Filipai 4:11 - Basef Buꞌwami Godi

¹¹ Ae' ina a'iam na'ama a'i ae' amamaga a'e, owa'. Dei' main, ae' egawa na'ama. I'i maim amamaga ma'ome, hapaimi. Opaf ae'anai awanena ma amamaga amama.

Filipai 4:11 Iomraidhean Croise

Luk Nandaꞌafi 3:14

Ea' anom soldia mafi'i mahali'ana ma'i, “Afa' nambimb onda' main?” Anan nagwamam na'ipam na'i, “Ipe' ina pembaso'ma epes piumbelis penda'as umbamohas penda'mas basef pelela'epasa moni asasinai, owa'. Ea' opalef ipe'imi mope awanema otamba ipe'imi dondo'ma ikwaf amam dambami mandandepami.”

2 Korin 11:27

Ae' efa' nimanimi lu'wami mamumami. Owambeh hiami la'ela'ef ina a'oh andeande', owa'. Nimeguf hiami ina a' gwa'aimi embel maim, owa'. Eap nase'e nolomahe a'i ega' etin. Anom nimeguf hiemi elelama gwa'aimi, luwaguf maim a'e nomanamb mae.

2 Korin 6:10

Afa' opalef nimanim endilisi, ea' la'ela'ef wandanifel. Wape si'i isima amamaga a'asi kwahusi ea' wase'asa amamaga afa'imi ma epes hiesi. Afa' amamaga a'afa si'i isima kwahusi, ea' waf bu'unai Godi nihi'ambafa wape si'i amamaga hiamifai.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

2 Korin 9:8

God Anan wilama nese'epa amamaga bu'wami hiami ipe' ma nambimb ipe' si'ipamam endilisi. Anan nanda'am na'ama ma nimeguf hiemi ipe' penda'am peso' enis epes ina hi'ilam, owa'. Mo'oh la'ela'ef. Ea' ipe' amamaga hiamipei penda' opeh bu'wami hiami mamumami ma pigiambama enis epes wapoti'.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.