Hibrui 3:6 - Basef Buꞌwami Godi

⁶ Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Hibrui 3:6 Iomraidhean Croise

Matyu Nandaꞌafi 10:22

Anona nemaf epes hiesi wambel hiagoma siti ipe' pila basef ae'ami, ea' opalef aoma ipe' endilisi. Ea' emi egafis sembale'efa Ae' la'ifis situma seatagama nemaf akutainai, anona nemaf God nefa'as sotanimani.

Matyu Nandaꞌafi 16:18

Dei' a'ipina endilisi, agel ine'inai Pita, agel anama na'i owap. Nambimb ae' enda' maol la'ifinai ma sios ae'ami motoma owap anama ilif. Ama pepel anama ga'inai ina la'ifina nikila'a amam, owa'etin.

Matyu Nandaꞌafi 24:13

Ea' emi egafis sembale'efa ae' la'ifis situ seatagama nemaf akutainai, isima anona nemaf God nefa'as setanimani.

Basef Amama Pol Nandaꞌam Mafeꞌma Esis Romi 11:22

Ea' ipe' ukup ma'i andeande' okom biefim Godi uwahipimi maloma wandafumi wapoti'. Epes sakwaha waf ananinai, na'ipasa basef la'ifimi. Ea' ipe' God na'i uwahipipei, i'i ipe' pila uwahipimi amama, andeande'. I'i owa', anona nemaf notopa'epa wapoti'.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 5:2

Anan atona eafa ape' mombale'efana mope nomona okom Godi nainaila ape' endilisi nandahomapa nefa'apai dei' mape andeande'. Ape' mogawa endilisi mape mohafa anona nemaf God nofa'apa mope molomana miti nafifili Ananinai. Bale'ef anama nanda'apa mandanifel ma amama.

1 Korin 3:16

Ipe' pegawa o owa'? Ipe' etipa si'i ipat lu'unai Godi, ea' Ambal Bu'unai Ananinai nape nomona opalef ipe'imi.

1 Korin 6:19

Alop ipe'inai ipat bu'unai Ambal Bu'unai Godi. Ipe' pegawa amama a owa? Ambal anama nosahe'epa ea' nape nomona ipe'. Ipe' ina ipe' etipa, owa'. Ipe' ananipei etipa si'ipa.

2 Korin 6:16

Dei' a'ipipa basef amama afela ukup ipe'imi. Ea' ina andeande'ma mokolasa ipat lu'unai Godi noloma amamaga baso'maimi sanda'am sanda' lotumami, owa'. Ipe' pegawa ape' atepa si'i ipat anama God napainai nomon. Si'i fowa' Anan na'iam na'i, “Owagama ae' epe elomas efe' la'afena esis ea' epe God asasiwei ea' esis wapoti' sepe epes ae'asi.”

Galesia 6:10

I'i ape' muti eaf bu'unai, monda' waf bu'unai ma epes hiesi migiambamas atona etin. Ape' monda'ana na'ama etin la'ifipa esis sahin owan sombale'efa Dembinai mikila' manda'ana enis epes.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

Efesus 3:12

Ape' mape la'ifipa maloma anan mombale'efana. Amama atom ape' ina umbamahapa ma mefe'ma God, owa'. Ape' ukup la'ifim endilisi ea' dei' mafe' felefele'ma Anan.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

1 Tesalonaika 5:16

Ipe' pendanifel la'ela'ef.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

1 Timoti 3:15

I'i owa' efo'o etaga ulal, ine' nitiago basef amama negawa waf anama esis sape andeande' ma wambota anama Godi. Wambota anama esis sios amam nematawa Godi ambal namunai napainai. Sios Godi si'i olaf la'ifinai nanda' basef endilisimi la'ifimi.

Hibrui 1:2

Ea' dei' nogota anae' si'i nogota anama anona nemaf nigi' neatagai endilisi, nawalapa basef na'ipapa malogel Nogalomana Ananinai. God nandandepana ma nemaf akutainai Anan nope Dembinaima amamaga hiami ma etap anae' moloma esis amam nematawa wapoti'. Anan atona nofa'am numafiam. Fowa' gani God na'i Nogalomana Ananinai nanda' amamaga hiami ambagof mapaimi maloma ambagof a'ami mape ilif etapi hi'alam mataga mape.

Hibrui 10:19

Ea' dei' ipe' alupipei, esimbel Jisasi atom dei' ape' ukup la'ifim. Ea' owa' umbamehepa ma mofe' muwis nomon anama God napoma bo'wagoma andeande' endilisi.

Hibrui 10:21

Dei' ape' anona dembinai pris numafi amam nematawa Godi. Anama Jisas atona.

Hibrui 10:23

Ape' mombale'efana la'ifipa muwalipas alihima amamaga bu'wami ape' mape mohafami. Amama ape' mohapilam la'ifipa, ina motanima, owa'. Dei' main, ape' mogawa maim amamaga God na'i basef endilisimi atom nambimb nigi'mam nonda'am andeande'.

Hibrui 10:35

Ea' dei' ipe' ina pekwaha waf bu'unai paitu la'ifipa, owa'. Waf bu'unai anama atona, God anona nemaf nogwamepa amamaga bu'wami ma ipe'.

