Filipai 3:12 - Basef Buꞌwami Godi

¹² Ae' ina okom na'i efa' waf anama Kraisi hi'alana ape bo'awe andeande', ata' owa'. Dei' ape embalo'a waf anama la'ifiwi. Dei' main? Anan nofale nandandepe ma epe ananiwei si'iwi.

Filipai 3:12 Iomraidhean Croise

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

1 Korin 13:10

Ea' anona nemaf amamaga God okom na'i meataga migi' endilisi motaga, nemaf anama amamaga amama dei' motaga tu'watu'wanim atuwasi hi'ilam.

1 Korin 13:12

Dei' mati amamaga mataga, ea' ina mandawalap alihim endilisi, ata' owa'. Mataga si'i mapela embel mati ambal atona. Ea' anona nemaf owagama nemaf dahandahama motaga, muti naep alihim. Dei' ata' egawa tu'watu'wan atom. Ea' nemaf anama egawa amama endilisi si'i God nogawa ae'.

1 Korin 9:24

Ipe' pegawa epes sasagih sandahawaipama etini hiesi sasagih safe' ea' etitin nikila'as nefa' amamaga bu'wami. Ipe' pegawa amama o owa'? Ea' ipe' wapoti' pesagih mehipa pefa' amamaga amama bu'wami.

2 Korin 13:9

Maina nemaf afa' wame' ina la'ififa ea' ipe' pape la'ifipa, afa' wandanifel endilisi. Ea' afa' wanda' betena God la'ela'efa nonda'epa petaga la'ifipa bo'wepa andeande'.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Galesia 5:17

Ape' mogawa opaf apinai na'i nohogofa Ambal Bu'unai Godi, ea' Ambal Godi na'i nohogofa opaf apinai. Amam biam mandahihianama mafitap mape. Ea' amamaga ipe' pa'i pienda'ami ina la'ifipama panda'am, owa'.

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 3:16

Ape' mope na'ama. Waf bu'unai mefa'ana ea', anama mombalo'ana la'ifipa.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

1 Tesalonaika 5:15

Na'ama ipe' pegwamasa waf aonai enis epes sanda'mepana ipe'i, owa'. La'ela'ef pitu la'ifipa ma waf bu'unai atona la'ela'ef. Ea' penda'masana isima enis hiesi wapoti'.

2 Tesalonaika 2:13

Fowa' gani dambadamba God nosahe'epa ma nofa'epa petanimani pambale'efa basef endilisimi. Ama pepel Ambal Bu'unai Ananinai nanda'epa bo'wepa. Ea' la'ela'ef wanifela Goda ipe'. Kristen alupipei, okom Dembinai nainailipa

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

Hibrui 12:14

Ipe' dei' penda' maol la'ifipa ma pila waf opalef mope awanem peloma epes hiesi. Ea' pila waf anama bu'unai andeande', pepe Dembinai ananipei etipa endilisi. Epen waf anama a'ani, anona nemaf enin ina niti Dembinai, owa'.

Hibrui 12:23

Ipe' pafi'i pandakolas paloma epes Godi, awasi ananisi sali'i. God nanda' agof asasimi mape wambel anama ilif. Ipe' pafi'i felefele'ma God, anan jas nowaloga epes hiesi saloma ambagof epes fowa' God na'i bo'wes andeande'.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

Jems 3:2

Ape' hiapai anom nimeguf owa' mila basef Godi andeande', owa'. Ape' mowa ma anona waf aonai ape' manda'anai. I'i enin epen ina nanda' waf aonai ma basef ananimi, enin epen bu'wani. Enin la'ifina nimafi alop naloma okom ananinai hi'ilana wapoti'.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.