Filipai 4:9 - Basef Buꞌwami Godi

⁹ Waf hianai ipe' patolona pame'ana awalipipanai, anama ipe' penda'ana la'ela'ef. Ea' God nese'apa opalef awanemi nope nolomepa.

Filipai 4:9 Iomraidhean Croise

Matyu Nandaꞌafi 1:23

“Owagama ano'w nemata'w awiawai'wi owa' kwease' amani opafu'w. Ea' kola enin awani aman agel ananinai Emanuel.” Agel anama ofagena na'iam na'ama na'i, “God nape naloma ape'.”

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Matyu Nandaꞌafi 7:21

Ipe' ina pi'i amam nematawa hiesi hi'alas sofala ae' sa'i Dembinai, pi'i anona nemaf seafe' siowis kingdom heveni, owa'etin. Emi egafis sila okom Ahalomei nape heven ma sielana, esis etis anona nemaf sefe' suwis kingdom heveni. Enis lamasa owa'.

Luk Nandaꞌafi 6:46

Dei' maina ipe' pa'i ae' Dembiwei, Dembiwei, ea' ipe' owa' pila malogel ae'anai?

Luk Nandaꞌafi 8:21

Ea' nagwamasa basef isima hiesi na'ipas na'i, “Esis amam nematawa isima some' basef Godi sailam, isima mama'we sahin owan ae'asi.”

Jon Nandaꞌafi 13:17

Dei' ipe' pegawa waf anama ea'. I'i pilana andeande', pendanifel.

Jon Nandaꞌafi 15:14

I'i pila mi'uli a'ipipanai andeande' ipe' alupipei ae'ipei.

Jon Nandaꞌafi 2:5

Ea' kwa'ipa amam manda' maola anan naso' nemata'wi kwa'i, “I'i anan nie'ipipa anom basef, ipe' peme'ana.”

Aposel 9:6

Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”

Basef Amama Pol Nandaꞌam Mafeꞌma Esis Romi 15:33

God Anan ofagonama opalef awanemi. Ae' a'i Anan nope nolomago ipe' hipei. Endilisi.

Basef Amama Pol Nandaꞌam Mafeꞌma Esis Romi 16:20

God anan ofagonama opaf awanena, nogota bandana ma nofa'asa Satan nofe' owina bo'wagah ipe'imi. Ae' ahali' God anda' betena Dembinai ape'inai Jisas Krais nigiambamepa na'a nope la'ela'ef nolomepa.

1 Korin 10:31

Dei' ae' egwa basefa epen inima. I'i ipe' pi'i pea' gwa'aimi embel maim o penda' maim amamaga, penda'ama pefela agel Godi atona lu'una.

1 Korin 14:33

Dei' main, God ina ofagenama sa'i basef mamumami, owa'. Anan nanda' waf bu'unai opalef etifim mape awanem. Wambel hiagoma esis amam nematawa Godi sondowa'anima sape,

1 Korin 4:16

Amama atom dei' afela ukup ipe'imi ma pila waf ae'anai pefe'.

2 Korin 13:11

Kristen alupipei, dei' embefa basef hi'ilam a'i nemaf bu'unai inifelipa. Ipe' penda' maol la'ifipa endilisi ma petaga bo'wepa andeande'. Ea' peme' basef ae'ami. Ipe' pefa' ukup etifim ea' pepe opalef etifim awanem. God, anan ofagonama waf ukup naloma opalef awanemi nope nolomepa.

Filipai 3:17

Alupipei, ipe' hipei pila waf ae'anai. Ea' pendandepas andeande' epes saila waf afa'inai ma pilana.

Filipai 4:7

Ipe' pape la'ifipa paloma Krais Jisas, dei' opaf awanena God nase'apanai nikila' gawa hianai epesi hi'alana nope nolomepa nili'akwa opalef moloma ukup ipe'imi andeande'.

1 Tesalonaika 1:6

Amama atom dei' pegawam paila Dembinai. Amamaga nimanimi matagamepa, ea' pefa' basef Godi, Ambal Bu'unai Godi nafela opalef ipe'imi pandanifel.

1 Tesalonaika 2:14

Ipe' Kristen alupipei, pefa' nimanimi na'ama etin si'i esis sombale'efa basef Godi sape etap hiagoma Judiai. Esis sombale'efa Jisas Krais, ea' sataga amam nematawa Godi. Amama atom dei' esis Juda sase'as nimanimi enisa alop asasinai na'ama etin si'i ipe' wambel atotona sase'epa nimanimi.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

2 Tesalonaika 3:4

Dembinai nafela ukup afa'imi dei' ogawa ipe' na'ama. Waf hianai wa'ipipa ma pinda'anai, anama ipe' penda'ana endilisi. Ea' anona nemaf wapoti' ina pindaiwa'mana, owa'. Pilana penda'ana la'ela'ef

2 Timoti 4:22

Ae' a'i Dembinai nope nolomago ambal bu'unai ine'inai nigiambamepa na'a. Ea' ma'um.

Jems 1:22

I'i peme' basef Godi ina pailam, ipe' pambaso'ma ipe' etipa. Amama hapaimi. Ipe' peme'am pilam, andeande'.

2 Pita 1:10

Ea' ipe' penda' waf bu'unai pepe la'ifipa endilisi pikila' fowa' pali' panda'ana paila basef amama fowa' God nofalepa nosahe'epa ma pape ananipei etipa. Penda'am na'ama ma pegawa endilisi God nofalepa nosahe'epa. I'i ipe' penda'am na'ama la'ela'ef, nambimb ina pewa ma anona waf aonai, owa'.

1 Jon 3:22

I'i ape' mi'i monda' beten mohali'ana ma anom amamaga, anan nose'apami. Dei' main, ape' maila okom ananinai manda' amamaga anan nandanifel ma ape' manda'ami.