Filipai 4:3 - Basef Buꞌwami Godi

³ Ea' dei' ahali' ine' aman alupinai endilisi nanda' opeh Godi andeande', a'ipinago nigiambamago nematawa awama biawa. Awau la'ela'ef wandao'oma walome wanda' opeh la'ifiwa wawalipasa basef bu'wami Godi. Ea' Klemen naloma enis epes ae'asi wanda' opeh atom Godi, esis wapoti' sanda' opeh salomafa. Agof asasimi mape nomona buk ambal namunainai agof epes sope andeande' la'ela'ef mailanai.

Filipai 4:3 Iomraidhean Croise

Luk Nandaꞌafi 10:20

Ea' ipe' ina pendanifel ma ambagof awami mame' basef ipe'imi, owa'. Ipe' pendanifel ma God nanda' agof ipe'imi mail buk ananinai gani heven ilif.”

Basef Amama Pol Nandaꞌam Mafeꞌma Esis Romi 12:1

Alupipei, basef amama hiami mali'i endilisimi atom. Amama atom dei' ahali'ipa ma basef la'ifimi ma ipe' ukup mi'i okom lu'unai Godi nainaila ape' nati ape' uwahipipa. Ea' pindilali ma Anan si'i fowa' saha mafis sase'ana pese'ana alop ipe'inai si'ina hi'ilana. Alop ata' nope namona la'ela'ef pese'anana God atona hi'ilana ea' ananinai si'ina, si'i waf Anan okom na'ianai. Ipe' penda'am na'ama, penda' lotu endilisi ma God ukup ipe'imi nomon.

Basef Amama Pol Nandaꞌam Mafeꞌma Esis Romi 16:12

Pi'ipawago nemaf bu'unai ae'anai ma Trifina kwaloma Trifosa, awo biawa wanda' maol lu'unai Dembinai. Pese'akw nemaf bu'unai ae'anai ma Persis, akwa'w alupu'wi ae'akwi endilisi, kwanda' maol lu'unai ma Dembinai.

Basef Amama Pol Nandaꞌam Mafeꞌma Esis Romi 16:9

Pi'ipago Urbanus nemaf bu'unai ae'anai, anan nanda' maol atotona naloma ae' ma maol Kraisi. Ea' i'ipago Stakisa nemaf bu'unai wapoti'. Anan alupunai ae'anai endilisi.

Filipai 1:12

Alupipei, dei' a'i ipe' pegawa amamaga mali' matagama ae' ma anda' kalabus, ina masopama basef bu'wami Godi, owa'. Amama manda'am mafe' lu'um endilisi ma hiesi seme'am.

Filipai 1:16

Isima sogawa ae' ape na'ae ma anda' basef bu'wami Godi mataga la'ifim. Ea' esis ukup maimaili sawalapa basef bu'wami.

Filipai 1:27

Dei' fe' ipe'inai nefe' bo'ona nila basef bu'wami Kraisi. I'i ae' efe'mago ipe', o i'i eme' basef atoma ipe', ea' hapaimi. A'i ata' egawa ipe' paitu la'ifipa opalef etifim pandagigiambanama pafela esisa sembale'efa basef amama bu'wami

Filipai 1:5

Dei' main, ipe' panda' waf bu'unai pagiambame awalipasa basef bu'wami Godi. Fowa' damba damba ipe' pame' basef amama bu'wami pembale'ef pandao'oma pape la'ela'ef palome pafi'i pafi'i pataga dei'.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

Filipai 4:2

Ipe' nematawa bipa, Yuodia neloma Sintike, ipe' peme'. Ipe' petaga opalef etifima Dembinai.

Kolosi 1:7

Ipe' peme' basef amama bu'wami Epafras nawalipipami ea' pegawam. Anan epen bu'unai afa' ukup maimailana nanda' maola Krais nalomafa wandao'oma wanda' maol atotona. Anan naho'ofafa nagiambama ipe' ea' numafi maol Kraisi andeande'.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 17:8

Mafin anama nape aolupi, ine' natolona ea'. Fowa' anan nape, dei' ina ata' nape, owa'. Anona nemaf nokwaha hul anama nowala owa' notambili nolatowi ilif ea' nefe' higililana owa'etin. Enis epes etapasi God ina nanda' agof asasimi mape buk ambal namunai ma nemaf anama fowa' dambadamba anan nanda' etap, owa'. Amam nematawa isima anona nemaf siti mafin anama nape aolupi gegelelesis kwapete'as. Dei' main, fowa' anan nape, dei' owa', anona nemaf, anan notaga wapoti'.

Revelesen 20:12

Ea' ati esis saga'i sape, epes isima agufisi saloma isima agof a'asi saitu naep balata kingi. Ea' aman anama natoma balata anama nefa' anom buk ea' naufam. Ea' naufa anona buk wapoti', agof esis sofa' ambagof namumi mailanai. Ea' nati amef mail buk amama, ma'i maina waf esis sanda'anai nawaloga esis saga'i sandahama waf hianai esis sali' sanda'anai.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.

Revelesen 21:27

Ea' amamaga awami moloma epes emi sanda' waf naninani aonai soloma emi egafis sa'i basef baso'maimi soloma emi egafis sanda' waf aonai nanda' epes ambagof aom, epes isima ina sefe' siwisa wambel anama, owa'. Sipsip Noganai nanda' agof enis epesi mail buk anama agof epes sofa' ambal namunai mailanai, epes isima etis anona nemaf sefe' suwis wambel anama.

Revelesen 3:5

Ipe' paloma enis epes wapoti' sape ambal namunai la'ela'ef agof ipe'imi mail anona buk sa'i buk ambal namunai napainai. Emi egafis situ la'ifisa sili'amona wandafa waf aonai, Ae' ese'as luwaguf amama afitimi solam. Ea' ina anona nemaf egagaha agof asasimi mail buk anama, owa'etin. Mil la'elaef. Ewalapa agof asasimi ma naep Ahalome ae'anai noloma amam ensel Ananimi i'ipam i'i epes isima ae'asi.