Hibrui 11:4 - Basef Buꞌwami Godi

⁴ Abel nembale'efa God. Amama atom dei' nefa'ai anom amamaga nondolalima Godami bo'om endilisi mikila' amama Kein nondolalima Godami. Abel nembale'efa God, amama atom God na'i anan epen bu'unai. God na'i aho'ma amamaga Abel nondolalimanami na'i amamaga amama bo'om. Abel naga' ea', waf anan nembale'efa Godanai si'i malogel ata' nihi'ambapa waf bu'unai la'ela'ef nape.

Hibrui 11:4 Iomraidhean Croise

Matyu Nandaꞌafi 23:35

Ea' dei' epes isima sape bu'wasi hiesi ma enis sahas saga', ofagema amama hiami anona nemaf mopoma ipe'. Nali'i Abel anan aman bu'unai nafi'i nafi'i natagama aman akutainai profet Sakaraia, Berekia nogalomana, anama akusipa sahana afuna la'afena ipat lu'unai Godi naloma balata saofa mafis saso' Godanai. Amama ofagema anona nemaf mila ipe' etipa.

Luk Nandaꞌafi 11:51

Nali'i esimbel mali'i Abeli nafi'i natagama profet esimbel Sakaraiai sahana afuna la'afena ipat lu'unai Godi sanda' lotuwanai naloma balata saofa mafis sase' Godami. Amama ofagema nambimb mila ipe' etipa dei' pape etap anae'.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

Hibrui 11:2

Amam fowa'imi mombale'efa God na'ama, amama atom dei' Anan na'iam na'i, “Waf amamunai bo'ona.”

Hibrui 12:1

Dei' ape' monda' main? Epes fowa'isi sembale'efa Godi saitu salipapa si'i elagw lu'wami mase'alepa mindiwapapa sihi'ambapa waf sembale'efanai. Amama atom ape' dei' mokwaha amamaga amama manda' ape' nimanipai maloma waf aonai nowa'apai. Ea' monda' opalef ape'imi la'ifima mosagih mehip ma sagih bu'unai anama God nandandepana musagihanai meataga ikwaf.

Hibrui 12:24

Ea' pafi'i felefele'ma Jisas, Anan nape la'afen numafi basef dambaimi God na'i endilisimi atom. Ea' pafi'i esimbel ananimi fowa' neali'ama ipe', nanda' basef amama mataga la'ifim. Esimbel amama mawalapa anona eaf bu'unai endilisi. Basefa eaf anama nikila' endilisi basef Abeli. Dei' main, basefa esimbel Abeli mofala Goda nogwa waf aonai. Ea' esimbel Jisasi atom God nakwaha waf aonai epes sanda'anai.

Hibrui 5:1

Waf anama fowa' sandandepa pris hiami dembemi mape mali'ma pris hiami na'ama. Anona nogota sandandepa anona pris sanda'ana nanda' maol Godi ma nofa' malogof epesi naitu naep Godi. Esis sase'ana amamaga bu'wami naso' God nondolalimanama God nokwaha waf aonai esis sanda'nai.

Hibrui 9:22

Basef amama ma mi'uli anama na'i felefele'ma amamaga amama hiami mosa'opam esimbel atoma motaga bo'om andeande'. I'i esimbel ina molo, God ina nekwaha waf aonai epes sanda'anai, owa'.

2 Pita 2:8

Aman anama bu'unai Lot nape nalomas la'ela'ef name'ama waf aonai amam manda'anai natolom. Okom ananinai aona endilisi ma waf anama amam mosambala basef Godi manda'anai.

Basef Ifimba Jut Nandaꞌafi 1:11

Endilisi, nimanimi lu'wami anona nemaf motagamam. Amam mefa' waf aonai fowa' Kein nanda'anai. Ukup amamumi mohafel endilisi ma mofa' otamba atom. Ea' dei' maso' alop amamunai nafe' hi'alana manda' waf aonai si'i fowa' aman anama Balam nanda'anai. Ea' masombala basef Godi si'i fowa' aman anama Kora nanda'am. Amam manda' waf anama, dei' aom higilalam si'i fowa' Kora higilalona.