Hibrui 1:13 - Basef Buꞌwami Godi

¹³ God ina na'ipa anona ensel Ana'i, “Ine' nepe na'ae lagel da'isinai Ae'anai wa'ol. Ine' nepe la'ela'ef nefe' nefe' nemaf anama ae' enda' naumbih ine'isi sefe' owina bo'wagah ine'imi.” God ina na'ipa anona ensela basef amama, owa'. Na'ipa Nogalomana Ananinai atona.

Hibrui 1:13 Iomraidhean Croise

Matyu Nandaꞌafi 22:44

‘Dembinai God na'ipa Dembinai Ae'anai na'i, “Ine' nepe lagel kwahisinai Ae'anai la'ela'ef nefe' netagama anona nemaf Ae' enda' naumbih ine'isi sefe' owina bo'wagah ine'imi.” ’

Mak Nandaꞌafi 12:36

Ambal Bu'unai Godi fowa' gani nafela Devit na'i ‘Dembinai God na'ipa Dembinai ae'anai na'i, “Ine' nepe lagel da'isinai ae'anai la'ela'ef nefe' netagama anona nemaf ae' enda' naumbih ine'isi sefe' owina bo'wagah ine'imi.” ’

Luk Nandaꞌafi 19:27

Ea' esis isima satago naumbih ae'asi, sandaiwa'ma ae' epe dembiwei king asasiwei imafias, ipe' fa'as fi'i na'ae pehas ma naep ae'ami.’ ”

Luk Nandaꞌafi 20:42

Buk anama Songi Devit na'i na'ama na'i, 'Dembinai God na'ipa Dembinai ae'anai na'i, “Ine' nepe lagel da'isinai ae'anai,

Aposel 7:55

Ea' Ambal Bu'unai Godi napaina endilisi, naniga nati heven ilif. Nati nafifili Godi ea' nati Jisas naitu lagel da'isinai Godi.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.