Filipai 3:11 - Basef Buꞌwami Godi

¹¹ Ae' a'i enda'am na'ama ma anona nemaf God nefele wapoti' hi'agif.

Filipai 3:11 Iomraidhean Croise

Luk Nandaꞌafi 14:14

Epes isima ina la'ifisa sogwamena gwa'aimi ine', owa'. I'i ine' nenda'am na'ama, nendanifel nepe andeande'. Ea' anona nemaf God nogwamena amamaga amama bu'wami nemaf anama epes isima sanda' waf bu'unai saga'i sohafel wapoti'.”

Jon Nandaꞌafi 11:24

Ea' Marta kwagwamana basef kwa'i, “Ae' egawa anan anona nemaf nehafel wapoti' nemaf akutainai anama epes hiesi saga'i seahafel wapoti'anai.”

Aposel 23:6

Ea' Pol nogawa amam Juda dambami mumafi koti anom Sadyusi, anom Farisi. Na'ama anan na'ipam mehip na'ama na'i, “Ipe' sahope, ae' Farisiwei ea' ahalome ae'anai Farisinai. Ae' embale'ef a'i endilisi anona nemaf epes saga'i sohafel wapoti', dei' ape ehafa nemaf anama. Ofagema amama atom dei' esis sanda' kotima ae'.”

Aposel 26:7

Wambotagw apa'imi 12-peleim manda' lotuma God owamb alip ea' mombele'ef endilisi mape mohafa amama atom. Dei' a'ipa ine' dembinai king, ae' wapoti' embale'ef ape ehafa amama. Ea' na'ama esis Juda sambaso'me.”

Aposel 27:12

Basis amama sip nafe' naima ina bo'wagon ma sip nilagon nogota anama uf naluwianai, owa'. Ea' amam hiami mape sip ma'i anom basef mandame'mama ma'i mokwaha wambel anama mafe'. I'i amam la'ifim, ma'i mefe' motaga ulal basis amama Finiks ea' mope anama nogota anama launai uf lu'unai naluwianai. Basis amama Finiks mape ailan anama Krit. Anama bo'wagoma ma sip nofe' nondambaho'ma uf naluma. Basis amama mape la'afena aon natefima nowalama.

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

1 Korin 15:23

Ape' epes hiapai atona etin mope mohafa nogota ape'inai. Aman nali'i, Anan Krais. Anan si'i gwa'aimi mali' maufi. Ea' nemaf anama notanima niefi'ianai, ape' hiapai ananipai mohafel wapoti'.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

1 Korin 9:27

Ae' la'ifiwi aha alop ae'anai nataga la'ifina nape owina okom ae'anai. Na'ama ewalapa basef bu'wami ma enis epes, ea' owagama ae' ina efa' amamaga bu'wami, owa'.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

1 Tesalonaika 3:5

Ae' ina ata' epe ehafa ipe' wapoti', owa'. A'i efo'o. Ea' asapa'a anona aman nafo'o nogawa bale'ef ipe'inai ma nigiambamepa. Na'ama aman anama aonai Satan nakikipipa ma panda' waf aonai, ea' maol afa' wanda'anai nalo na'a.

2 Tesalonaika 2:3

Ipe' ina peme' enin epen nembaso'mepa ma anom basefa Dembinai notanimani, owa'. Nemaf dembinai niefi'ianai, ina nataga, owa'etin. Epes hiesi ata' sali' sosombala basefi sose'ana alafugah God ea' aman aonai nosambala mi'uli Godi notaga nondawalap. Aman anama owagama nefe' wambel aonai hel nif fandumi ma'oma

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Hibrui 11:35

Anom amam maga'i motanima mohafel wapoti', mamasas amamuwai watolom wao'wam. Enis epes sanda' kalabus ea' esis naumbih sahambombaga alop asasinai endilisi, felefele'ma seaga'. I'i esis sila basef asasimi, nambimb sokwahis sefe' wafifis. Owa', esis ina saila basef asasimi, owa'. Esis ukup mapoma anona nemaf sotanima sohafel hi'agif sofa' ambal namunai, na'ama andeande' endilisi.

Revelesen 20:5

Nemaf anama nili'i ma esis saga'i sili' sohafel hi'agilif. Ea' epes isima fowa' saga'i ina sofa' ambal namunai nemaf anama, ata' owa'. Esis ata' sope sohafa afagof amama 1,000-peleim mefe'ma hi'ilam.