Hibrui 13:3 - Basef Buꞌwami Godi

³ Ipe' ukup mopoma esis alupusi sape sanda' kalabusi si'i ipe' panda' kalabus palomas. Ea' ukup mopoma epes isima sofa' nimanimi alop asasinai, pigiambamas si'i ipe' etipa pefa' nimanimi alop ipe'inai pelomas.

Hibrui 13:3 Iomraidhean Croise

Matyu Nandaꞌafi 25:36

Ea' ae' luwaguf maim a'e, ipe' pase'eam anda'am ea' awasiwi ipe' pimafi andeande'. Ae' ape anda' kalabus, ipe' pafo'o patolowe.’

Matyu Nandaꞌafi 25:43

Ea' ae' si'i epen anagon lauguniwei, ea' ipe' owa' pefa'e pefe' ifagw ipe'imi, owa'. Ea' lowaf a'e ipe' ina pase'e lowaf, ae' awes nanda'e, ape anda' kalabus ea' ipe' ina pafo'o patolowe, owa'etin.’

Aposel 24:23

Ea' na'ipa anona soldia dembinai ma ata' nonda' Pol nuwis nope kalabus nope wafifina etin. Ea' na'i aho'ma esis alupusi ananisi sifi'i sigiambamana ma amamaga.

Aposel 27:3

Wafilu wafe' wail anona wambel Saidon. Ea' aman anama Julius numafi Pol nanda' waf bu'unai ma anan. Na'i aho'ma anan nefe' niti alupusi ananisi ma nofa' gwa'aimi maima esis.

Basef Amama Pol Nandaꞌam Mafeꞌma Esis Romi 12:15

Epes isima sondanifel, ipe' pendanifel pelomas. Ea' isima salifi, pelef pelomas.

1 Korin 12:26

I'i alop wa'ana neme' ekepehana, alop hianai si'ina atuwasi neme' ekepehana na'ama etin. I'i enis epes sinifela wa'ana, hianai si'ina nondanifel hi'ilana nolomana.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Kolosi 4:18

Dei' ae' Pol ahapila pen lagel ae'anai atona anda'mepago basef amama bandami atom. Dei' anda'mepago nemaf bu'unai ipe' hipei. Ipe' ukup mopoma ae' amam mowa'e sen ata' ape kalabus la'ela'ef. Ae' a'i okom lu'unai Godi nigiambamago ipe' na'a numafipago nope nolomago ipe'. Ea' ma'um.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.

Hibrui 11:37

Enis, naumbih sakwaha otamba sahas afis. Ea' enis, sanda'as awes endilisi. Enis sofa' so satopa'as alop asasinai biefis etis. Ea' enis, sahas bainah saga'. Ea' enis sembale'efa Godi sowaho' alop mafis sipsipi meme si'i luwaguf safe'. Esis amamaga hiami a'asa alop asasinai. Ea' naumbih sanda'mas waf aonai endilisi sase'as nimanimi.

1 Pita 3:8

Basef amama motambel na'ama. Ipe' hipei pepe opalef etifim ea' ukup mimila sahin owan ipe'isi.