Hibrui 10:4 - Basef Buꞌwami Godi

⁴ Esimbel bulmakau noganai maloma meme ina la'ifima mokwaha waf aonai esis sanda'anai, owa'.

Hibrui 10:4 Iomraidhean Croise

Mak Nandaꞌafi 12:33

Mi'uli lu'unai nali'i anama. Nomonas ipe'imi mohafela anan mimilana na'ama. Ukup ipe'imi mimilana hi'ilam, pese'ana opalef moloma gawa moloma pepel ipe'inai hi'ilana. Na'ama andeande'. Ea' mi'uli nagi'i anama. Ipe' piti uwahipis ukup mimila emi egafis sape felefele'ma ipe'i si'i ipe' ukup maila ipe' etipa. Na'ama andeande'. I'i ape' mila mi'uli anama biefina, waf anama bu'unai nikila' gwa'aimi mafis maim mose'anam Godi ata' bo'om andeande'.”

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Basef Amama Pol Nandaꞌam Mafeꞌma Esis Romi 11:27

Anona nemaf ekwaha waf hianai aonai esis sanda'anai, i'ipasa basef endilisimi atom i'iam elomas.”

Hibrui 10:1

Ape' mati mi'uli fowa' God naso' Mosesanai nondola'wif etina amamaga bu'wami ma'i anona nemaf migi' meatagai. Amamaga amama apimi ina endilisimi, owa'. Amama mondola'wif etin. Ea' dei' mi'uli anama na'i esis ata' sondolalima God afagof hiami, ina la'ifina nonda'as sifi'i felefele'ma God sondolalimana ma sotaga bo'wes endilisi, owa'.

Hibrui 10:11

Amam pris hiami maitu manda' maol mondolali ma God manda'ana nimeguf hiami. Ea' ofa anama amam manda'anai ina la'ifina nakwaha waf aonai epes sanda'anai, owa'.

Hibrui 10:8

Krais nali' ata' na'ipa God na'i, “Ine' nandaiwa'ma mafis maim saham sanda'am sandolalima ine' balata sondolalima ine'anai. Mafis maim amama sondolalima ine', ine' nandaiwa'mam.” Ea' mi'uli God fowa' naso' Mosesanai na'i esis sondolalimana etin sope la'ela'ef.

Hibrui 9:9

Ipat anama nihi'ambapa nogota anae' dei'inai nihi'ambapa basef na'ama. La'ela'ef epes hiesi sanda' lotuma God sofa'ai amamaga amama bu'wami gwa'aimi mafis mamumami sondolali saso' Goda nakwaha waf aonai esis sanda'anai. Ea' amama ina la'ifima sonda' malogof mape opalef esis nomoni andeande'ma mi'iam mi'i esis bu'wasi endilisi, owa'.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.