Hibrui 13:4 - Basef Buꞌwami Godi

⁴ Ipe' amam nematawa pandase'ama ea'i, penda' waf anama notaga nope andeande'. Ipe' ina penda' waf aonai, owa'. Dei' main, ipe' pegawa anona nemaf God nogwamipei waf aonai ma amam nematawa sanda' waf so'a waulanai saloma amam nematawa isima sahambombaga waf sandaso'amainai.

Hibrui 13:4 Iomraidhean Croise

1 Korin 6:18

Ipe' pekwaha waf aonai so'a waolanai pefa' pefe'. Anona waf hianai aonai sanda'ana alop ande' atogon. Ea' epen nanda' waf aonai so'a waolanai nanda' waf aonai ma alop ananinai atona.

1 Korin 6:9

Emi egafis sanda' waf aonai, anona nemaf ina sefe' wambel Godi, owa'. Ipe' pegawa amama o owa'? Na'ama ipe' pembaso'ma ukup ipe'imi atom. Epes sanda' waf aonai ma so'a waola enis amam nematawa saloma epes isima sanda' lotuma god baso'omunai saloma epes sahambombaga waf daso'amainai saloma amam amama ukup ma'i waf nematawainai saloma amam amama manda' waf aonai maloma anom amami

1 Korin 7:38

Ea' emi aman naso' nemata'w anani'wi ea', anan nanda' waf bu'unai. Ea' emi aman ata' owa' nease'akwi, anama nanda' waf bu'unai endilisi.

1 Korin 9:5

Ea' andeande'ma oso' nematawa Kristen ofe' olomawa si'i anom aposel maloma amam owapana Dembinai Jisasi maloma Pita manda'am.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.

Galesia 5:19

Waf opaf apinai epes hiesi sogawana ea' nape alihina. Anama na'ama. So'a waol, waf aonai, ukup mohafema waf aonai,

Galesia 5:21

ukup aoma kowalasa amamaga enis epesi, sanda' spak sahaga sagaol, sa' gwa'aimi maloma embel la'ifimi hiami ma sanda' awalef awami, ea' waf naninani aonai na'ama. Fowa' a'ipipa dei' i'ipipa wapoti'. Emi egafis sanda' waf anama aonai, anona nemaf ina sefe' suwis wambel Godi, owa'.

Efesus 5:5

Ipe' pegawa ma emi egafis sanda' waf aonai so'a waolanai, o emi egafis ukup awami kowalasa amamaga enis epesi si'i saila god baso'omunai, epes isima ina anona nemaf suwis wambota Godi naloma Kraisi, owa'.

1 Tesalonaika 4:6

Ea' ipe' amam ina penda' waf aonai ma esis sahin owan ipe'isi pefa' nematawa anom amami, owa'. Dembinai okom wandafunai napoma epes isima sanda' waf anama ma na'i nogwamasa waf anama aonai esis sanda'anai. Fowa' afa' wawalapa amama alihim wa'ipipam mehip.

1 Timoti 3:12

Amam manda' maol siosi, wauhiamam amamuwai ato'w etin. Amom mumafi awo oloma awasi amamisi andeande'.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

1 Timoti 3:4

Anan numafi awasi waulu'mana andeande' ea' nonda' awasi ananisi sila basef ananimi ma sonda' agel ananinai nope andeande'.

1 Timoti 4:3

Nambimb muwalipasa basef amama ma esis sihi'ama waf sandaso'amainai sihi'ama anom gwa'aimi epes sagwa'ami. Gwa'aimi amama God atona nanda'ama ape' epes mombale'efana mogawa basef endilisimi. Amama ape' mofa'am minifela God mogwa'am.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

Taitus 1:6

Anona aman i'i owa' nonda' anona waf aonai ma naep esis amam nematawai ma anan noso' nemata'w atoto'w ma batawisana ananisi sombale'efa Krais esis basef a'as, ina sonda' anona waf aonai, sape andeande' seme' basef. Amam manda' waf anama, ine' nenda'am mope agufumi.

Hibrui 12:16

Na'ama enin epen atitin nila waf aonai so'a waulanai. Ipe' pindumafuma andeande'. Na'ama enin epen atitin nese'ana alafuga God si'i fowa' Iso nanda'ama natala gwa'aimi nogota bandana ea' nakwaha amamaga bu'wami ahalomana nandondombam ma'omanai.

Revelesen 22:15

Epes sanda' waf aonai si'i bogof nombagw manda'anai soloma epes isima sanda' mu'uhupi, epes isima sanda' waf aonai so'a waolanai soloma epes saha enis saga'i soloma epes isima sanda' lotuma god baso'mainai soloma epes isima hiesi ukup maila waf baso'omunai maimailana, epes isima anona nemaf sope ande'ma wambel anama Godi.”