Hibrui 12:5 - Basef Buꞌwami Godi

⁵ A'i ipe' ukup mase'epa ma basef amama God nanda'ama ipe' ma nefela ukup ipe'imi nenda'epa petaga la'ifipa? Anan dei' nofalepa batausana Ananipei na'i, “Awasi ae'ipei, maina nemaf Dembinai nese'epa nimanimi ma nonda'epa pila basef ananimi, ipe' ina pi'i nimanimi amama anan nase'epami falafumi, owa'. Maina nemaf ni'i nese'epa nimanimi amama, ukup ipe'imi ina aom, owa'.

Hibrui 12:5 Iomraidhean Croise

Luk Nandaꞌafi 24:6

Anan ina ata' nape na'ae, owa'. Ea' nohafel ea'! Ipe' ukup mopoma basef amama fowa' nali' na'ipipemi. Nemaf anama ata' nape nalomepa ganima etap hiagoma Galili na'ipipa na'i,

Luk Nandaꞌafi 24:8

Ea' awau ukup mandanda'ma basef amama fowa' na'iami.

1 Korin 11:32

Ea' i'i Dembinai nihihi'a waf ape'inai ma nogwa waf aonai ma ape', amama Anan nase'apa nimanimi nanda'apa mope andeande' ma anona nemaf ina higililapa moloma epes saila waf etapanai, owa'.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

1 Timoti 1:20

Epes sanda' waf anama, amam biam Himeneus naloma Aleksander. Bale'ef amamunai aona. Ae' andaiwa'mam ali'amonam mafe' lagof Satani ma mogawa gawa bu'unai. Anda'am na'ama amam ina monda' basef findiwama agel Godi, owa'.

Hibrui 12:7

Maina nemaf nimanimi lu'wami meatagamepa, ipe' pitu la'ifipa pi'i aho'ma God nonda'epa pila basef ananimi. Anan nanda'mepa waf anama si'i awasi Ananisi. Dei' main, ahapas amamusi ina mape matilis sanda' waf aonai, owa'.

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

Revelesen 3:19

Epes hiesi emi egafis Ae' okom nainailas, isima Ae' enda' megah mohas ehas bolam ma enda' waf asasinai notaga bo'ona. Ea' ipe' wapoti' ukup mopoma waf ipe'inai hianai, pemboma opalef pekwaha waf aonai pifi'mai Ae'.