Hibrui 3:1 - Basef Buꞌwami Godi

¹ Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Hibrui 3:1 Iomraidhean Croise

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 20:21

Ea' na'ipafa wapoti' na'i, “Opalef ipe'imi mope awanem. Ae' dei' a'i esapa'epa pefe' pi'ipasa basef Godi si'i Ahalome nasapa'e afi'i a'ipipa.”

Jon Nandaꞌafi 20:27

Ea' na'ipa Tomas na'i, “Ine' nesa faf ine'inai ma ae' anae'. Ea' niti lagof ae'ami. Nesapa' lagel ine'inai nuwis lambeh ae'ami nomon. Ina okom bimbiefina nopeina, owa'. Nembale'efa ae' endilisi.”

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 15:27

Endilisi ukup asasimi atom ma'iam ea' dei' sanda'am na'ama. Ea' ae' a'i esis sowaolamasa anona wiaf notaoma esis Kristen sape Jerusalemi. Fowa' esis Juda sali' sawalipasa basef Godi ma sagiambama ambagof esis isima owa' Judaisi sape etap hiagoma Masedonia saloma esis Grik sapoma. Amama atom dei' andeande'ma esis sogwamasa wiaf anama esis Judai ma amamaga magiambama alopami.

Basef Amama Pol Nandaꞌam Mafeꞌma Esis Romi 15:8

Ae' a'ipipa na'ama. Krais nafi'i nataga nanda' maol nape owina nagiambama esis Juda. Anan nanda'am na'ama ma nihi'ambasa God na'i basef endilisimi atom. Basef amama endilisimi atom fowa' na'iam naloma dambami bafasas akupas asasimi mandawalap alihim.

Basef Amama Pol Nandaꞌam Mafeꞌma Esis Romi 9:24

Amama ma'i ape' atepa. Anan nofalapa ea'. Ina nofala enis Juda etis, owa'. Nofala enis owa' Judaisi wapoti'.

1 Korin 10:17

Bret atotona. Amama mihi'ambapa amam nematawa hiapai mape si'i alop atotona. Dei' main, ape' hiapai mandakolas mandao'oma ma' bret atotona.

1 Korin 9:23

Ae' anda' maol anama ma efela agel basef bu'wami Godi ma anona nemaf efa' amamaga amama bu'wami epes isima saila basef amama sofa'ami eloma enis epes Godi wapoti'.

2 Korin 1:7

Afa' ogawa endilisi wa'i ipe' paitu la'ifipa. Dei' main, afa' ogawa ipe' pefa' nimanimi palomafa ea' na'ama etin anona nemaf pefa' opalef awanimi pelomafa wapoti'.

2 Korin 9:13

Waf anama ipe'inai nandawalap alihiguma nihi'amba epes hiesi ma ipe' paila basef Godi andeande'. Ea' enis epes wapoti' sefela agel Godi lu'una ma ipe' paila basef bu'wami Kraisi pawalapama pagiambama esis saloma enis epes wapoti' hi'alas.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 4:4

Alop etifina, Ambal Bu'unai Godi etifina. Amama na'ama etin si'i amamaga etifim, God nali' nofalepa pape pehafana.

Filipai 3:14

Ae' faso'me asagih mehip etaga ikwafa efa' agola waf bu'unai. Amama na'ama. Krais Jisas nanda' opeh bu'wami nagiambame ape la'ifiwi aloma anan. Dei' God nofale ma efe' epe la'ela'ef heven.

Kolosi 1:12

Ea' onda' betena ipe' ma pinifela Ahalomapa. Anan nanda'epa pataga la'ifipa ma pefa' amamaga amama bu'wami Anan nandondombama ipe'. Amama anona nemaf pefa'am peloma esis amam nematawa Ananisi hiesi wambel Ananinai howalagoma.

Kolosi 1:22

Ea' Krais nataga epen endilisinai sahana naga', amama atom God nanda'epa pataga alupipei opaf atotona palomana ma ga' Nogalomanai atona. Nanda'am na'ama ma nofa'epa pifi'mai anan pepe bo'wepa andeande', ofagema a'epa ma naep Ananimi.

Kolosi 3:12

God anan nandandepepa ea' pape amam nematawa ananipei okom nainailipa endilisi. Ea' ipe' penda' waf bu'unai na'ama. Ipe' piti epes hiesi uwahipis la'ela'ef pigiambamas penda'as andeande'. Ipe' petalogofa ipe' pepe owina enis epes, penda' waf so'umbilinai ma esis ea' pepe piti esis sonda'mepa waf naninani aonai ipe' ma tol pepe opalef awanem.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

1 Tesalonaika 5:27

Ae' a'ipipa mehipa agel Dembinai, ipe' pi'i basef mail pas amama ma esis Kristen alupusi hiesi.

