Filipai 4:4 - Basef Buꞌwami Godi

⁴ La'ela'ef ipe' pendanifel ma Dembinai. Ae' a'iam wapoti', ipe' pendanifamana.

Filipai 4:4 Iomraidhean Croise

Matyu Nandaꞌafi 5:12

Opalef ipe'imi mope awanem pepe pendanifel. Dei' main? Amamaga hiami bu'wami ipe'imi ma'oh heven ilif. Esis isima sanda' waf aonai ma ipe' na'ama etin si'i fowa' gani sanda' waf aonai ma profet amama mape fowa'imi.

Aposel 16:25

Owamb la'afina amanota Pol naloma Sailas manda' beten manda' awalef mafela agel Godi ea' enis epes sanda' kalabusi same' manda'am.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

2 Korin 6:10

Afa' opalef nimanim endilisi, ea' la'ela'ef wandanifel. Wape si'i isima amamaga a'asi kwahusi ea' wase'asa amamaga afa'imi ma epes hiesi. Afa' amamaga a'afa si'i isima kwahusi, ea' waf bu'unai Godi nihi'ambafa wape si'i amamaga hiamifai.

Galesia 1:8

Ea' i'i ae' o enin epen o anona ensel nifi'i ilif heveni ni'ipipa anom basef owa' dende' ma basef amama afa' wa'ipipami, epen inima peme'an owa', hapaini. Ae' a'i anona nemaf God nokwahin newala wambel aonai hel.

Filipai 2:18

Ea' na'ama etin ipe' wapoti' pendanifel pelome.

Filipai 3:1

Ipe' alupipei, ae' a'i i'i basef ae'ami hi'ilam na'ama. Ipe' pendanifel ma Dembinai. Ae' ina okom nimanima enda' basef amama atom do'ok ali' a'ipipami, owa'. Amama mili'akwepa ma waf aonai.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.