Hibrui 10:5 - Basef Buꞌwami Godi

⁵ Ea' nemaf anama Krais nafi'i etap anae' Anan na'ipa God na'i, “Ine' nandaiwa'ma esis soha mafis sofa'ai amamaga maim sifi'i sondolalima ine', owa'. Ea' ine' nandondomba anona alopa nese'eana Ae'.

Hibrui 10:5 Iomraidhean Croise

Matyu Nandaꞌafi 11:3

Ea' mahali'ana ma'i, “Ine' aman ma'wina nafi'i ea', o ata' mope mohafa anona?”

Luk Nandaꞌafi 1:35

Ea' ensel anama nagwama'wa basef na'i, “Ambal Bu'unai Godi nifi'mai ine', pepel God nape ilifi nose'alina. Ea' dei' awani inima nambimb nelani enin bo'wen. Ea' esis nambimb sefela agel ananinai lu'una sofalana si'i Anan Nogalomana Godi.

Luk Nandaꞌafi 7:19

nasapa'am mafe' mahali' Dembinai Jisas ma'i, “Ine' aman ma'wina nafi'i o ata' mope mohafa anona?”

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

Hibrui 1:6

God na'ipa Nogalomana Ananinai nape nali'ma amamaga hiami. Ea' nemaf anama God na'i Nogalomana Ananinai nataga etap anae' na'iam wapoti' na'i, “Amam ensel Ae'ami hiami monda' lotu ma Anan atona.”

Hibrui 10:10

Jisas Krais naila okom Godi atona andeande' nase'ana alop ananinai nondolalimana nemaf atotona ea' ma'um. Amama atom dei' nanda'apa mataga bu'upai Ananipai atepa.

Hibrui 10:7

Anom nemeguf mafe'ma ea', Ae' a'i, ‘God, ine' dei' netolowe. Si'i fowa' amam profet manda' basef mail buk ma'iama Ae', dei' afi'i ma ila okom ine'inai atona.’ ”

Hibrui 10:8

Krais nali' ata' na'ipa God na'i, “Ine' nandaiwa'ma mafis maim saham sanda'am sandolalima ine' balata sondolalima ine'anai. Mafis maim amama sondolalima ine', ine' nandaiwa'mam.” Ea' mi'uli God fowa' naso' Mosesanai na'i esis sondolalimana etin sope la'ela'ef.

Hibrui 2:14

Epes Anan nofalapa awasi ananipai, epes etapasi selapai. Amama atom Jisas wapoti' nataga epen na'ama etin si'i ape' epes etapasi selasi. Anan nataga epen na'ama ma naga' nohambombaga aman anama aonai Satan la'ifina nanda' epes hiesi saga'.

Hibrui 5:7

Fowa' gani Jisas ata' nape epen endilisinai etap anae', nanda' beten nahali' God la'ifinai ma nofa'ana nokwaha ga' ma nope namunai. Nanda' beten nofalana mehip nalef nape nimeguf hiami. Anan nanda' lotu ma God, nanda' Anan nafe' owina God. Ea' dei' God name' beten ananinai.

Hibrui 8:3

Fowa' gani God nandandepa amam dembemi pris mofa' amamaga bu'wami gwa'aimi mafis mamumami ma mondolalimana. Ea' Dembinai ape'inai wapoti' God nandandepana ma nofa'ai anom amamaga nondolalimanami.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.