Filipai 3:2 - Basef Buꞌwami Godi

² Ipe' pindumafuma andeande' ma amam amama manda' waf aonai si'i nombagw aolupumi. Amam ma'i mi'ipipa mehip momboma ukup ipe'imi petopa' alop ipe'inai ma pila mi'uli fowa' God naso' Mosesanai.

Filipai 3:2 Iomraidhean Croise

Matyu Nandaꞌafi 24:10

Nemaf anama amam nematawa hiesi sokwaha sombale'efa Dembinai ea' sondawawalapa etin sose'asas sefe'ma naumbih sohas, ea' epes isima ukup aoma enis.

Matyu Nandaꞌafi 7:15

Ipe' pindumafuma andeande'ma amam profet mambaso'mami ma'i mawalipasa basef Godi. Amam mafi'i mambaso'mepa manda' ufunufeni mataga patolom ande' atogon mape bo'om sa'umbilim si'i sipsip. Ea' ukup amamumi nomon aom endilisi ma ipe' ma'i mohambombagepa mohepa si'i nombagw wandafumi. Ea' ipe' ina peme'am, owa'.

Matyu Nandaꞌafi 7:6

Ea' Jisas na'ipam anom basef womun etin wapoti' na'i, “Amamaga bu'wami usi'imi, amama ipe' ina pese' nombagw, owa'. Ea' ipe' ina pekwaha awelep amama bu'wami ipe'imi mefe'ma bogof, owa'. Na'ama mofofo'asom awelep amama bu'wami bo'walelef amamumi ea' nombagw mohepa mea'epa.

Basef Amama Pol Nandaꞌam Mafeꞌma Esis Romi 2:28

I'i ipe' epes Judaipei patopa' alop atona, ipe' ina Juda endilisipei, owa'. Ea' waf anama patopa' alopanai ina waf endilisinai ma ipe', owa'.

2 Korin 11:13

Amam amama aposel mambaso'ami manda' maol baso'omunai. Amam mondola'wifa etina amam aposel Kraisi, ea' mambaso'ami.

Galesia 5:13

Endilisi ipe' sahin owan, God nofalipei ma pepe wafifipa andeande'. Na'ama ipe' ukup mi'i, ape' mape andeande' wafifipa, dei' andeande'ma monda' waf alop atona. Ipe' ina ukup mi'i na'ama owa'. Ipe' ukup mimila sahin owan ipe'isi penda' maol etifigin pindagigiambanama.

Galesia 5:15

I'i ipe' penda' lopa' fitap nope la'afena ipe' etipa, ipe' pindumafuma andeande'. Na'ama ipe' hipei pendakolas pesa pewala etin!

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Filipai 3:19

Ukup asasimi mapoma alop asasinai atona, anama si'i god asasinai. Esis sa'i esis etis agufisi sandanifela ma waf naninani aonai ambagof awomunai. Ea' ukup mapoma amamaga etapami atom. Epes isima anona nemaf higililas wambel aonai hel.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

2 Pita 2:22

Waf anama natagamas si'i anom basef endilisimi epes gawaisi sa'iami ma'i na'ama ma'i, “Nombat notanima nafe' na' nagu'omi ananimi wapoti'.” Anom basef wapoti' ma'i, “Bol nafe' nasa'of ea', natanima nafe' nasa'of wambu' awagom wapoti'.”

Basef Ifimba Jut Nandaꞌafi 1:4

Dei' main, anom amam mandambaho' mawisi la'afena ape' Kristen. Fowa' gani basef mail Buk Baibeli ma'i amam amama anona nemaf God nowalogama basef lu'wami ma kot. Amam mowa' alafugaha God maho'ofa basef bu'wami Anan nagiambamapa na'a ma'ipas anom basef manda' waf naninani ukup mohafela waf aonai so'a waolanai nataga la'ifina.

Revelesen 2:9

Ae' egawa nimanimi amama matagamipei ea' Ae' egawa ipe' pape kwahupei otamba hiahaom maim a'epa. Owa'etin. Ipe' amamaga hiami ma'omepa gani ilif heven. Ae' egawa basef amama awami enis epes sa'iama ipe'. Amam nematawa isima sambaso'mepa sa'i, ‘Afa' Juda.’ Ea' esis ina saila waf Judai, owa'. Esis sambaso'mepa. Esis wambota Satani etis. Ae' egawa amamaga amama.

Revelesen 21:8

Epes isima umbamahasa sotanima, isima owa' sombale'efa Godi, epes sanda' waf naninani aonai endilisi soloma epes isima saha enis saga'i soloma epes isima sanda' waf aonai so'a waolanai soloma isima sanda' mu'uhupi soloma epes isima sanda' lotuma god anama baso'mainai, soloma epes isima hiesi sambaso'omi, epes isima hiesi sofa' wambel asasinai ma hul anama lu'unai nif lu'wami fandumi otam salfa napoma. Hul anama launai si'i ga' nigi' neatagai.”

Revelesen 22:15

Epes sanda' waf aonai si'i bogof nombagw manda'anai soloma epes isima sanda' mu'uhupi, epes isima sanda' waf aonai so'a waolanai soloma epes saha enis saga'i soloma epes isima sanda' lotuma god baso'mainai soloma epes isima hiesi ukup maila waf baso'omunai maimailana, epes isima anona nemaf sope ande'ma wambel anama Godi.”

Revelesen 3:9

Ipe' peme'! Ipe' pegawa epes isima Satani. Esis sa'i basef sa'i esis epes Judai, owa'etin. Esis ina saila waf Judai, owa'. Esis sambaso'ami. Ae' anona nemaf enda' epes isima sifi'i sindiwa nembawa sotawa felefele'ma bo'wagah ipe'imi ma sogawa ae' okom nainailipa.