Hibrui 12:3 - Basef Buꞌwami Godi

³ Ipe' ukup mi'i andeande'ma nimanimi amama fowa' nofa'ami. Epes isima sanda' waf aonai sowa'ana alafugah Jisas endilisi sanda'ana kwapete'ana. Ea' Anan naitu la'ifina endilisi. Ipe' ukup mopoma amama ma ina ala'uta nepa, owa'. Pepe la'ifipa.

Hibrui 12:3 Iomraidhean Croise

Matyu Nandaꞌafi 11:19

Ae' ataga epen endillisiwei afi'i a' gwa'aimi maloma embel wain, ea' patolowe pa'i, ‘Piti aman anama na' gwa'aimi hiami na' embel wain hianai endilisi. Anan alupunai ma amam mefa' takisi maloma amam manda' waf aonai!’ Gawa anama gawa bu'unai Godi sonda' waf bu'unai. Epes isima sa'i na'ama, ea' opeh Godi mihi'ambas gawa Ananinai bu'unai endilisi.”

Matyu Nandaꞌafi 12:24

Ea' amam Farisi mame' amama mambaso'am ma'i, “Anan natofa ambagof awami ma pepel anan dembinai ma ambagof awami agilinama Belsebul anan atona.”

Matyu Nandaꞌafi 15:2

“Dei' maina alupumi ine'imi mumbisila' waf ape'inai akupapa mase'apenai? Ama amam owa' measa'opa lagofa mea' gwa'aimi.”

Matyu Nandaꞌafi 21:23

Ea' Jisas notanima nafe' nawis ipat lu'unai Godi nape nawalipasa basef etin, amam pris dambami maloma agufumi Judai mafi'mai anan mahali'ana ma'i, “Emi na'ipina dei' nape dembinai nanda' opeh amama?”

Matyu Nandaꞌafi 21:46

Ea' mape magolopa eaf mombalo'ana ea' amam umbamahama esis amam nematawa. Dei' main, esis hiesi sombale'efana la'ifis sa'i Jisas anona profet.

Matyu Nandaꞌafi 22:15

Ea' amam dambami Farisi mafe' manda' basef ma'iam mandame'mama membale'a Jisas mowa'ana. Amam ma'i mome' anom basef ananimi owa' andeande'i ma monda'mana basef mowa'ana si'i sowa' bogof.

Luk Nandaꞌafi 14:1

Anona nemaf esis Juda sapoma noma'wanai sa'i Sabat Jisas nafe' naloma anona aman Farisi na' gwa'aimi ipat ananinai. Ea' esis sanda'ana naep di'indi'ana endilisi.

Luk Nandaꞌafi 15:2

Ea' amam Farisi maloma amam mawalipasa mi'uli Godi manda' megah mahama anan ma'i, “Aman anama naloma epes isima sanda' waf aonai nofalas alupisi nalomas na gwa'aimi.”

Luk Nandaꞌafi 16:14

Amam Farisi mame' basef amama hiami Jisas na'iami, amam manda'mana salamal etin. Dei' main, amam ukup maimaila moni atona.

Luk Nandaꞌafi 2:34

Ea' Simeon na'ipasa basef bu'wami nanda'as la'ifis ea' na'ipa mama'wana Jisasi na'ama na'i, “Ine' neme'. Awani inima God nandandepan ea' ma nahambombaga enis amam nematawa Israel sowa' alafugaha enini. Ea' enis epes nofa'as sokwaha waf aonai siefi'mai enin. Enin si'i anona ikwaf God nanda'anai ma enis epes hiesi sosambala basef ananimi sondaiwa'mana.

Luk Nandaꞌafi 5:21

Ea' amam mawalipasa mi'uli Godi maloma amam Farisi atom ukup atifim mandanda' ma'i, “Aman anama emi egafuna nanda' God findiwanai? Owa'etina anona aman la'ifinaima nekwaha waf aonai. God atona nakwaha waf aonai.”

