Filipai 3:15 - Basef Buꞌwami Godi

¹⁵ Ape' hiapai mahapila ukup mataga si'i epes dambesi ma waf bu'unai, ape' ukup mefe' etifima basef amama ali' anda'ami. Ama i'i ipe' anom nomonas mopeipa, anona nemaf God nomboma ukup ipe'imi wapoti'.

Filipai 3:15 Iomraidhean Croise

Jon Nandaꞌafi 7:17

I'i enin epen okom ni'i neanda' maol Godi si'i anan na'ianai, nambimb epen inima negawa basef ae' awalipasami mataga God o mataga Ae' atowe.

Galesia 5:10

Ae' alomepa ukup etifim mape la'ifim maloma Dembinai. Ea' egawepa ipe' nambimb ina pila anom basef, owa'. Pila okom ae'anai atona. Ae' ina egawa aman anama namboma ukup ipe'imi, owa'. Ea' hapainai, anan nanda' waf aonai anona nemaf God nose'ana nimanimi.

1 Korin 2:6

Endilisi ae' awalapa basef gawa napaimi ma emi egafis sembale'efa God la'ifisi sanda' waf Ananinai. Ea' gawa anama ina gawa etapanai, o gawa amam agufumi ma etap anae' anona nemaf hegililam, owa'.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Korin 14:20

Ipe' alupipei, ipe' ina pepe ukup motamea si'i awasi, hapaimi. Waf aonai, ipe' ukup bo'om motamea andeande' ukup mose'epam si'i awasi. Ea' nomonas ipe'imi motaga si'i epes dembesi.

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Hibrui 5:14

Ea' gwa'aimi la'ifimi mapoma epes isima sataga dambes la'ifis. Epes isima sawalipa ukup maloma nomonas asasimi atom hihif dei' la'ifisa sowaloga waf bu'unai aonai.

Kolosi 1:28

Ea' afa' wawalapa basef Kraisi wawalipa epes hiesi ma gawa hianai naninani bu'unai. Afa' wa'i wihi'amba epes hiesi atona etin sefe'ma Kraisa sope epes Ananisi endilisi sope la'ifisa Anan.

Basef Amama Pol Nandaꞌam Mafeꞌma Esis Romi 15:1

Ape' epes mombale'efana la'ifipa, maol ape'inai anama ma migiambama epes isima bale'ef owa' la'ifinai. Esis ina la'ifisa sofa' nimanimi asasimi, isima ape' migiambamas mofa' nimanimi asasimi molomas. Ape' ina mila ukup ape'imi atom, owa'.

Luk Nandaꞌafi 11:13

Ea' ipe' amam nematawa aopei pase'asa amamaga bu'wami atoma awasi ipe'isi, ahalomepa ipe'inai nape heven ilifi anan wapoti' nambimb nose'asa Ambal Bu'unai Ananinai esis sahali'anai.”

1 Jon 2:5

Ea' emi egafis sila basef Ananimi, esis ukup si'im maila God endilisi. Ea' ape' mogawa ape' mape la'ifipa maloma Jisas.

2 Timoti 3:17

Basef amama manda' ape' epes Godi la'ifipa endilisi ma monda' maol hianai bu'unai Ananinai.

Jon Nandaꞌafi 6:45

Basef anona profet na'iami mape buk Baibeli ma'i na'ama ma'i, ‘God anona nemaf nuwalipas amam nematawa hiesi.’ Ea' ae' a'ipipa, amam nematawa emi egafis seme' basefa Ahalome ae'anai ma seagawa anan, esis sifi'mai ae'.

Efesus 1:17

Jisas Krais anan Dembinai ape'inai. Ae' anda' beten la'ela'ef nimeguf hiami ahali' God, Anan Dembinai Jisas Kraisi, Anan Ahalomapa ape'inai nafifili pepel napainai. Anda' beten ahali'ana ma nose'epa gawa bu'unai ukup ipe'imi pegawa basef Godi ofagema mandawalap alihima ipe'. Ama pegawa God andeande'.

1 Tesalonaika 4:9

Dei' afa' ina ata' onda' anom basefa ipe' ma waf anama ipe' ukup mimila esis hiesi sahin owan, owa'. God nawalipa ipe' hipei andeande' ma waf anama.