Filipai 3:8 - Basef Buꞌwami Godi

^8-9 Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

Filipai 3:8 Iomraidhean Croise

Luk Nandaꞌafi 1:43

Ae' gegelalasowe ma God okom bo'oma ae' nanda'e endanifel ma nanda' ine' mama'wana Dembinai ae'anai nafi'mai ae'.

Luk Nandaꞌafi 11:20

Pepel Godi atona nagiambama ae' atofa ambagof awami. Na'ama dei' ipe' pegawa nemaf anama epes siowis wambota Godi numafias nataga ma ipe' ea'.”

Jon Nandaꞌafi 14:20

Nemaf anama ipe' pegawa ae' ape Ahalome, ape nomona ipe', ipe' pape ae'.

Jon Nandaꞌafi 14:7

I'i ipe' pegawa ae', pegawa Ahalome ae'anai wapoti'. Ea' dei' patolona. Dei' atef patolona pegawana.”

Jon Nandaꞌafi 16:3

Fowa' esis ina sogawa Ahalome naloma ae' wapoti', owa. Na'ama esis sanda' waf anama aonai.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 17:8

Basef hiami ine' nasi'iami, amama ae' a'ipasam ea' sofa'am sogawa endilisi fowa' ae' ape alomena afi'i. Ea' sombale'efa basef amama ine' nasapa'e afi'i.

Jon Nandaꞌafi 20:13

Ea' mahali'akw ma'i, “Nemata'w, ine' nalopa main?” Ea' akwa'w kwagwamama basef kwa'i, “Enis epes sofa' Dembinai ae'anai safe' ea' ina egawa anama safe' sambe'anama, owa'.”

Jon Nandaꞌafi 20:28

Ea' Tomas na'ipana na'i, “Dembinai ae'inai, God ae'inai.”

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Basef Amama Pol Nandaꞌam Mafeꞌma Esis Romi 8:18

Ae' okom na'i pe anama bu'unai anona nemaf notaga nondawalapa ape' gani ilif heven, anama anona nemaf nikila' endilisi nimanimi amama ape' dei' mefa'am nogota anae'.

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

1 Korin 2:2

Dei' main, okom ae'anai na'i na'ama. Nemaf anama ae' ape alomepa ina ata' okom napoma anom basef, owa'. Okom nase'e ma anom amamaga. Ae' okom napoma Jisas Krais atona, Anan naga' lawag usi'inai tu'wanainai.

1 Korin 9:10

Anan okom na'i ape' wapoti'. Basef amama ma'iama ape' atepa. God okom na'i waf anama. Epen nawa nelemb etap ananinai neloma emi epen nela gwa'aimi maof ea'i, anan okom na'i opaf ananinai ma nefa' amamaga tu'wanima maol anama.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

Efesus 4:13

Ea' mope mefe' mefe' ma anona nemaf ape' hiapai mombale'efana motaga opalef etifim endilisi ma bale'ef ape'inai noloma gawa etifina ma anan Nogalomana Godi. Ape' motaga epes la'ifipa endilisi mombale'efana si'i epes dambes ea', motaga na'ama etin si'i ikwafa waf bu'unai Kraisi atona.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 3:10

Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Filipai 3:12

Ae' ina okom na'i efa' waf anama Kraisi hi'alana ape bo'awe andeande', ata' owa'. Dei' ape embalo'a waf anama la'ifiwi. Dei' main? Anan nofale nandandepe ma epe ananiwei si'iwi.

Filipai 3:7

Ea' ae' okom napoma Krais atona a'i amamaga amama hiami ali' anda'ami, amama falafumi atom.

2 Timoti 4:6

Ine' negawa, nogota anama nataga ea' ma sehe ega'. Esimbel ae'ami ma'i kolo'olam molo sehe ega' ma indilali eso' ae' efe'ma God. Nemaf nataga ma ae' ekwaha etap anae'.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

1 Pita 2:7

Owap anama bu'unai endilisi agel lu'unai ma ipe' pembale'efanai, ea' epes isima owa' sombale'efanai anom basef mapomas ma'iam na'ama ma'i, “Owap anama amam mala' ifagwi mandaiwa'mana melefatana na'ihi, dei' nandamboma nataga owap nape nali'i nanda' ipat anama la'ifina.”

2 Pita 1:2

God nagiambamepa na'a nanda' opalef ipe'imi mape awanem. Ae' a'i amama mope si'ima ipe' ma eaf anama pegawa God naloma Jisas Krais Dembinai ape'inai.

2 Pita 1:3

Krais nofalepa ma pefa' pepel howalagon ananimi atom pelomana. Ama pepel God nase'anami atom anan nase'apa pe bu'unai amamaga amama bu'wami hi'alama mope andeande' mila waf Godi. Krais nanda'apa na'ama ma eaf anama mogawa anan atona.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 2:19

Enis epes sakwaha ape' ea'. Fowa' epes isima ina ape'isi endilisi, owa'. I'i ape'isi endilisi, esis sope solomapa la'ela'ef. Owa'. Esis sakwahepa ea'. Amama atom dei' ape' mogawas andeande', epes isima hiesi ina epes ape'isi, owa'.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.