2 Tesalonaika 1:11

Afa' ukup ma'i amama ea' la'ela'ef wanda' betena God ape'inai ma nigiambamepa. Afa' ogawa God nofalepa ea' wanda' betena anan nonda'epa petaga la'ifipa endilisi si'i anan nofalepa penda'am. Afa' wanda' betena God nonda'epa pataga la'ifipa ma penda' waf anama bu'unai hianai pa'i pienda'anai, ea' pembale'efa Krais pembefa maol ipe' panda'anai

2 Tesalonaika 2:14

Nemaf anama afa' wa'ipipa basef bu'wami Godi ma anan nofalepa nose'epa nafifili Dembinai ape'inai Jisas Kraisi. Ma God nefela agola Dembinai ape'inai Jisas Krais noloma agof ipe'imi wapoti'

1 Timoti 6:12

Nembale'efa Krais si'i enin epen nasagih mehip naloma enis. I'i enin nesagih mehip nefe' nisila'as, nefa' anom amamaga. Ine' wapoti' na'ama etin. I'i nembale'efana la'ifina, anona nemaf nepe andeande' la'ela'ef. Ine' nihapila okom anama ambal bu'unai nape la'ela'efi fowa' God nofalena ma nefa'anai. Anan nofalena nemaf anama ma newalapa bale'ef anama ine'inai naep epes hiesi sanda' lotuma Godi.

1 Timoti 6:2

Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

2 Timoti 2:7

Ine' okokoma basef amama a'iami. Nambimb Dembinai nomboma okom ine'inai, ea' negawa basef amama hiami ofagema.

Hibrui 10:19

Ea' dei' ipe' alupipei, esimbel Jisasi atom dei' ape' ukup la'ifim. Ea' owa' umbamehepa ma mofe' muwis nomon anama God napoma bo'wagoma andeande' endilisi.

Hibrui 10:21

Dei' ape' anona dembinai pris numafi amam nematawa Godi. Anama Jisas atona.

Hibrui 10:23

Ape' mombale'efana la'ifipa muwalipas alihima amamaga bu'wami ape' mape mohafami. Amama ape' mohapilam la'ifipa, ina motanima, owa'. Dei' main, ape' mogawa maim amamaga God na'i basef endilisimi atom nambimb nigi'mam nonda'am andeande'.

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.

Hibrui 2:11

Anan atona nanda'apa amam nematawa mataga bo'wepa andeande' malomana wambota atotona Ahalomapa atotona. Amama atom dei' Anan ina ambal aona nofalapa na'i sahin owan Ananipai, owa'.

Hibrui 2:17

Amama atom Anan nataga na'ama etin endilisi si'i owasana ananisi ma nataga pris dembinai nape nali'ma pris hiami. Anan aman na'i uwahipisa ape' nanda' maol Godi andeande' endilisi. Ea' Anan nataga si'i owasana Ananisi ma natofa okom wandafunai Godi napoma amam nematawa hiesi sanda' waf aonai.

Hibrui 3:12

Alupipei Ae'ipei, ipe' pindumafuma andeande'. Na'ama enin sahin owan ipe'isi okom ninila waf aonai nekwaha bale'ef ananinai newa' alafugama God nape la'ela'efi.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 6:20

Anama ipat Godi lu'unai sanda' lotuwanai natawa heveni Jisas nali'apa nafe' nawis ipat anama nomon ma nagiambamapa. Anan nataga pris dembinai nape nali' ma pris hiami dei' nape la'ela'ef hihif na'ama etin si'i Melkisedek.

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.

Hibrui 7:28

Mi'uli anama God fowa' naso' Mosesanai nesaho' amam amama ina la'ifima monda' waf bu'unai nimeguf hiami ea' mape dembemi pris. Ea' basef amama la'ifimi God na'i endilisi gani ilif, amama mataga magi'ma mi'uli anama mandandepa Nogalomana Ananinai, Anan nataga bo'ona andeande' la'ela'ef hihif.

Hibrui 9:11

Dei' Krais nafi'i nataga pris Dembinai nape nali'ma pris fowa'imi hiami. Ea' numafi amamaga amama bu'wami mataga mape ea'. Anan nafe' nawis nomon endilisi ipat anama agel lu'unai bu'unai endilisi nikila' ipat anama selinai fowa'inai notawa etap anae'. Ea' ipat anama dei'inai ina notawa etap anae', epes sanda'ana sala'ana lagof asasimi, owa'.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

1 Pita 3:5

Nematawa Godi fowa'iwai ombale'efana wape wa'i endilisi God anona nemaf nila basef ananimi andeande'. Sosaf awaunai na'ama, wanda' waf bu'unai opalef nomon ea' wafe' owina wauhupawa awaumi.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”

Revelesen 18:20

Ipe' pape heven ilifi peloma ipe' amam nematawa Godi paloma ipe' aposel paloma ipe' profet, ipe' hipei pendanifel ma amamaga amama dei' matagama wambel lu'unai anama. Dei' main, God nawaloga wambel anama lu'unai ea' nagwa nimanimi lu'wami ma anama. Anan nagwa waf anama aonai esis sape wambel anama Babilon sanda'anai.”