Hibrui 12:2 - Basef Buꞌwami Godi

² Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 12:2 Iomraidhean Croise

Matyu Nandaꞌafi 16:21

Nogota anama Jisas nali' nahafel nihi'amba alupumi ananimi ma nambimb nofe' niwis Jerusalem ama agufumi Judai mease'ana nimanimi lu'wami. Amam dambami mawalipasa mi'uli Godi moloma amam pris dambami nambimb mose'ana nimanimi lu'wami anona mohana noga'. Ama nimeguf biam hi'ilama anona neafe'ma wanomi ea' notanima nohafel wapoti'.

Matyu Nandaꞌafi 20:28

Ae' ataga epen endilisiwei, ae' wapoti' na'ama etin. Ina afi'i ma esis sonda'me maola siegiambame, owa'. Ae' afi'i enda' maola igiambama ipe' hipei. Afi'i ma sehe ega' etala ipe' peloma epes hiesi etagahipama waf aonai ipe' panda'anai.”

Mak Nandaꞌafi 14:36

Ea' nahali' God na'i, “Aba Ahalome, ine' la'ifinai ma nanda' amamaga hiami hi'alam. Nekwahome nimanimi amama. Ea' nila okom ine'inai atona, ae' owa'.”

Mak Nandaꞌafi 15:28

Na'ama si'i anom basef Baibel na'iami dei' mataga alihim mandawalap. Basef amama ma'i na'ama ma'i, “Anona nemaf esis ukup mopoma anan noloma amam amama manda' waf aonai.”]

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Mak Nandaꞌafi 9:12

Ea' Jisas nagwamama basef na'i, “Endilisi. Elaija nifi'i nondondomba amamaga hiami motaga bo'om andeande'. Ea' basef mail buk Baibeli ma'i dembinai anona nemaf notaga epen endilisinai nope ni'imama? Amama ma'i anan neme' nimanimi awami ma esis sowa' alafugahana.

Mak Nandaꞌafi 9:24

Ea' ahalomana ma nogalomana anama na'ipa Jisas na'i, “Ae' embale'efa ine' kwaukwawie'. Dei' nigiambame ma eambale'efena la'ifiwi endilisi.”

Luk Nandaꞌafi 17:5

Ea' amam Aposel Jisasi ma'ipa Dembinai amamunai ma'i, “Ine' nenda' afa' ombale'efena la'ififa wikila' wali' ombale'efena.”

Luk Nandaꞌafi 23:11

Ea' Herot nao'wa amam soldia ananimi manda' Jisas findiwana ma basef awami. Ea' mofa'ai anona lowaf bu'unai mowahe'amonana masapa'ana notanima nafe'ma Pailat.

Luk Nandaꞌafi 24:26

Krais anan ata' nili' nofa' nimanimi ea' nigi' nofa' pepel howalagon ananinai nigi'.”

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 12:24

Ae' a'ipipa basef endilisimi, i'i olelemb witimi owa' mowa etap nomon, olelemb amama mo'oh etifim. Ea' i'i mowa mowala etap nomon, wila amama motaga molo mil hiami.

Jon Nandaꞌafi 12:32

Nambimb esis sundi il etin lawag usi'inai tu'wanainai ilifa nambimb ihindi'ai esis amam nematawa hiesi sifi'mai ae'.”

Jon Nandaꞌafi 13:3

Ea' Jisas nogawa Ahalomana nanda' anan la'ifina ma numafi amamaga hiami. Ea' nogawa anan nape naloma God nafi'i ea' nambimb notanima nefe'mana wapoti'.

Jon Nandaꞌafi 6:40

Okom Ahalome ae'anai nape na'ama. Amam nematawa emi egafis seme' basef ae'ami seambale'efa ae'i, esis anona nemaf sofa' ambal namunai sope andeande' la'ela'ef hihif. Ea' efelas wapoti' sehafel hi'agilif nemaf akutainai.”

Jon Nandaꞌafi 8:56

Abraham bafalomepa ipe'inai, anan nandanifel ma nati nogota ae'anai nataga, si'i nati ae' ma nandanifel endilisi.”

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

1 Korin 1:18

Endilisi, epes isima sape eaf higililanai, esis ukup ma'i basefa lawag anama usi'inai tu'wanainai saunda Kraisanai sa'i basef amama falafumi atom. Ea' ape' amam nematawa dei' God nape nofa'apa motanimani mogawa basef amama pepel Godi atona.

1 Korin 1:23

Ea' afa' wawalapa basefa Krais naga' lawag usi'inai tu'wanainai. Basef amama mahopa eaf esis Juda sandaiwa'mam sa'i basef awami. Ea' esis Grik ukup ma'i basef amama wafimi gawa a'ami.

Efesus 2:16

Krais naga' lawag usi'inai tu'wanainai nakolasa epes sape wambotagw biam sataga si'i alop atotona. Ea' ga' ananinai natagaha waf asasinai naumbihinai lopa' fitapanai naga' hi'alana.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

Filipai 1:6

Ea' ae' egawa endilisi, God nafela opeh bu'wami nomon opalef ipe'imi, anona nemaf nonda'am nefe' nefe' nembefam nemaf anama Krais Jisas niefi'ianai.

