Hibrui 3:2 - Basef Buꞌwami Godi

² Anan naila okom Godi nanda' maol God nandandepana nanda'ana andeande', si'i fowa' gani Moses nanda' maol Godi andeande' nagiambama epes hiesi Godi.

Hibrui 3:2 Iomraidhean Croise

Jon Nandaꞌafi 15:10

I'i ipe' pila mi'uli ae'anai andeande', nambimb pepe okom ae'anai nomon si'i ae' aila mi'uli Ahalome andeande'ma ape okom ananinai nomon.

Jon Nandaꞌafi 17:4

Opeh amama ine' nasapa'e afi'i ma eanda'ami, ae' anda'am hi'alam. Ea' dei' afela agel ine'inai lu'una ma naep esis amam nematawa etapasi.

Jon Nandaꞌafi 7:18

Emi egafis sie'ipasa gawa ananinai atona, esis sa'i enis epes seafela agof asasimi lu'um. Ea' emi egafis sonda' maola sefela agel anan nasapa'as safi'i, esis epes bu'wasi, sa'i basef endilisimi atom. Basef baso'maimi ina mapomas, owa'.

Jon Nandaꞌafi 8:29

Anan nasapa'e afi'i nape nalome. Anan ina nakwahowe ae' atowe ape, owa'. Dei' main, la'ela'ef ae' aila okom ananinai anda' maol.”

Efesus 2:22

Ipe' wapoti' pape la'ifipa paloma Jisas Krais, dei' God nape nakolasipa etifigin la'ela'ef paloma enis Kristen alupusi hiesi. Ea' nanda'epa pataga si'i ipat endilisi God napeinai ma Ambal Bu'unai Ananinai atona.

1 Timoti 1:12

Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.

1 Timoti 3:15

I'i owa' efo'o etaga ulal, ine' nitiago basef amama negawa waf anama esis sape andeande' ma wambota anama Godi. Wambota anama esis sios amam nematawa Godi ambal namunai napainai. Sios Godi si'i olaf la'ifinai nanda' basef endilisimi la'ifimi.

Hibrui 2:17

Amama atom Anan nataga na'ama etin endilisi si'i owasana ananisi ma nataga pris dembinai nape nali'ma pris hiami. Anan aman na'i uwahipisa ape' nanda' maol Godi andeande' endilisi. Ea' Anan nataga si'i owasana Ananisi ma natofa okom wandafunai Godi napoma amam nematawa hiesi sanda' waf aonai.