Hibrui 11:1

Waf ofagena ma ape' mombale'efa God na'ama. Opalef ape'imi mahapila amamaga amama ape' mombale'efana mape mohafama anona nemaf nigi' neatagai noloma anom amamaga anona nemaf God niese'apami. Amamaga amama naep ape'imi owa' meatilumi, opalef ape'imi mogawa endilisi amamaga amama mape.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 4:11

Ea' dei' ape' monda' maol la'ifipa endilisi ma mefe' muwis mopoma noma'w molomana. Na'ama enin epen ape'ini nesambala basef Godi newa ma waf aonai anona nemaf higililan si'i fowa' esis sanda'ama sowa hegilalas hi'alas.

Hibrui 4:14

Ape' anona pris Dembinai ape'inai nape nali'ma pris hiami nafe' nawis heven nape naloma God. Anan Jisas Nogalomana Godi. Ea' dei' ape' mombale'efa basef God nawalapami la'ifipa.

Hibrui 4:16

Amama atom ape' dei' ukup la'ifim mefe' felefele'ma God, umbamohapa owa'. Anan nigiambamapa na'a ma mape andeande'. Ea' ape' mefe'ma Anona niti uwahipipa nigiambamapa maina nemaf mofa' nimanimi lu'wami.

Hibrui 6:11

Ae' okom na'i ipe' hipei atona etin ukup ma'i penda' waf bu'unai pigiambama epes Godi pefe' pefe' petagama nemaf anama Krais niefi'ianai. Penda'am na'ama ma pegawa endilisi anona nemaf Anan nefa'epa pitanimani.

Hibrui 6:18

Basef amama endilisimi atom na'iam endilisi gani ilif. Basef amama biefim ma'iam na'ama etin dei' mape la'ela'ef, ina anom amamaga maloma enis epes soho'ofam, owa'. Anan na'ipapa basef biefim amama ma nenda' opalef ape'imi la'ifim endilisi, ape' amam nematawa mafa' mafe' mandambaho' felefele'ma Anan. Ape' mombale'efa basef amama la'ifipa mogawa endilisi Anan anona nemaf nigiambamapa ma mope andeande'.

Hibrui 7:19

Dei' main, mi'uli anama ina nanda' epes sataga bo'wes andeande' ma naep Godi, owa'. Ea' dei' God nandoga anona eaf, anama bu'unai nikila' mi'uli anama, dei' eaf anama atona ape' mogawa endilisi God nagiambamapa ea' mefe' felefele'ma Anan.

1 Pita 1:8

Ipe' ina dei' pati Jisas, ea' pembale'efana endilisi. Danifel anama bu'unai endilisi nafi'i ilifi nikila' danifel hianai etap anae'. Ea' epes ina la'ifisa sowalapana sa'iana malogof asasimi, owa'.

1 Pita 2:5

Ipe' wapoti' si'i owah ambal namunai napaimi. God nape nanda'epa la'ela'efa pataga bo'wepa si'i anona ipat bu'unai ananinai dei' nape nanda'anai. Ama ipe' pepe epes bu'upei penda' maol pindalalima God. Ea' pindalali pese'ana ukup ambagof ipe'imi mofe'ma Anan. Ipe' pindalali penda'am na'ama, okom Godi na'i amama andeande'ma maol anama Jisas Kraisi nanda'anai.

1 Pita 4:17

Nogota anama mataga ea' ma dei' God nowaloga epes hiesi Ananisi ma basef lu'wami. I'i God nili' nowaloga ape' mili', anona nemaf nigi' nowaloga epes isima sosambala basef bu'wami Ananimi sope si'imama? Esis sofa' nimanimi lu'wami.

Revelesen 2:18

Ine' da'a anom basef mofe'ma ensel anama numafi sios amam nematawa Kristen sape Taiatairai. Ae' nogalomana Godi, naep ae'ami howalagon endilisi si'i nif fandom la'ifim endilisi, bo'wagah ae'ami howalam gambigambis endilisi si'i bras howalagon.

Revelesen 2:25

Waf hianai bu'unai ipe' pagi'manai, anama ipe' pembale'ef la'ifipa pefe' ma petaga nogota Ae' iefi'ianai.

Revelesen 2:26

Ipe' emi egafipa pitu la'ifipama wandafa pili'amona waf aonai ma pila okom Ae'anai pefe' petaga nogota hi'ilana, Ae' anona nemaf ese'epa pepel ipe'. Ama pepe dembipei ma amam nematawa hiesi. Na'ama etin si'i fowa' Ahalome nase'e pepel ma ape Dembiwei imafi epes hiesi. Ipe' wapoti' pepe dembipei pefa' pepel pimafi enis amam nematawa wapoti' na'ama. Ipe' pimafias la'ifipa si'i anona aman nahapila kalamuta sanda' ain sanda'anai, si'i anona aman nawala malep papalalana.

Revelesen 3:11

Ae' ifi'i etagama ipe' mehip. Waf bu'unai ipe' pailanai dei', pilona la'ifapa la'ela'ef. Na'ama anona aman nondalombepa amamaga bu'wami mapoma ipe' ma anona nemaf pefa'ami.