Hibrui 10:10 - Basef Buꞌwami Godi

¹⁰ Jisas Krais naila okom Godi atona andeande' nase'ana alop ananinai nondolalimana nemaf atotona ea' ma'um. Amama atom dei' nanda'apa mataga bu'upai Ananipai atepa.

Hibrui 10:10 Iomraidhean Croise

Jon Nandaꞌafi 17:19

Ine' nigiambame epe ine'iwei atowe ma igiambama esis wapoti' sotaga bo'wes andeande' ine'isi etis.

Jon Nandaꞌafi 19:34

Ea' anona soldia nanda' wamba'w napisila lambeh Jisasi wa'ol. Ea' mehip etin esimbel maloma embel kolo'alam mawisi.

Jon Nandaꞌafi 6:51

Ae' si'i bret ambal namunai napaiwei akwaha heven isila'i ape etap anae'. Emi egafis sea' bret anama, esis sope andeande' la'ela'ef hihif. Bret anama ae' nambimb iese'esana, amama alop ae'anai eso' amam nematawa etapasi ma sofa' ambal namunai sope andeande' la'ela'ef hihif.”

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Hibrui 10:12

Ea' aman anama nonda' ofa nemaf atotona, nase'ana Anan atona nondolalima Goda nakwaha waf aonai epes sanda'anai, amama mape la'ela'ef. Anan nanda'am na'ama ma ea', dei' nape naloma God lagel da'isinai Ananinai.

Hibrui 10:14

Dei' main, Krais nase'ana alop ananinai atona God nondolalimana nemaf atotona, ea' amama atom nanda' epes sataga bo'wes andeande' sope la'ela'ef. Epes isima Anan dei' nape la'ela'ef nanda'as anona nemaf sotaga bo'wes andeande'.

Hibrui 10:20

Ea' dei' mofe' muwis anama eaf anama dambainai ambal namunai napoma. Eaf anama Jisas atona nawala lowaf anama lu'unai notaol si'i uta nandoga eaf nogal nawis nomon. Lowaf anama alop Ananinai atona.

Hibrui 10:29

Dei' ipe' ukup mape ma'imama ma emi egafis sowa' alafugaha Nogalomana Godi? Epes isima anona nemaf sofa' nimanimi lu'wami endilisi mikila' epes isima sambisila' mi'uli anama God fowa' naso' Mosesanai. Esimbel Kraisi anona ikwafa basef God na'i endilisimi atom manda' epes isima Ananisi etis bo'wes. Ea' epes isima sanda'am na'ama sa'i esimbel amama Kraisi falafumi atom, sa'i ga' Kraisi falafunai atona. Ea' sanda' basef findiwama Ambal Bu'unai Godi nagiambapa na'a numafiapa.

Hibrui 10:5

Ea' nemaf anama Krais nafi'i etap anae' Anan na'ipa God na'i, “Ine' nandaiwa'ma esis soha mafis sofa'ai amamaga maim sifi'i sondolalima ine', owa'. Ea' ine' nandondomba anona alopa nese'eana Ae'.

Hibrui 13:12

Amama atom Jisas wapoti' nofa' nimanimi naga' wambel endambel uta ande'ma nasa'opas nanda'as bo'wes andeande' ma esimbel ananimi.

Hibrui 2:11

Anan atona nanda'apa amam nematawa mataga bo'wepa andeande' malomana wambota atotona Ahalomapa atotona. Amama atom dei' Anan ina ambal aona nofalapa na'i sahin owan Ananipai, owa'.

Hibrui 2:14

Epes Anan nofalapa awasi ananipai, epes etapasi selapai. Amama atom Jisas wapoti' nataga epen na'ama etin si'i ape' epes etapasi selasi. Anan nataga epen na'ama ma naga' nohambombaga aman anama aonai Satan la'ifina nanda' epes hiesi saga'.

Hibrui 5:7

Fowa' gani Jisas ata' nape epen endilisinai etap anae', nanda' beten nahali' God la'ifinai ma nofa'ana nokwaha ga' ma nope namunai. Nanda' beten nofalana mehip nalef nape nimeguf hiami. Anan nanda' lotu ma God, nanda' Anan nafe' owina God. Ea' dei' God name' beten ananinai.

Hibrui 7:27

Amam dembemi pris fowa'imi mape mali' ma pris hiami mondolalima God nimeguf hiami la'ela'ef. Mali' ata' mondolalimana ma nakwaha waf aonai amam manda'anai. Ea' magi' mondolalimana ma nakwaha waf aonai esis amam nematawa sanda'anai. Ea' Jisas ina nanda'am si'i amam, owa'. Anan nondolali ma God nemaf atotona nakwahomasa waf aonai epes hiesi sanda'anai ea' ma'um. Naso' Anan atona nafe'ma God.

Hibrui 9:12

Krais nawis nomon ipat anama nafe' gani nomon nape etina sa'i, “Bo'wagoma andeande' endilisi.” Anan nanda'am na'ama nemaf atotona ea' ma'um. Anan ina nofa' esimbel meme maloma bulmakau nogami nawis ipat anama, owa'. Anan nawis nondolalima Goda esimbel maloma alop ananinai atona si'ina, ea' ma'um amama atom. Anan nanda'am na'ama natala ape' natagahepa ma waf aonai nawa'apai ma mope andeande' la'ela'ef.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

Hibrui 9:26

I'i Anan nonda'am na'ama, Anan nefa' nimanimi nimeguf hiami timbi tambel fowa' dambadamba God nanda' etap anae' nafi'i nafi'i notaga dei'. Owa'. Dei' felefele'ma nogota hi'ilana Krais nataga etap anae' ma nase'ana Anan hi'alana nondolalima Goda nakwaha waf aonai ape' manda'anai. Nanda'am nemaf atotona ea' ma'um.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Jon 5:6

Jisas Krais ma'una aman anama nafi'i. Ea' Anan nefa' baptais embel sahana naga' esimbel Ananimi malo. Anan ina nafi'i ma waf nefa' baptaisa embel atom, owa'. Anan nafi'i ma waf sahana naga' esimbel ananimi malo. Ambal Bu'unai Godi ofagonama waf endilisinai hi'alana. Ea' Ambal anama nawalipasa basef amama ma Krais endilisimi.