Hibrui 12:4 - Basef Buꞌwami Godi

⁴ Ipe' papa' paloma waf aonai ma pahagofana, ea' ipe' ina dei' papa' pafe' patagama wandaf lu'unai sahepa esimbel malipa paga', ata' owa'.

Hibrui 12:4 Iomraidhean Croise

Matyu Nandaꞌafi 24:9

Amama motaga ma ea', esis sofa'epa ma sese'epa nimanimi, ea' sehepa pega'. Epes hiesi wambel hiagoma opalef aoma ipe' kwapete' endilisi. Esis sati ipe' paila basef Ae'ami na'ama dei' sahepa.

1 Korin 10:13

Amamaga meagwamba ipe'i, amama ina anom deiam, owa'. Amama na'ama etin si'i gwamba matagama epes hiesi. God naila basef ananimi endilisimi nanda' amamaga ananimi andeande'. Anan ina nambimb ni'i aho'ma amama meagwamba ipe'i motagama ipe' mikila' pepel ipe'inai, owa'. Nemaf anama amama motagamepa, God nonda' anona eafa nigiambamepa pitu la'ifipa.

Filipai 2:8

Esis satolona sati anan nataga epen endilisinai. Ea' nanda' anan nafe' owina God naloma epes. Naila okom Godi atona nafe' nafe' ma naga' lawag usi'inai tu'wanainai.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 13:13

Ea' dei' ape' wapoti' mefe'ma Anan endalelemb ande', ma monda' ambagof ape'imi aom si'i anan fowa' ambal aona.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 17:6

Nemata'w akwama kwaha esis amam nematawa Godi sembale'efa Jisasi sawalapa agel ananinai saga'. Ea' ati akwa'w kwa' esimbel asasimi kwataga kwahaga kwagaol. Ati akwa'w gegelalasowe kwapete'e endilisi okom natanea hiahian.

Revelesen 18:24

God nati wambel lu'unai anama naha profet hiami maga' maloma amam nematawa hiesi Godi. Amama atom dei' ofagema mapoma wambel anama. Ea' epes hiesi sape etap anae' esis naumbih sahas saga'i, ofagema amama wapoti' mapoma anama atogon.”

Revelesen 2:13

Ae' egawa wambel ipe'inai. Satan atona ata' nape dembinai ma wambel anama. Ea' ipe' pahapila agel ae'anai la'ifipei pembale'efa Ae'. Ipe' ina pakwaha pembale'efa Ae', owa'. Fowa' aman anama Antipas anan nawalapa basef Ae'ami andeande'. Ea' sahana naga' wambel ipe'inai Satan napoma. Ea' nogota anama ipe' ina pakwaha pembale'efa Ae', owa'.