Hibrui 10:1 - Basef Buꞌwami Godi

¹ Ape' mati mi'uli fowa' God naso' Mosesanai nondola'wif etina amamaga bu'wami ma'i anona nemaf migi' meatagai. Amamaga amama apimi ina endilisimi, owa'. Amama mondola'wif etin. Ea' dei' mi'uli anama na'i esis ata' sondolalima God afagof hiami, ina la'ifina nonda'as sifi'i felefele'ma God sondolalimana ma sotaga bo'wes endilisi, owa'.

Hibrui 10:1 Iomraidhean Croise

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Kolosi 2:17

Amamaga amama fowa' esis sailami mondola'wifa amamaga anona nemaf migi' meatagai, amama dei' mataga ea'. Ea' amamaga endilisimi atom, amama Krais atona.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 7:11

Fowa' esis amam nematawa sofa' basefa mi'uli anama God naso' Mosesanai. Ofagema mi'uli anama amam wambota Livai manda' maol pris. Ea' i'i maol anama amam pris manda'anai andeande' ma monda' esis amam nematawa sotaga bo'wesa naep Godi, dei' maina ata' anona pris dambainai nataga wapoti' si'i Melkisedek, ea' ina si'i Aron? Owa'.

Hibrui 8:5

Amam pris hiami manda' maol anama mondolalima God manda' maol ipat Ananinai fowa' sanda' lotuwanai nanda' ikwaf atona ma ipat endilisinai bu'unai nape heveni. Amama atom nemaf anama Moses na'i nola' ipat anama sowalo' selanai, God na'ipana na'i, “Ine' nindumafuma umbamehena andeande'ma nambimb nenda' amamaga hiami hi'ilam migi'mam mondahamam endilisi si'i ikwaf anama Ae' ihi'ambenana ea' halaf Sainai.”

Hibrui 9:11

Dei' Krais nafi'i nataga pris Dembinai nape nali'ma pris fowa'imi hiami. Ea' numafi amamaga amama bu'wami mataga mape ea'. Anan nafe' nawis nomon endilisi ipat anama agel lu'unai bu'unai endilisi nikila' ipat anama selinai fowa'inai notawa etap anae'. Ea' ipat anama dei'inai ina notawa etap anae', epes sanda'ana sala'ana lagof asasimi, owa'.

Hibrui 9:23

Ipat anama naloma amamaga amama sondolali sanda' lotuma God, amama mondola'wifa amamaga amama endilisimi mape heveni. Mi'uli Godi na'i amamaga amama etapami motaga bo'om andeande'ma esimbel amama atom. Ea' amamaga amama endilisimi mape ilifi mikila' amama etapami. Amama atom dei' God na'i amamaga amama endilisimi mape ilifi motaga bo'om andeande' ma esimbel dambaimi mikila' esimbel fowa'imi.

Hibrui 9:25

Nemaf atotona afagof hiami pris dembinai nape nali'ma pris hiami etap anae' nofa' esimbel mafisim nawis nomon nondolali ma God. Nawis nomon wa'ol nape etina sa'i “Bo'wagoma andeande' endilisi.” Esimbel amama ina Ananimi ma alop ananinai, owa'. Ea' Jisas ina nawis nomon naso' Anan atona nondolalima God afagof hiami si'i amam pris manda'am, owa'.