Filipai 3:3 - Basef Buꞌwami Godi

³ God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Filipai 3:3 Iomraidhean Croise

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 15:17

Ae' ape la'ifiwi aloma Krais Jisas ea' andanifel ma anda' maol Godi.

Basef Amama Pol Nandaꞌam Mafeꞌma Esis Romi 7:6

Ea' ape' dei' maga' maloma Krais makwaha amamaga mowa'apa la'ifipa. Ea' mi'uli anama ina ata' nowa'apa wapoti', owa'. Mape wafifipa. Dei' ape' ina ata' manda' maol maila mi'uli anama amam manda'ana nail buki, owa'. Ape' manda' maola waf dambainai Ambal Bu'unai Godi nanda'anai.

Basef Amama Pol Nandaꞌam Mafeꞌma Esis Romi 8:15

Dei' main, ipe' ina pefa' Ambal Bu'unai Godi nowa'epa la'ifipa si'i sanda' kalabusi ma ata' umbamehepa wapoti', owa'. Ipe' pefa' Ambal Bu'unai anama nanda'epa pataga awasi Godi. Pepel Ambal Bu'unai atona dei' mofalana ma'i, “Ahalomapa! Ahalomapa!”

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Basef Amama Pol Nandaꞌam Mafeꞌma Esis Romi 9:6

Ea' basef amama God na'ipa esis Israel na'i endilisimi atom ina higilalam etin, owa'. Epes sataga wambota Israeli, hiesi ina Israel endilisi God nandandepas ananisi etis, owa'. Esis ina sombale'efana.

2 Korin 11:18

Epes hiesi saila waf etapanai safela agof asasimi atom, ea' ae' a'i enda'am wapoti'. Dei' i'ipipa anom basef si'i epen okom nololani.

Galesia 5:25

Ambal Bu'unai Godi atona nase'apa ambal namunai napaipa. Ea' dei' ape' mila waf ananinai mefe'.

Galesia 6:16

Emi egafis saila basef amama ae' a'i opalef asasimi mope awanem, ea' ae' a'i God niti uwahipis nigiambamas soloma epes Israel hiesi Godi.

Efesus 6:18

Ea' la'ela'ef pefa' pepel Ambal Bu'unai Godi ma penda' beten naninani hianai pehali' God. Ipe' pindumafuma andeande' penda' beten. Ina pepoma noma'w, owa' Penda' beten la'ela'ef ma God nigiambama esis amam nematawa ananisi hiesi hi'ilas.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 3:12

Ae' ina okom na'i efa' waf anama Kraisi hi'alana ape bo'awe andeande', ata' owa'. Dei' ape embalo'a waf anama la'ifiwi. Dei' main? Anan nofale nandandepe ma epe ananiwei si'iwi.

Filipai 3:14

Ae' faso'me asagih mehip etaga ikwafa efa' agola waf bu'unai. Amama na'ama. Krais Jisas nanda' opeh bu'wami nagiambame ape la'ifiwi aloma anan. Dei' God nofale ma efe' epe la'ela'ef heven.

Kolosi 2:11

Ipe' pape la'ifipa paloma Krais. Ea' pape la'ifipa paloma anan, pape si'i panda' waf anama amam Juda matopa' alop. Waf anama ina waf epes sanda'ana atop atona wafinai, owa'. Krais atona nanda'mepana natofa waf apinai ma ukup apimi.

Basef Ifimba Jut Nandaꞌafi 1:20

Ea' ipe' alupipei endilisi, la'ela'ef ipe' penda' opalef ipe'imi la'ifim pembale'efa God, Anan ofagonama bale'ef ipe'inai. Ea' la'ela'ef ipe' pihali' Ambal Bu'unai Godi ma nonda'epa la'ifipa numafipa ma beten ipe'inai.