Hibrui 13:5 - Basef Buꞌwami Godi

⁵ Ipe' ina pila waf aonai anama ukup mohafel endilisi ma otamba, owa'. Amamaga ipe' pahapilami, amama ipe' ukup mopomam na'ama mi'i, “Amama andeande'. Amama nambimb dende'ma ape'.” Dei' main, God na'iam na'i, “Ae' ina anona nemaf okom nose'e ipe' ewa'epa alafuga, owa'.”

Hibrui 13:5 Iomraidhean Croise

Matyu Nandaꞌafi 6:19

Ipe' ina petama amamaga bu'wami atom ipe'imi pewa'aniam etap anae', owa'. Enis sakowalefi sapisila ifagw sawis sakowalopam, sopafowa motopa'am monda'am aom, waimba nasagiham.

Matyu Nandaꞌafi 6:25

Ea' ae' a'ipipa a'i ipe' ina ukup matamea hiahiama ambagof ipe'imi pi'i, ‘Ape' ata' mea' main? Ea' mea' embel maim?’ Owa'. Ipe' ina ukup motamea ma alop ipe'inai pi'i, nambimb ape' monda' main mombaho' alop ape'inai? Ambagof afa'imi ina gwa'aimi atom. Ea' alop ina luwaguf atom, owa'.

Matyu Nandaꞌafi 6:34

Ea' ipe' ina nomonas mopoma amamaga meataga naman, owa'. Nemaf namanifi fendapoma naman atef, ama amamaga amama meataga naman. Amamaga nimanimi matagama nimeguf deindei mandahama nimeguf atona etin. Ipe' ine ukup motamea mefe', owa'.

Mak Nandaꞌafi 7:22

sohambombaga waf dase'amainai, waf kowalasanai, waf sa'i sofa' amamaga hiami ma esis etis, baso'amunai naninani aonai, sesambala basef, simbisambas, sa'i basef awami, ukup aoma enis epes, findiwa, safela agof asasimi atom lu'um, waf gawa a'anai.

Luk Nandaꞌafi 3:14

Ea' anom soldia mafi'i mahali'ana ma'i, “Afa' nambimb onda' main?” Anan nagwamam na'ipam na'i, “Ipe' ina pembaso'ma epes piumbelis penda'as umbamohas penda'mas basef pelela'epasa moni asasinai, owa'. Ea' opalef ipe'imi mope awanema otamba ipe'imi dondo'ma ikwaf amam dambami mandandepami.”

Luk Nandaꞌafi 8:14

Anom mowala mandelef wandafumi la'afen, amama si'i epes isima same' basef sailif safe' ea', anom nimanimi mamumami maloma moni main naloma anom danifel maim etapami, amamaga amama mase'ala esis. Ea' ina sombale'efa God sanda' waf bu'unai la'ifis, owa'.

Basef Amama Pol Nandaꞌam Mafeꞌma Esis Romi 1:29

Esis sanda' waf hianai naninani aonai nape si'ina ma esis. Ukup mohafel maimaila sofa' amamaga hiami ma esis etis. Waf aonai agufuma anama. Ukup kowalepa amamaga bu'wami awami, ukup aoma soha enis epes, saha enis epes saga', migimigah sambaso'ama sofa' anom amamaga enis epesi ea' sanda' maola saha epes. Waf anama aonai asi'ina endilisi ma esis. Ea' sanda'ipama sa'i basef sawalapama sola'masa basef enis epes ma naep epes hiesi. Esis sataga naumbih saloma God, sa'i basef la'ifimi safela agof asasimi atom. Ukup mandanda' ma waf naninani aonai dambainai. Ea' sosambala basef mamasasi.

1 Korin 5:11

Ea' basef dei' anda'ami ofagema na'ama. I'i anona aman ipe' pefalona owalomepa ipe'inai nonda' waf aonai so'a waolanai o kowalanama amamaga enis epesi o nonda' lotuma god baso'omunai, ni'i basef neso' alafuga enis epes, nea' embel nohaga nogoul, nonda' wal, nohambombaga enis epes, ipe' ina pefalona alupunai ipe'inai pi'i basef pelomana, owa' hapainai. Ipe' ina pea' gwa'aimi peloma epes na'amaisi wapoti', owa'.

1 Korin 6:10

saloma isima sanda' wali saloma epes kowalasa amamaga enis epesi sa'i sofa'am etini saloma epes isima sa' embel sahaga sagaol saloma epes isima sa'i basef awami findiwaimi ma enis epes ea' isima sanda' wal sahambombaga epesi, epes isima na'amaisi ina anona nemaf sefe' wambel Godi, owa'etin.

2 Korin 4:9

Enis epes sahafa sanda'afa aofa, ea' God ina nakwahofa, owa'. Esis sahafa hihif owa wa'oh etap, owa'etin. Ina afufa endilisi, owa'.

Efesus 5:3

Waf anama hianai so'a waolanai, neloma waf aonai alop atonai neloma kowalasanai, ipe' ina penda'ana, owa'. Basefa waf anama ina mataga la'afena ipe', owa'. Dei' main, ine' andeande'ma ape' amam nematawa Godi manda' waf anama, owa'.

Efesus 5:5

Ipe' pegawa ma emi egafis sanda' waf aonai so'a waolanai, o emi egafis ukup awami kowalasa amamaga enis epesi si'i saila god baso'omunai, epes isima ina anona nemaf suwis wambota Godi naloma Kraisi, owa'.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

1 Timoti 3:3

Ina nea' embel laifimi hiami, owa'. Ina okom wandafuna mehip, owa'. Nonda' epes sa'osa'ombemas. Ina nohas etin, owa'. Ina okom ni'ini'i ma otamba.

2 Pita 2:14

La'ela'ef naep amamumi mati nematawa wanda' waf aonai la'ela'ef ma monda' waf aonai molomawa ea' amam ina makwaha waf anama, owa'etin. Amam makikipa enis epes mombomefas sonda' waf aonai. Amam mogawa endilisima waf anama aonai kowalasanai ma amamaga enis epesi. Anona nemaf God nohambombagam endilisi.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.

Basef Ifimba Jut Nandaꞌafi 1:11

Endilisi, nimanimi lu'wami anona nemaf motagamam. Amam mefa' waf aonai fowa' Kein nanda'anai. Ukup amamumi mohafel endilisi ma mofa' otamba atom. Ea' dei' maso' alop amamunai nafe' hi'alana manda' waf aonai si'i fowa' aman anama Balam nanda'anai. Ea' masombala basef Godi si'i fowa' aman anama Kora nanda'am. Amam manda' waf anama, dei' aom higilalam si'i fowa' Kora higilalona.