Filipai 3:20

Ape' mape amam nematawa ilifapai, wambel ape'inai heven. Ea' mape mohafa Dembinai Jisas Krais anona nemaf nokwaha heven nisila'i nefa'apa motanimani.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Hibrui 1:13

God ina na'ipa anona ensel Ana'i, “Ine' nepe na'ae lagel da'isinai Ae'anai wa'ol. Ine' nepe la'ela'ef nefe' nefe' nemaf anama ae' enda' naumbih ine'isi sefe' owina bo'wagah ine'imi.” God ina na'ipa anona ensela basef amama, owa'. Na'ipa Nogalomana Ananinai atona.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 10:14

Dei' main, Krais nase'ana alop ananinai atona God nondolalimana nemaf atotona, ea' amama atom nanda' epes sataga bo'wes andeande' sope la'ela'ef. Epes isima Anan dei' nape la'ela'ef nanda'as anona nemaf sotaga bo'wes andeande'.

Hibrui 10:33

Anom nimeguf sanda'epa paitu la'afena naep amam nematawa hiesi sanda' basef awami findiwama ipe', sase'epa nimanimi lu'wami naep asasimi. Ea' anom nimeguf sanda'am na'ama etina enis amam nematawa, ipe' paitu palomas pagiambamas.

Hibrui 11:36

Enis sofa' nimanimi ma esis naumbih sa'i basef findiwaimi ma esis, sahas endilisi. Ea' enis sowa'as sen sanda'as sape sanda' kalabus.

Hibrui 12:3

Ipe' ukup mi'i andeande'ma nimanimi amama fowa' nofa'ami. Epes isima sanda' waf aonai sowa'ana alafugah Jisas endilisi sanda'ana kwapete'ana. Ea' Anan naitu la'ifina endilisi. Ipe' ukup mopoma amama ma ina ala'uta nepa, owa'. Pepe la'ifipa.

Hibrui 13:13

Ea' dei' ape' wapoti' mefe'ma Anan endalelemb ande', ma monda' ambagof ape'imi aom si'i anan fowa' ambal aona.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

Hibrui 7:19

Dei' main, mi'uli anama ina nanda' epes sataga bo'wes andeande' ma naep Godi, owa'. Ea' dei' God nandoga anona eaf, anama bu'unai nikila' mi'uli anama, dei' eaf anama atona ape' mogawa endilisi God nagiambamapa ea' mefe' felefele'ma Anan.

Hibrui 8:1

Basef amama anda'ami mape mali'i, ofagema na'ama. Ape' anona Dembinai pris nape nali'ma pris hiami na'ama etin si'i basef mali'i ma'iam. Anan nape sia bu'unai Dembinai lagel da'isinai gani heven ilif.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

Jems 2:1

Sahin owan ae'ipei, ipe' pembale'efa Dembinai ape'inai Jisas Krais, Anan Dembinai nafifili endilisi. Ea' dei' ipe' ina pigiambama epes isima agufisi etis ea' pewa' alafugaha epes agof a'asi, owa'. Penda'am na'ama etin.

1 Pita 1:11

Ambal Bu'unai Ananinai nape nomona amam na'i basef alihima anona nemaf Krais nofa' nimanimi hiami mamumami ma nofa' agel lu'unai. Ea' amam magolopa basef Godi mandahahali'ma ma'i, “Maina nemaf amama mifi'i motaga?”

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

Basef Ifimba Jut Nandaꞌafi 1:21

Ipe' pindumafuma andeande' pila waf Godi andeande'ma Anan nihi'ambepa andeande' okom lu'unai ananinai nainailipei. Ipe' penda'am na'ama pepe pehafa Dembinai ape'inai Jisas Krais, Anan nati uwahipipa anona nemaf nonda'epa pepe namepa ma pepe andeande' la'ela'ef hihif.

Revelesen 1:11

Ea' na'ipi na'i, “Ine' da'a basefa amamaga amama nambimb neatulumi mil buk. Ea' nenda' basef amama mil buk anama mefe' amam nematawa Godi sios 7-peleim sape wambel anama 7-peleina atona etin. Wambel anama agofuguma amama. Efesus, Smerna, Pergamum, Taiataira, Sardis, Filadelfia, Laodisia.”

Revelesen 1:17

Ae' atolona ea' ewa a'oh felefele'ma bo'wagah ananimi andati si'i aga'i. Ea' anan nasa lagel da'isinai ananinai ma ae' na'ipi na'i, “Ine' umbamehena owa'. Ae' ape dembiwei la'ela'ef ape ali'i ape agi'i endilisi.

Revelesen 1:8

Dembinai God pepel hiamunai Anan na'iam na'ama na'i, “Ae' atowe ape Dembiwei la'ela'ef hihif ape ali'i, ape agi'i endilisi.” Ea' Ae' atowe fowa' gani ape, dei' ape, anona nemaf owagama etanima ifi'i.

Revelesen 2:8

Ine' da'a anom basef mofe'ma ensel numafi sios esis amam nematawa Godi sape Smernai. Ae' ape Dembiwei la'ela'ef hihif ape ali', ape agi' endilisi. Fowa' aga', dei' ehafel wapoti' ape namowe ambal napaiwe. Dei' anda'mepago basef amama ipe' a'i,