Jon Nandaꞌafi 18:22

Jisas na'i basef amama, anona polisman naitu felefele' nakola aombana na'ipa Jisas mehip na'i, “Ine' owa' negwamana basef amama dembinai pris.”

Jon Nandaꞌafi 5:16

Ea' dei' amam Juda ukup aoma nanda' aman anama awes nanda'ana nataga bo'ona nehafel nofa' lehis na'ohami nafe' nemaf anama Sabat. Na'ama dei' mohafel manda'mana waf aonai mogolopana ma meahana.

Jon Nandaꞌafi 7:12

Amam nematawa hiesi esis etis sanda'ipama anan sa'osa'ombel. Enis sa'i, “Anan aman bu'unai.” Ea' enis sa'i, “Owa', anan nambaso'ma epes hiesi.”

Jon Nandaꞌafi 8:13

Ea' amam Farisi ma'ipana ma'i mogwambana anom basef ma'i, “Dei' ine' na'i basefa ine' etina. Na'ama afa' ina ombale'efena, owa'. Basef ine'imi ina endilisimi, owa'.”

Jon Nandaꞌafi 8:52

Ea' esis Juda same' basef amama sa'i, “Dei' ape' mogawa ine' ambal aonai nape nomonas ine'imi. Abraham fowa' gani naga' ea' amam profet fowa'imi wapoti' maga'. Ea' ine' na'i, emi egafis seambale'efa basef ine'imi esis ina soga', owa'.”

Jon Nandaꞌafi 8:59

Esis same' basef ananimi, ea' amam Juda mafe' mafela otamba ma'i mokwahom mohana, ea' Jisas nakwaha ipat lu'unai Godi nandambaho' nawisi ande' nafe'.

Jon Nandaꞌafi 9:40

Ea' anom Farisi mape malomana mame' basef amama mahali'ana ma'i, “Amama maim basef? Ine' na'i afa' naep mase'afa wapoti' a' amon?”

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

2 Korin 4:1

God na'i afa' uwahipifa dei' nase'afa maol anama. Ea' dei' afa' ina otanima ma maol anama, owa'.

2 Korin 4:16

Afa' ukup mapoma amama dei' ina otanima ma maol Godi, owa'. Endilisi, pepela alop afa'inai la'ela'ef na'i nowafa hi'ilana. Ea' opalef afa'imi mataga dambaim wapoti' nimeguf hiami hihif.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

2 Tesalonaika 3:13

Ipe' Kristen alupipei, ipe' ina ala'uta nepa ma penda' waf bu'unai, owa'

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 12:5

A'i ipe' ukup mase'epa ma basef amama God nanda'ama ipe' ma nefela ukup ipe'imi nenda'epa petaga la'ifipa? Anan dei' nofalepa batausana Ananipei na'i, “Awasi ae'ipei, maina nemaf Dembinai nese'epa nimanimi ma nonda'epa pila basef ananimi, ipe' ina pi'i nimanimi amama anan nase'epami falafumi, owa'. Maina nemaf ni'i nese'epa nimanimi amama, ukup ipe'imi ina aom, owa'.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

1 Pita 2:23

Nemaf anama esis sanda'ana findiwana Anan ina nagwamasam nanda'as findiwas, owa'. Nemaf anama Anan nefa' nimanimi lu'wami Anan ina naumbelis, owa'. Anan naso' Anan atona hi'alana nafe'ma lagof Aman anama nowaloga epes andeande'i.

Revelesen 2:3

Ipe' paitu la'ifipa la'ela'ef ma epes isima sandaiwa'ma agel ae'anai ma sanda'mepa waf aonai, ina patanima, owa'. Ae' egawa ipe' panda' opeh ae'ami lu'wami la'ifipa ea' ina umbamahepa pakwahom, owa'etin. Ipe' paitu la'ifipa pefa' nimanimi amama.