Hibrui 4:12 - Basef Buꞌwami Godi

¹² Dei' main, basef God na'iami ambal namunai napaim, ea' la'ifim la'ela'ef mape. Amama hi'alim endilisi mikila' bainat hi'alinai wa'owa'ol mapisila epes mawis nomon endilisi. Basef amama mawis mafe' la'afena ukup maloma ambagof asasimi mondowatanimama mafe' mawala nigis maloma gonat la'afen. Ea' mawaloga opalef maloma ukup ape'imi nomon.

Hibrui 4:12 Iomraidhean Croise

Luk Nandaꞌafi 8:11

Basef womun etini ofagema na'ama. Olelemb amama si'i basef Godi.

Jon Nandaꞌafi 12:48

Emi egafis sewa' alafugama ae'i ma esis owa' seambale'efa ae', anona nemaf anona dembinai jas nowaloga esis. Nemaf anama akutainai basef amama atom ae' a'iami mowaloga epes isima.

Jon Nandaꞌafi 6:51

Ae' si'i bret ambal namunai napaiwei akwaha heven isila'i ape etap anae'. Emi egafis sea' bret anama, esis sope andeande' la'ela'ef hihif. Bret anama ae' nambimb iese'esana, amama alop ae'anai eso' amam nematawa etapasi ma sofa' ambal namunai sope andeande' la'ela'ef hihif.”

Aposel 2:37

Esis same' basef amama, maha opalef asasimi endilisi. Ea' sa'ipa Pita naloma anom aposel sa'i, “Ipe' sahopapa, dei' ape' monda' maina mope andeande'?”

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 5:33

Amam mame' basef amama, ukup wandafum kwapete'am endilisi ma'i moha amam aposel moga'.

Aposel 7:38

Anom nimeguf mafe'ma ea', esis Israel safe' sandakolas etifigin anama wafiguma fatauguma Moses aman anama atona nape nalomas. Anan nape naloma bafapapa ape'imi wapoti'. Anan nape naloma ensel anama nase'ana basef Godi halaf anama Sainai ea' nofa' basef amama ambal namunai na'ipapa.

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

1 Korin 1:24

Ea' amam nematawa God nofalapai, esis Juda saloma esis Grik wapoti', basef amama ma'i Krais Anan pepel naloma gawa anama Godi.

2 Korin 2:17

Dei' main, afa' ina si'i enis epes hiesi safe'agon hi'alagona sanda' maola basef Godi ma sofa' amamaga asasimi atom, owa'. Afa' wanda' maol anama Godi na'ama. Afa' ina wambaso'am etina maol Godi, owa'. Afa' wanda'am waila eaf bu'unai atona hi'alana, wape la'ififa waloma Krais. God nasapa'afa wafi'i wawalapa basef mafe' andeande'ma naep ananimi.

2 Korin 4:2

Afa' owa' alafugah ma waf ambagof awami sandambaho' sanda'ami. Ina ata' wape wafe' waf anama baso'mainai oho'ofa waf ombaso'masa basef Godi wa'iam, owa'. Afa' wawalapa basef endilisimi alihima naep Godi ma epes hiesi seme'am sogawa basef mape opalef asasimi nomon ma'iami.

Efesus 5:13

Ea' maina waf nagwahis mafifili mawalapanai, ofagena nataga nape nandawalap.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Efesus 6:17

God nofa'ai ipe' petanimani. Amama ipe' ukup pendanda'mam pefa'am si'i pewalo' hagw kapaimi la'ifimi balagah ipe'imi. Ea' pihapila bainat hi'alinai Ambal Bu'unai Godi nasi'ipanai, anama basef Godi atom.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

Hibrui 13:7

Ipe' ukup mopoma amam agufumi ipe'imi fowa' mawalapa basef Godi ma ipe'. Ipe' ukup mopoma fe' bu'unai amamunai ea' pefe' pila waf amam membale'efa God.

Hibrui 6:5

Ea' same' basef Godi, sogawam bo'om sagawa maol la'ifinai dambainai hianai alupusi Kraisi anona nemaf nigi' neatagai seanda'anai.

Jems 1:18

Anan naila okom ananinai atona ma basef ananimi endilisimi ma ape' mataga mape mali'ma amamaga amama Anan nanda'ami.

1 Pita 1:23

Dei' main? Ipe' ina pataga dambaipa si'i awasi sataga mamasas etapasi saga'i, owa'. Basef Godi atom Anan nanda'epa pataga dambaipa. Basef amama ambal namunai napainai nape namuna la'ela'ef, dei' ipe' pataga dambaipa ea'.

Revelesen 1:16

Anan nahapila ondowa 7-peleim nahapilam lagel da'isinai ananinai. Ea' anona bainat hi'alina wa'owa'ili nawisi nape malogel ananinai. Amaga ananinai nafifil endilisi si'i owaf naluwi la'ifina.

Revelesen 19:15

Ea' anona bainat hi'alina endilisi nape malogel Ananinai nawisi ande'. Anan na'i noha amam nematawa hiesi sape etap hiagomai ma bainat anama. “Anona nemaf Anan numafi epes hiesi sape etap hiagoma. Numafias la'ifina si'i nahapila anona bolam sanda' ain sanda'anai.” Anan nofa'asa su'utip wain ma otam tang anama waini, amama mondola'wifa okom lu'unai wandafunai Godi, Anan la'ifinai ma amamaga hiami.

Revelesen 19:21

Anom soldia maila mafin anama aolupunai maloma profet anama nambaso'masi, amam ata' mape. Ea' aman anama natoma hosi naha amam soldia amamumi maga'. Anan naham bainat anama launai nape malogel ananinai. Ea' amiguf hiami mafi'i ma' alop amamunai ea' opalef amigufi elihim endilisi.

Revelesen 2:16

Ipe' pemboma opalef pekwaha waf aonai ipe' panda'anai. I'i owa', Ae' felefele' a'i etagamepa epa' eloma epes isima owa' somboma opalef sifi'mai ae'i ehas bainat nape malogel ae'anai.

Revelesen 2:23

Esis isima saila basef akwa'umi wapoti', nambimb ehas soga'. Ama esis amam nematawa hiesi Godi sogawa Ae' awaloga nomonas maloma ukup epes hiesi andeande'. Ea' anona nemaf egwamepa amamaga ipe' atona etin, mondahama waf ipe' panda'anai.

Revelesen 20:4

Amama mafe'ma ea', ati anom balatagw lu'wami kingi ma'oh ea' enis epes satoma balatagw amama. God nase'asa agel lu'unai ma sowaloga waf esis amam nematawa hiesi sanda'anai ma kot. Ea' ati ambagof epes isima hiesi. Esis owa' sonda' lotuma mafin nape aolupi naloma ambal ananinai sambalonai, ea' owa' sofa' ikwaf aonai mafin anama amagah lagof asasimi. Epes isima sembale'efa basef Godi la'ifis sawalapa basef endilisimi Jisasi. Waf anama atona sanda' opeh bu'wami, dei' esis naumbih satopa' bagafowas afis. Sohafel wapoti' sofa' ambal namunai sope dembesi king soloma Krais sope sondahama afagof 1,000-peleim.