Hibrui 13:7 - Basef Buꞌwami Godi

⁷ Ipe' ukup mopoma amam agufumi ipe'imi fowa' mawalapa basef Godi ma ipe'. Ipe' ukup mopoma fe' bu'unai amamunai ea' pefe' pila waf amam membale'efa God.

Hibrui 13:7 Iomraidhean Croise

Matyu Nandaꞌafi 24:45

Ipe' hipai penda' waf bu'unai pehafa Ae' si'i aman anama gawainai numafi amam manda' maoli nanda' maol andeande'. Aman anama dembinai ananinai nandandepana ma numafi ananimi manda' maoli ma nease'ama gwa'aimi amam nogota anan na'ianai.

Luk Nandaꞌafi 12:42

Ea' Dembinai na'i, “Emi egafis gawaisi sape sanda' maol andeande' panda' waf bu'unai? Epes isima dembinai asasinai nambimb nondandepas ma sumafi ananimi manda' maoli ma sease'ama gwa'aimi amam nogota dembinai na'ianai.

Luk Nandaꞌafi 5:1

Anona nemaf Jisas naitu akata walemb batupa'manai lu'unai Genesaret naloma amam nematawa hiesi sala'ambemana sape same' basef Godi.

Luk Nandaꞌafi 8:11

Basef womun etini ofagema na'ama. Olelemb amama si'i basef Godi.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 14:23

Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Basef Amama Pol Nandaꞌam Mafeꞌma Esis Romi 10:17

Ape' mogawa, ape' hiapai mame' basef bu'wami ea' amama atom mafela bale'ef ape'inai. Ea' dei' basef amama mataga maina eaf? Amama mataga amam mawalapa basef Kraisi atom.

1 Korin 10:13

Amamaga meagwamba ipe'i, amama ina anom deiam, owa'. Amama na'ama etin si'i gwamba matagama epes hiesi. God naila basef ananimi endilisimi nanda' amamaga ananimi andeande'. Anan ina nambimb ni'i aho'ma amama meagwamba ipe'i motagama ipe' mikila' pepel ipe'inai, owa'. Nemaf anama amama motagamepa, God nonda' anona eafa nigiambamepa pitu la'ifipa.

1 Korin 11:1

Ipe' okokoma waf ae'anai pila ae' si'i ae' okokoma waf Kraisi ailana.

1 Korin 4:16

Amama atom dei' afela ukup ipe'imi ma pila waf ae'anai pefe'.

Filipai 3:17

Alupipei, ipe' hipei pila waf ae'anai. Ea' pendandepas andeande' epes saila waf afa'inai ma pilana.

1 Tesalonaika 1:6

Amama atom dei' pegawam paila Dembinai. Amamaga nimanimi matagamepa, ea' pefa' basef Godi, Ambal Bu'unai Godi nafela opalef ipe'imi pandanifel.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

2 Tesalonaika 3:7

Ipe' pegawa ma pila waf afa'inai. Fowa' wape walomepa, ina wape etin, owa'

2 Tesalonaika 3:9

Afa' wi'i ofa' gwa'aimi ma ipe', God na'i andeande'ma okom ananinai. Ea' afa' wandaiwa'ma ofa' gwa'aimi ipe'imi, owa'. Afa' wanda'am na'ama ma ipe' pati waf afa' wanda'anai ma petolona pilana

1 Timoti 3:5

Emi aman owa' numafi awasi soloma waulu'mana andeande', anan ina notaga nope agilinai numafi sios Godi, owa'.

Hibrui 13:17

Amam agufumi ipe'imi ma'i migiambamepa ea' mumafi ipe' la'ela'ef. Ama anona nemaf amam mowalapa basefa Goda maol hianai manda'ana mumafi ipe'. Amama atom dei' ipe' pila basef amamumi ea' pepe owina amam. I'i penda'am na'ama ma amam mondanifela monda' maol anama ma ukup amamumi ina aom mupan. I'i amam monda'ana moloma ukup awami, amama nambimb ina migiambamepa, owa'.

Hibrui 13:24

Ipe' penda'mago nemaf bu'unai afa'inai ma amam agufumi hiami ipe'imi molomago esis amam nematawa Godi hiesi. Esis Kristen alupusi sape Itali sanda'mepago nemaf bu'unai ipe'.

Hibrui 6:12

Ae' andaiwa'ma ipe' ala'uta nepa, owa'. Ipe' pila waf epes isima sombale'efa God endilisi ma esis ina ukup mandasosol, owa'. Ae' a'i ipe' pefa' amamaga bu'wami fowa' God na'iama basef endilisimi atom na'i anona nemaf noso'asam epes Ananisi.

1 Pita 4:11

Emi egafis sowalapa basef, esis si'iam si'i sawalapa basef Godi atom. Ea' emi egafis sonda' maola sigiambama enis epes, esis sonda'ana pepel anama God nase'asanai. Ama epes hiesi siti maol anama hianai bu'unai sondanifel sefela agel Godi ma Jisas Krais atona. Agel lu'unai noloma pepel nafifili hianai Ananinai atona la'ela'ef hihif. Endilisi etis.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.

Revelesen 20:4

Amama mafe'ma ea', ati anom balatagw lu'wami kingi ma'oh ea' enis epes satoma balatagw amama. God nase'asa agel lu'unai ma sowaloga waf esis amam nematawa hiesi sanda'anai ma kot. Ea' ati ambagof epes isima hiesi. Esis owa' sonda' lotuma mafin nape aolupi naloma ambal ananinai sambalonai, ea' owa' sofa' ikwaf aonai mafin anama amagah lagof asasimi. Epes isima sembale'efa basef Godi la'ifis sawalapa basef endilisimi Jisasi. Waf anama atona sanda' opeh bu'wami, dei' esis naumbih satopa' bagafowas afis. Sohafel wapoti' sofa' ambal namunai sope dembesi king soloma Krais sope sondahama afagof 1,000-peleim.

Revelesen 6:9

Sipsip noganai nahape' tep anama wapoti' nafe'ma wenif bifi nowa' buk, ati ambagof enis epes saga'i sape owina balata sondolalima Godi. Fowa' epes isima sombale'efa basef Godi la'ifis sawalapam sa'iam sa'ipasama Jisas Krais nagiambamas. Ea' isima sandaiwa'ma Godi sahas saga'.