Filipai 3:6 - Basef Buꞌwami Godi

⁶ Ae' okom nohafel la'ifiwi endilisi ma anda' opeh Godi. Fowa' anda' opeha aha esis sios amam nematawa Kristen. I'i epes sowaloge ma waf aila mi'uli anama, ae' ofagema a'e.

Filipai 3:6 Iomraidhean Croise

Matyu Nandaꞌafi 23:25

Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' amam malogof biamipei! Ipe' pandombasa kap plet ande'ama atom bo'om. Ea' nomon owa'. Ipe' opalef si'ipama waf sanda' walanai naloma waf anama alop atonai aonai.

Matyu Nandaꞌafi 5:20

Na'ama dei' ae' a'ipipa a'i, ipe' ukup pepoma amam dambami mawalipasa mi'uli Godi moloma amam dambami Farisi. I'i waf ipe'inai bu'unai owa' nikila' waf amamunai, anona nemaf ipe' ina pefe' piowis kingdom heveni, owa'etin.

Luk Nandaꞌafi 1:6

Esis bias Sakaraia Elisabet sape bo'wes ma naep Godi saila mi'uli ananinai hianai hi'alana. Ea' saila basef Godi andeande' basef ofagema a'as.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 26:5

Fowa' gani esis sogawa ae'. I'i ukup asasimi mi'i a'e, sowalapa basef amama ma waf ae' anda'anai. Esis sogawa ae' aila waf epes hiesi ape' Farisi. Waf anama ahifina endilisi, nikila' waf hianai anona lotu ape'inai.

Aposel 8:3

Ea' Sol nafela maol nanda'ana naha esis Kristen. Anan nafe' nawis ifagw hiami atona etin nofa'ai amam nematawa hiesi sembale'efa Kraisi. Ea' nahonde'as nofa'as nafe' nanda'as sanda' kalabus.

Basef Amama Pol Nandaꞌam Mafeꞌma Esis Romi 7:9

Fowa' gani mi'uli anama ata' owa', nogota anama ata' ape okom nase'e lolaiwi ma waf aonai. Anom nimeguf mafe'ma ea' basef ofagema ma mi'uli anama mafi'mai ae' ea' waf aonai nohafel nafe' ambal ae'anai ea' nahe aga'ma mi'uli anama. Do'ok li' God nanda' mi'uli ananinai ma nefela ambal namunai ea' ae' ine' efa' ambal namunai ma mi'uli anama, owa'. Mi'uli anama nahe aga' etin.

1 Korin 10:32

Ipe' ukup mopoma epes hiesi, esis Juda soloma esis owa' Judaisi, soloma amam nematawa isima Godi. Ea' ipe' ina penda' anona waf nonda' esis sowa ma waf aonai, owa'.

1 Korin 15:9

Dei' main, ae' si'i so'uso'win falafuwei la'afena amam aposel. Ae' ina dei' bo'awe ma epes sofale si'i ae' aposel, owa'. Dei' main, anda' maol ahambombaga amam nematawa Godi.

Filipai 2:15

Penda'am na'ama ma pepe awasi Godi bo'wepa ma basef o waf aonai a'epa. Dei' pape paloma epes hiesi sape etap anae', esis sakwaha waf bu'unai sanda' waf aonai. Ipe' pape palomas pihi'ambasa basef ambal namunaimi si'i ondowa motawa ilif mafifima epes. Penda'am na'ama ma nemaf akutainai Kraisi ae' endanifel ma ipe' ma egawa ina anda' opeh akwaha pepel ae'anai na'a, owa'.

1 Timoti 1:13

Endilisi, fowa' la'ela'ef ae' anda' basef findiwami ma agel Ananinai, apa' aloma esis Kristen, anda' waf aonai ma Anan. Ea' ae' ina egawa andeande', owa' embale'efanai, ea' dei' anda' waf anama aonai ma anan la'ela'ef ape. Amama atom dei' nati uwahipiwi nagiambame.