suwis sopoma noma'w solome, owa'etin endilisi.” Fowa' nanda' etap anae' hi'alana ea' napoma noma'w nogota laona nafi'i nafi'i nataga dei'. Anan napoma noma'w nahafa esis suwis sopoma noma'w solomana. Ea' esis ina sawis, owa'.

Hibrui 4:3 Iomraidhean Croise

Matyu Nandaꞌafi 13:35

Anom basef anona aman profet fowa' gani nanda'ami dei' mataga alihim mandawalap mapan. Profet anama na'iam na'ama na'i, “Anona nemaf ae' ie'i malogel i'i basef womun etin. Ae' ie'i basef mape mandambahi'i dambadamba God nanda' ilif etap mafi'i mafi'i mataga dei'.”

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Hibrui 3:11

Ea' Ae' okom wandafuna ma esis a'i basef endilisimi atom la'ifimi a'i, ‘Anona nemaf esis ina ata' sifi'i suwis sopoma noma'w solome, owa'.’ ”

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 9:26

I'i Anan nonda'am na'ama, Anan nefa' nimanimi nimeguf hiami timbi tambel fowa' dambadamba God nanda' etap anae' nafi'i nafi'i notaga dei'. Owa'. Dei' felefele'ma nogota hi'ilana Krais nataga etap anae' ma nase'ana Anan hi'alana nondolalima Goda nakwaha waf aonai ape' manda'anai. Nanda'am nemaf atotona ea' ma'um.

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.