Hibrui 2:10 - Basef Buꞌwami Godi

¹⁰ God anan Dembinai fowa' gani nanda' amamaga hiami mataga mape numafiama pepel Ananinai mape andeande', Ananimi atom. Ea' andeande'ma Anan na'i Jisas nefa' nimanimi nanda' eaf ma nokwahomapa waf aonai ape' manda'anai nofa'apa motanimani. God nanda'am na'ama ma nokolasa ape' hiapai nofa'apa mefe' heven miti nafifili Ananinai.

Hibrui 2:10 Iomraidhean Croise

Luk Nandaꞌafi 13:32

Ea' Jisas nagwamama basef na'ipam na'i, “Ipe' fo'o pi'ipa aman anama nanda' do'ufi douf si'i nombat aolopunai pi'ipana pi'i, ‘Dei' naman wapoti' ae' etofa ambagof awami mape epesi, ea' enda' awes nanda'asi setaga bo'wes. Anom nimeguf mefe' ea', nemaf nefe'ma wenifi hi'ilana, embefa maol ae'anai hi'ilana.’

Luk Nandaꞌafi 2:14

“Ape' mafela agel God nape gani ilif endilisi lu'una. Pepel howalogon ananinai atona. Ea' epes emi sape etapi God okom bo'ona ma esis, opalef asasimi mope awanem.”

Luk Nandaꞌafi 24:26

Krais anan ata' nili' nofa' nimanimi ea' nigi' nofa' pepel howalagon ananinai nigi'.”

Luk Nandaꞌafi 24:46

Ea' na'ipas na'i, “Fowa' gani amam manda' basef amama mail buk Baibeli ma'i Krais nefa' nimanimi sohana noga' ma nimeguf bi'am hi'ilam anona neafe'ma wanomi, notanima nohafel hi'agif wapoti'.

Jon Nandaꞌafi 11:52

Kaiafas na'i Jisas ina noga' nigiambama esis Juda etis, owa'. Anan noga' ma nigiambama epes Godi hiesi sape safe' etap hiagomai hi'ilas nefa'as sotanimani, ea' nonda'as sotaga epes hiesi wambota Godi atotona.

Jon Nandaꞌafi 19:30

Anan nagwa' wain embel amama ea' na'i, “Maol anama hi'alana ea'.” Ea' nitimale' balaga nail nowalana ambal nandahi' nafe' anan ea' afuna.

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Basef Amama Pol Nandaꞌam Mafeꞌma Esis Romi 11:36

Anan nanda' amamaga hiami hi'alam mape ilif etapi numafiam. Ea' amamaga amama mape ma mefela agel ananinai atona. Ape' epes hiapai hi'ilapa mefela agel ananinai la'ela'ef. Endilisi.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

1 Korin 8:6

ea' hapaimi. God ape' manda' lotumanai atotona nape. Anan God ahalomapa, anan atona ofagonama amamaga hiami. Anan ofagema ape' mape etap anae', manda' maol ananinai atona. Ea' Dembinai atotona nape, anan Jisas Krais. Lagel ananinai atona dei' God nanda' amamaga hiami mataga mape. Krais atona nanda' ape' mataga mape dambaipai.

2 Korin 3:18

Ea' ape' hiapai dei' mape amagah wafimi, nafifili bu'unai Dembinai nafifima ape', ape' mififima enis epes. Ape' mape na'ama dei' Ambal Bu'unai Godi naho'ofa waf ape'inai ea' mandati si'i Dembinai ma nafifili anama nataga lu'una la'ela'ef nafe' etin nape. Amama mataga Dembinai atona, anan Ambal Bu'unai Godi.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

2 Korin 5:18

God atona ofagonama waf anama epes sataga dambais. Fowa' ape' ata' mape naumbih malomana, ea' Krais nataga nanda'apa mape opalef etifim maloma God. Ea' God nase'afa maol anama ma wigiambama anona onda' esis naumbih ananisi sotaga opalef etifim solomana.

2 Korin 6:18

Ama epe Ahalomepa ipe'iwei ipe' pepe awasi amam nematawa ae'ipei. Dembiwei ofagewema pepel hianai a'iam na'ama.”

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Efesus 2:7

God nanda'apa na'ama ma nogota anae' dei' nafe' nafe' notaga owagama nihi'ambas okom ananinai nainailapa nigiambamapa na'a, ma epes hiesi soloma ensel hiami sogawa okom anama ananinai lu'unai endilisi nandawalap alihina ma ape' na'ama. Anan nanda'apa mape la'ifipa maloma Krais Jisas.

Efesus 3:10

Fowa' ata' mandambaho', dei' na'i esis amam nematawa Godi sombale'efanai sihi'ambam amam dembemi agufumi maloma amamaga pepel hianai nape heveni mogawa gawa Godi. Gawa anama hianai ananinai naninani lu'una sa'ona hi'alana.

Kolosi 3:4

Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 6:20

Anama ipat Godi lu'unai sanda' lotuwanai natawa heveni Jisas nali'apa nafe' nawis ipat anama nomon ma nagiambamapa. Anan nataga pris dembinai nape nali' ma pris hiami dei' nape la'ela'ef hihif na'ama etin si'i Melkisedek.

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.

Hibrui 7:28

Mi'uli anama God fowa' naso' Mosesanai nesaho' amam amama ina la'ifima monda' waf bu'unai nimeguf hiami ea' mape dembemi pris. Ea' basef amama la'ifimi God na'i endilisi gani ilif, amama mataga magi'ma mi'uli anama mandandepa Nogalomana Ananinai, Anan nataga bo'ona andeande' la'ela'ef hihif.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

Revelesen 4:11

“Ine' God afa'inai Dembinai afa'inai. Ine' la'ifinai bu'unai endilisi ma epes hiesi sondanifela ine' sofela agel ine'inai lu'una. Ine' la'ifinai. Dei' main, ine' nanda' amamaga hiami. Okom ine'inai atona na'iam nanda'am mataga. Ea' dei' amamaga amama hiami mape ambal napaim.”

Revelesen 7:9

Amamaga amama hi'alam, ae' ata' atologon wapoti' ati esis amam nematawa hiesi endilisi safi'i sondowa'anima sape. Ea' ina enin epen la'ifina niamba epes isima sataga ma'uma'wis, owa'. Esis hias endililsi. Epes isima sape etap kantri hiagoma ea' epes hiesi sape wambotagw hiami ma alop anama naninani, diga hianai naninani, isima hiesi hi'alas. Esis saitu anama God natoma balata king ma naep sipsip noganai. Sala anom luwaguf afitimi laumi, sahapila bagah lagof asasimi.