Hibrui 11:10 - Basef Buꞌwami Godi

¹⁰ La'ela'ef Abraham okom na'i ata' niti wambel taun anama gani ilif olalef maim la'ifimi motawa. God atona gawainai Anan okom na'i nonda' wambel anama, ea' nanda'ana.

Hibrui 11:10 Iomraidhean Croise

Jon Nandaꞌafi 14:2

Ipat Ahalome ae'anai alihina satopa' rum hiami mape mandandaepa. I'i owa', fowa' ae' a'ipipa. Endilisi, ae' efe' endondomba wambel ipe'inai.

2 Korin 5:1

Dei' afa' ogawa na'ama. Nemaf anama ipat anama sowalo' selanai sanda'ana etap anae' nondatal aona, ea' hapainai. Afa' anona ipat God na'i nose'afanai dambainai. Ipat anama epes ina sanda'ana sala'ana lagof asasimi, owa'. Anama napani heven ea' notawa la'ela'ef hihif.

Filipai 3:20

Ape' mape amam nematawa ilifapai, wambel ape'inai heven. Ea' mape mohafa Dembinai Jisas Krais anona nemaf nokwaha heven nisila'i nefa'apa motanimani.

Hibrui 11:16

Ea' dei' esis ina sanda'am na'ama, owa'. Opalef asasimi mohafa anona etap bu'unai endilisi nikila' anama fowa'iguma. Anama heven atogon. Amama atom dei' God ina ambal aona ma epes isima sa'i, “Ine' God ape' manda' lotumanai, owa'.” Anan nandomba anona wambel taun ma epes isima sembale'efanai sofe' seapoma.

Hibrui 12:22

Ipe' ina pataga ma amamaga amama, owa'. Ipe' pataga halaf Saion, wambel lu'unai taun God nape namunai la'ela'ef. Anama Jerusalem dambaiguma nape heven. Ipe' patagama ensel hiami endilisi mandatama mape mandanifel.

Hibrui 12:28

Amama atom ape' minifela God. Dei' main, dei' ape' felefele' muwis numafiapa wambel Godi, anama epes ina la'ifisa sokoto'magon, owa'. Ape' monda' lotumana mefela agel ananinai umbamohapa ma mila okom ananinai atona.

Hibrui 13:14

Dei' main, ape' mogawa etap anae' ape' ina anona wambel taun nape la'ela'ef, owa'. Ape' dei' mape manda'am magolopa wambel taun anama anona nemaf na'i neatagai.

Hibrui 3:4

Endilisi, ifagw hiami epes etis sala'ami. Ea' epen gawainai nanda' amamaga hiami, anan God atona.

Revelesen 21:2

Ea' ati taun wambel bu'unai Godi, anama Jerusalem dambaiguma. Ati taun anama nape naloma God, nakwaha heven ilif nisila'i. Wambel anama nanda' sosaf bu'unai atona nandandombol si'i nemata'w kwa'i koso' amani kwanda' sosaf bu'unai atona ma koso' aman akwa'unai.