Hibrui 2:9 - Basef Buꞌwami Godi

⁹ Ape' dei' mogawa Jisas! Fowa' nogota bandana God nanda'ana nafe' owina amam ensel. God nati ape' uwahipipa nagiambamapa na'a, dei' Jisas nefa' nimanimi lu'wami naga' ma ape' hiapai. Amama atom dei' God nase'ana agel lu'unai nanda'ana nataga Dembinai king nafifili endilisi.

Hibrui 2:9 Iomraidhean Croise

Matyu Nandaꞌafi 16:28

Ae' a'ipipa endilisi! Enis epes dei' saitu na'ae, esis ina nambimb soga' ulal, ata' owa', siti ae' ataga epen endilisiwei eape si'i dembiwai king iefi'i.”

Matyu Nandaꞌafi 6:28

Dei' maina nomonas ipe'imi matamea safe' endilisi ma luwaguf maim? Ipe' ata' ukup mopoma afis main salo ande'. Esis sataga salo lu'wis sa'imama? Esis ina sanda' maol, ina sanda' luwaguf maim, owa'etin.

Mak Nandaꞌafi 9:1

Ea' Jisas na'ipa esis na'i, “Ae' a'ipipa endilisi, enipa paitu na'ae nambimb ina pega' ulal, ata' owa'. Enipa piti pepel Godi nifi'i ma epes hiesi siowis wambota Ananinai numafias.”

Luk Nandaꞌafi 9:27

Ae' a'ipipa endilisi, enipa paitu na'ae nambimb ina pega' ulal, ata' owa'. Enipa nambimb piti epes siowis wambota Godi numafias.”

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 10:17

Ae' a'i ega' ma ieigiambama sipsip ae'ami ma nambimb ehafel eape namowe wapoti'. Amama atom Ahalome ae'anai okom nainaila ae' endilisi.

Jon Nandaꞌafi 12:32

Nambimb esis sundi il etin lawag usi'inai tu'wanainai ilifa nambimb ihindi'ai esis amam nematawa hiesi sifi'mai ae'.”

Jon Nandaꞌafi 3:16

Endilisi, God Nogalomana ananinai atotona nape. Owa'etin. Ea' anan okom nainaila amam nematawa hiapai mape etapi. Ea' nase'apai Nogalomana ananinai atotona ma emi egafis sombale'efanai sope andeande', ina sega'ma waf aonai, owa'. Sofa' ambal namunai sope andeande' la'ela'ef hihif.

Jon Nandaꞌafi 8:51

Ae' a'ipipa basef endilisimi atom. Emi egafis sembale'efa basef ae'ami sielam, esis ina anona nemaf soga', owa'. Sope la'ela'ef hihif.”

Jon Nandaꞌafi 8:52

Ea' esis Juda same' basef amama sa'i, “Dei' ape' mogawa ine' ambal aonai nape nomonas ine'imi. Abraham fowa' gani naga' ea' amam profet fowa'imi wapoti' maga'. Ea' ine' na'i, emi egafis seambale'efa basef ine'imi esis ina soga', owa'.”

Aposel 2:33

Dei' God nafelona nohafel nalata gani heven ilif ea' nape lagel da'isinai Godi. Anan nofa' Ambal Bu'unai Godi ma Ahalomana, si'i fowa' Ahalomana na'ipana na'i endilisi nese'ana. Amama atom dei' Jisas nase'asam esis amamaga amama dei' patolom pame'am ea'.

Aposel 3:13

God anama bafapapa ape'imi Abraham naloma Aisak naloma Jekop manda' lotumanai, anan atona nanda'ana nataga bo'ona nafela agel Jisasi, nanda' maola Anani. Anan aman anama atona ipe' pandaiwa'mana pase'ana amam agufumi gavmani ma mahana naga'. Dembinai Pailat na'i notagahona nifi'i, owa'. Ipe'pandaiwa'mana pewa' alafugahana.

Basef Amama Pol Nandaꞌam Mafeꞌma Esis Romi 5:18

Dei' ape' mape na'ama. Fowa' waf aonai atotona nanda' ape' hiapai higilalapa. Ea' na'ama etin waf bu'unai atotona natagahepa ma waf aonai nanda'apa dei' mape namepa.

Basef Amama Pol Nandaꞌam Mafeꞌma Esis Romi 5:8

Ape' ata' manda' waf aonai, Krais naga' nagiambamapa. Ea' dei' God nihi'ambapa okom lu'unai nainaila ape' nandawalap alihina.

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Basef Amama Pol Nandaꞌam Mafeꞌma Esis Romi 8:32

Anan ina umbamahanama nase'apai Nogalomana ananinai, owa'. Anan nasapa'anai nafi'i ma nagiambama ape' hiapai. Na'ama dei' anona nemaf Anan nose'apai anom amamaga hiami wapoti' moloma anan.

2 Korin 5:15

Ea' anan naho'ofa ape' hiapai naga' ma ape' epes mope namepa ma ina ukup motamea ma ape' atepa, owa'. Ape' ukup ma'i aman anama naho'ofapa naga' ma notanima nohafel wapoti', ukup ma'i maol ananinai la'ela'ef.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

1 Timoti 2:6

Anan fowa' God nandandepana ea' nakwaha ambal ananai atona natala ape' epes hiapai nakwahomapa waf aonai motanimani. Nemaf anama dohamadohama Krais nihi'ambamapa God na'i nefa'ai epes hiesi sotanimani.

Hibrui 1:9

Ine' okom naila waf bu'unai nandafa'ma waf aonai sosambala basefanai. Ea' dei' God, Anan God ine'inai, nandandepena nase'ena danifel lu'unai endilisi. Ea' epes hiesi ina sandanifel si'i ine', owa'.”

Hibrui 10:5

Ea' nemaf anama Krais nafi'i etap anae' Anan na'ipa God na'i, “Ine' nandaiwa'ma esis soha mafis sofa'ai amamaga maim sifi'i sondolalima ine', owa'. Ea' ine' nandondomba anona alopa nese'eana Ae'.

Hibrui 11:5

Enok nembale'efa God dei' God nefa'ana nafe' nalata ilif heven. Anan ina naga', owa'. Epes sagolopana sa'i siti anan, ea' ina satolona, owa'. Dei' main, God nefa'ana. Amama na'ama etin si'i buk Baibel na'iam na'i, “Fowa' God ata' owa' nefa'ana, nemaf anama Enok nali' naila okom Godi.”

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 2:7

Ine' nanda' amam ensel mape dambem la'ifima esis isima amam nematawa etapasi nogota bandana. Ine' nase'asa agof lu'wami nanda'asa sataga dambes.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

Hibrui 8:3

Fowa' gani God nandandepa amam dembemi pris mofa' amamaga bu'wami gwa'aimi mafis mamumami ma mondolalimana. Ea' Dembinai ape'inai wapoti' God nandandepana ma nofa'ai anom amamaga nondolalimanami.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Jon 2:2

Anan atona nahagofa okom wandafunai Godi naga' nakwaha waf aonai ape' manda'anai. Ea' ina nakwaha waf aonai ape' manda'anai atona, owa'. Anan nakwaha waf aonai ma epes hiesi etapasi hi'alas.

Revelesen 19:12

Naep ananimi si'i nif fandumi ea' hagw bu'wami hiami si'i dembemi king atom mowalo'ami mape balaga Ananinai. Anom amef mail alop ananinai, anama agel ananinai. Anan atona nogawa agel anama, enis epes owa'.

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.