Hibrui 1:1 - Basef Buꞌwami Godi

¹ Fowa' gani God na'ipa akusapa bafasapa ape'isi na'ama, na'ipasa basef ananimi nimeguf atona etin na'ipa amam profeta eaf hianai mawalipas ma'ipasam.

Hibrui 1:1 Iomraidhean Croise

Luk Nandaꞌafi 1:72

Fowa' gani anan na'i anona nemaf nieti akusapa ape'isi fowa'isi uwahipis nigiambamas. Ea' anan okom nopoma basef bu'wami fowa' gani na'iam endilisi mope owagama gani.

Luk Nandaꞌafi 24:27

Ea' nali' nasefela basef hiami Baibelimi amam profet maloma Moses manda'ami nawalipamam. Na'ipam basef amama hiami ma'i anan nawalipamam ofagema hi'alam.

Luk Nandaꞌafi 24:44

Ea' na'ipas na'i, “Fowa' ae' ata' ape alomepa, a'ipipa ea' ma basef hiami mail buk Baibeli ma mi'uli God fowa' gani naso' Mosesanai. Buk anama amam profeti maloma Buk Songi, basef amama hiami ma'i ae'. Basef amama hiemi dei' mataga endilisi mandawalap alihim.”

Jon Nandaꞌafi 16:13

Nemaf anama Ambal Bu'unai Godi na'i basef endilisimi atomi niefi'i, nihi'ambepa ma basef hiami endilisimi. Anan ina nowalapa basef nomonas ananimi atom, owa'. Basef name'am ea', amama atom nowalapam ni'ipipam. Ama ni'ipipa amamaga amama ma'i anona nemaf migi' meatagai.

Jon Nandaꞌafi 7:22

Ea' ipe' patopa'mam alop nogamepa ipe'imi nemaf anama Sabat papoma noma'wanai. Dei' main? Ipe' paila mi'uli anama fowa' God naso' Mosesanai. Moses atona ina nali' na'ipipa panda' waf anama, owa'. Dambadamba waf anama nali' natagama amam agufumi Judai fowa'imi mali'i.

Jon Nandaꞌafi 9:29

Afa' ogawa God fowa' gani na'ipa Moses ea' aman anama afa' ina ogawa waf ofagena ananinai anan nataga eti?”

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Aposel 2:30

Aman anama Devit anan profet ea' nogawa God na'i basef la'ifimi na'i endilisi gani ilif na'ama ma anona nemaf nonda' bafalomana Deviti notaga nope dembinai king si'i Devit fowa' nape king.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 3:21

Dei' napani heven nohafa nemaf anama God nonda' amamaga hiami motaga dambaimi wapoti'. Si'i fowa' gani na'ipipa basef Ananimi endilisimi atom ma amam profet ananimi bu'wami.

Hibrui 11:18

Ea' God nali' na'ipana na'i, “Esis wambota Aisaki etis anona nemaf sofa' agel wambota ine'inai.”

Hibrui 11:2

Amam fowa'imi mombale'efa God na'ama, amama atom dei' Anan na'iam na'i, “Waf amamunai bo'ona.”

Hibrui 12:25

Ipe' pindumafuma andeande'. Na'ama pewa' alafugaha aman anama dei' na'i. Fowa' gani etap anae' God na'ipasa basef la'ifimi endilisi esis amam nematawa, ea' sesambala basef ananimi. Nogota anama fowa' sesambalom, esis ina la'ifisa sofa' sefe' sindihi'ama okom wandafunai Godi, owa'. Fowa' God na'iam etap anae' ea' dei' nape heven na'i basef la'ifimi endilisi ma ape'. I'i ape' mowa' alafugaha Anan, anona nemaf ape' wapoti' ina la'ifipa ma mofa' mefe' mindihi'ama okom wandafunai Ananinai, owa'.

Hibrui 2:2

Fowa' gani God na'ipa amam ensela basef Ananimi, ea' ma'ipipam mandawalap endilisi mape la'ifim. Basef amama mape la'ifima emi egafis sosambala basef owa' silami, esis sofa' nimanimi amama mondahama waf aonai esis sanda'anai sosambala basef amama.

Hibrui 2:3

God nagwamasa nimanimi lu'wami esis sosambala basef Ananimi ensel amama ma'ipasami. Dei' ipe' ukup mape ma'imama? I'i pewa' alafugaha basef Ananimi dei' nagiambamapa nofa'apa mope andeande', anona nemaf ipe' pefa' pefe' pindihi'ama nimanimi amama pi'imama? Owa'. Pefa' nimanimi pelomas. Dei' main, amama nakwahomapa waf aonai nagiambamapa motanimani, ina so'umi, owa'. Lu'wami endilisi. Dembinai atona nali' nawalapam alihima enis epes. Epes isima sihi'ambapa ma mogawa basef amama endilisimi atom.

Hibrui 3:5

Endilisi, Moses nanda' maola nagiambama epes Godi andeande' nanda'ana si'i nanda' maol Godi, ea' na'i basef nawalapama amamaga hiami anona nemaf owagama Krais nie'ipasami.

Hibrui 4:8

I'i nemaf anama fowa' Josua nonda'as suwis sopoma noma'w, God ina ni'i anona nemaf wapoti', owa'. Ea' owa'. Esis ina sawis.

Hibrui 5:5

Krais wapoti' na'ama etin. Anan ina nafela agel ananinai atona nataga pris dembinai ma pris hiami, owa'. God atona nandandepana nanda' maol anama, ea' na'ipana na'i, “Ine' Nogalome ae'inai. Dei' awalapena alihina afela agel ine'inai lu'una.”

Hibrui 9:19

Moses fowa' gani nali' na'ipa esis amam nematawa Juda hiesi basef hiami mi'uli Godi hi'alam, ea' nofa' esimbel bulmakau nogami maloma meme maloma embel maloma auf sipsipum akwahimi maloma lawag sa'unai sa'i hisop agof nalam dis esimbel amama malami neali'am embela amam nematawa isima hiesi saloma buk anama mi'uli anama Godi napeinai wapoti'.