Hibrui 13:9 - Basef Buꞌwami Godi

⁹ Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

Hibrui 13:9 Iomraidhean Croise

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Matyu Nandaꞌafi 24:4

Ea' Jisas nagwamama basef na'i, “Ipe' pindumafuma andeande'. Na'ama enin epen nembaso'mepa.

Luk Nandaꞌafi 5:38

Ea' wain dambainai sakolo'wana agwahup dambainai atona.

Aposel 20:30

Ea' enis epes ipe'isi etis sohafel si'i basef baso'maimi atoma somboma ukup esis Kristeni sefe' silas.

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 14:2

Enis epes sembale'afana la'ifis, sa' gwa'aimi mamumami hiami. Ea' bale'ef enis epesi ina la'ifina na'ama ina sa' mafis maim, owa'.

Basef Amama Pol Nandaꞌam Mafeꞌma Esis Romi 14:6

Emi egafis ukup mi'i anona nemaf bo'ona endilisi, esis ukup ma' i Dembinai dei' sanda'am na'ama. Ea' emi egafis sa' gwa'aimi mamumami, esis ukup ma'i Dembinai ea' sa'am. Dei' main, esis sanifela God sa'am. Ea' epes isima owa' sea' gwa'aimi mamumami hiami, ukup ma'i Dembinai, dei' sandaiwa'ma anom gwa'aimi. Isima wapoti' sanifela God.

1 Korin 6:13

Ea' enis epes sa'i, “Gwa'aimi amama, alopi atom ea' alop napoma nea' gwa'aimi atom.” Ea' amamaga amama biefim, alop naloma gwa'aimi, anona nemaf God nohambombagam atom hi'ilam. God ina nanda' alop ape'inai ma nonda' waf aonai so'a waolanai, owa'. Anan nanda'ana nonda' maol Ananinai atona bu'unai. Ea' Anan Dembinai ma alop ape'inai numafiana.

1 Korin 8:8

Ea' gwa'aimi amama ina mofa'apa mefe' felefe'ma God, owa'. I'i ape' mundaiwa'ma gwa'aimi amama, ape' ina nambimb mope awepa ma naep Godi, ea i'i mea' mafis amama, ape' ina nambimb motaga bu'upai mikila' fowa' mape, owa'. Ape' mape wafifipa ma mi'uli anama fowa'inai na'i gwa'aimi amama.

2 Korin 1:21

God atona nanda'afa wataga la'ififa, ipe' wapoti', ea' mape la'ifipa paloma Jisas Krais. Anan nanda'mapa ikwaf ananinai ape' nosahe'apa ma mope ananipai atepa ea' nase'apa Ambal Bu'unai Ananinai nape nomon opalef ape'imi. Ambal anama God nase'apanai nali' ma amamaga tu'wanim hiami bu'wami God na'i anona nemaf nease'apami.

Galesia 6:1

Sahin owan, ipe' i'i piti enin epen ipe'ini nenda' anona waf aonai, ipe' enipa pape la'ifipama Ambal Bu'unai Godi pigiambaman pi'ipan so'uso'umbel. Ipe' hipei atona etin pindumafuma andeande' ma waf ipe' panda'anai. Na'ama Satan nogwamba ipe' wapoti'.

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

Efesus 5:6

Ipe' pindumafuma andeande'. Na'ama peme' basef enis epesi atom somboma ukup ipe'imi penda' waf anama aonai. Dei' main, waf anama God okom wandafuna ma epes isima sanda'anai sosambala basef Ananimi.

Kolosi 2:4

Ae' a'ipipa basef amama. Ipe' pindumafuma andeande'. Na'ama enin epen nembaso'mepa ma basef usihimi.

2 Tesalonaika 2:17

Ea' dei' afa' wa'i amam biam monda'epa petaga la'ifipa migiambamepa penda' waf bu'unai hianai ma pi'ipasa basef bu'wami hiami.

2 Tesalonaika 2:2

Enis epes sa'ipipa sa'i nemaf Dembinai anona nemaf niefi'ianai nataga ea'. Ae' ine' egawa. Basef amama Ambal Bu'unai Godi na'ipanam enin epen na'ipi pas o enin epen na'iam okom ananinai atona o esis sa'i afa' wanda' basef amama wasapa'am mafo'o wa'ipasa basef amama? I'i peme'asa basef amama, ipe' ina pehafel gegelalasipa kwapete' mehip ea' ukup ipe'imi aom, owa'

1 Timoti 6:20

Nogalome Timoti, ine' nindumafuma nimafi basef amama God nasi'inami andeande'. Newa' alafugama basef amama baso'maimi wafimi sa'i basef gawaimi. Basef amama ma'i mohambombaga waf Godi.

1 Jon 4:1

Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

Basef Ifimba Jut Nandaꞌafi 1:12

Amam amama mandambaho' mawisi malomapa, waf aonai amamunai nape na'ama. Nemaf anama ipe' Kristen ukup maimaila sahin owan ipe'isi pandakolas panda' gwa'aimi ipe'imi o panda' gwa'aimi Jisasi, amam mape malomepa ma' gwa'aimi amama wapoti'. Ea' amam si'i ikwaf aonai la'ifinai nail nanda' gwa'aimi amama aom. Amam ma' gwa'aimi malomepa, ea' ina umbamaham ma waf aonai manda'anai, owa'. Ukup mapoma amam atom. Ina magiambama enis epes mase'asam, owa'. Amam mawalipasa basef, ea' basef amamumi ina magiambamas, owa'. Basef amama wafimi atom si'i otaga wafinai uf nefa'ana nafi'i ina asaf nalai, owa'. Amam mandahama lawah mola gwa'aimi, ea' nogota mailanai ina mola gwa'aimi, owa'. Lawah amama alim sagiam nombalef mapomamam ma'oh.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.