Hibrui 1:3 - Basef Buꞌwami Godi

³ Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 1:3 Iomraidhean Croise

Matyu Nandaꞌafi 22:24

ma'i, “Dembinai Tisa, fowa' gani Moses na'i, ‘I'i anona aman noga' ma anan awasi a'ana ea' waulu'mana ata' kope, owalomana ananinai nose'akw nola enis awasi ma soho'ofana.’

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 1:4

Ambal namunai napaina nape epen anama ea' ambal anama nanda' epes howalas.

Aposel 2:33

Dei' God nafelona nohafel nalata gani heven ilif ea' nape lagel da'isinai Godi. Anan nofa' Ambal Bu'unai Godi ma Ahalomana, si'i fowa' Ahalomana na'ipana na'i endilisi nese'ana. Amama atom dei' Jisas nase'asam esis amamaga amama dei' patolom pame'am ea'.

Aposel 7:56

Ea' Stiven na'ipam na'i, “Peme'! Ae' ati heven nandawisi' ea' Dembinai nataga epen endilisinai naitu lagel da'isinai Godi.”

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 8:34

Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

Kolosi 3:1

God nafela ipe' ea' pape la'ifipa paloma Jisas Krais. Amama atom ipe' ukup mopoma amamaga mape otaga ilifi, anama Krais nape agilinai felefele'ma lagel daisinai Godi.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 1:13

God ina na'ipa anona ensel Ana'i, “Ine' nepe na'ae lagel da'isinai Ae'anai wa'ol. Ine' nepe la'ela'ef nefe' nefe' nemaf anama ae' enda' naumbih ine'isi sefe' owina bo'wagah ine'imi.” God ina na'ipa anona ensela basef amama, owa'. Na'ipa Nogalomana Ananinai atona.

Hibrui 10:12

Ea' aman anama nonda' ofa nemaf atotona, nase'ana Anan atona nondolalima Goda nakwaha waf aonai epes sanda'anai, amama mape la'ela'ef. Anan nanda'am na'ama ma ea', dei' nape naloma God lagel da'isinai Ananinai.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 4:14

Ape' anona pris Dembinai ape'inai nape nali'ma pris hiami nafe' nawis heven nape naloma God. Anan Jisas Nogalomana Godi. Ea' dei' ape' mombale'efa basef God nawalapami la'ifipa.

Hibrui 7:27

Amam dembemi pris fowa'imi mape mali' ma pris hiami mondolalima God nimeguf hiami la'ela'ef. Mali' ata' mondolalimana ma nakwaha waf aonai amam manda'anai. Ea' magi' mondolalimana ma nakwaha waf aonai esis amam nematawa sanda'anai. Ea' Jisas ina nanda'am si'i amam, owa'. Anan nondolali ma God nemaf atotona nakwahomasa waf aonai epes hiesi sanda'anai ea' ma'um. Naso' Anan atona nafe'ma God.

Hibrui 8:1

Basef amama anda'ami mape mali'i, ofagema na'ama. Ape' anona Dembinai pris nape nali'ma pris hiami na'ama etin si'i basef mali'i ma'iam. Anan nape sia bu'unai Dembinai lagel da'isinai gani heven ilif.

Hibrui 9:16

Emi egalina okom na'i basef amama la'ifimi ma emi egafis anona nemaf sofa' amamaga ananimi nemaf anama enin neaga'anai, nanda' basef amama la'ifimi mail anona okwatip. Ama nogalomana ananinai ni'i nila basef amama ma nofa' amamaga ahalomanai, anan nili' nihi'ambas endilisi ma ahalomana ananinai naga' ea'.

Hibrui 9:26

I'i Anan nonda'am na'ama, Anan nefa' nimanimi nimeguf hiami timbi tambel fowa' dambadamba God nanda' etap anae' nafi'i nafi'i notaga dei'. Owa'. Dei' felefele'ma nogota hi'ilana Krais nataga etap anae' ma nase'ana Anan hi'alana nondolalima Goda nakwaha waf aonai ape' manda'anai. Nanda'am nemaf atotona ea' ma'um.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

2 Pita 1:16

Afa' wa'ipipa ea' pegawa pepel Dembinai ape'inai Jisas Kraisi ma anona nemaf notanima nifi'i noloma pepel lu'unai Ananinai. Afa' ina waila anom basef numunefin epes gawaisi sa'iami wa'ipipa basef amama Kraisi, owa'. Afa' watolona endilisi nofa' pepel la'ifinai bu'unai Godi ma naep afa'imi, amama atom dei' wa'ipipa.

2 Pita 1:17

Nemaf anama afa' wape walomana halaf anama, wati Anan nofa' agel lu'unai naloma pepel howalagon bu'unai ma lagel Ahalomana Godi. Nemaf anama anona malogel na'i nataga God napoma nafi'mai Jisas na'i, “Anama Nogalome Ae'anai okom nainailana endilisi. Okom Ae'anai bo'ona ma Anan.”

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.

Basef Ifimba Jut Nandaꞌafi 1:25

Anan atona God, nefa' ape' motanimani ma lagel Dembinai ape'inai Jisas Krais. Nafifili naloma agel lu'unai pepel lu'unai naloma waf anama nape la'ifinai numafi amamaga hiami, amama ananimi atom nafi'i nafi'i nataga dei' anona nemaf owagama wapoti' nope na'ama etin la'ela'ef hihif. Ea' ma'um.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.

Revelesen 4:11

“Ine' God afa'inai Dembinai afa'inai. Ine' la'ifinai bu'unai endilisi ma epes hiesi sondanifela ine' sofela agel ine'inai lu'una. Ine' la'ifinai. Dei' main, ine' nanda' amamaga hiami. Okom ine'inai atona na'iam nanda'am mataga. Ea' dei' amamaga amama hiami mape ambal napaim.”