Filipai 3:10 - Basef Buꞌwami Godi

¹⁰ Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Filipai 3:10 Iomraidhean Croise

Matyu Nandaꞌafi 20:23

Ea' Jisas na'ipam na'i, “Endilisi, ipe' bipa nambimb pegwa' embela kap anama ae' egwa' embelanai. Ea' pepe lagel da'isinai o egagili ae'ami, amama ina maol ae'anai, owa'. Ahalome atona ni'i esis isima nandandepas ea'i, esis etis sope lagof da'isinai o egagili ae'ami.”

Jon Nandaꞌafi 10:18

Ina anona aman noha ambal ae'anai ega', owa'etin. Okom ae'anai atona a'i nambimb eaga'. Ae' efa' agel lu'unai ma ega' eahafel wapoti'. Ahalome ae'anai na'ipi basef la'ifimi ea' a'i enda'am na'ama.”

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

Basef Amama Pol Nandaꞌam Mafeꞌma Esis Romi 8:29

Dei' main, epes isima God fowa' nogawas ea' nosahe'asa sotaga sondati na'ama etin si'i Nogalomana Ananinai ma Anan notaga nope si'i sahalomas dembinai ma esis sahin owan wambota ananinai.

Basef Amama Pol Nandaꞌam Mafeꞌma Esis Romi 8:36

Endilisi, amamaga na'amaimi anona nemaf motagamapa si'i Baibel na'iam na'i, “Ape' mape amam nematawa Ine'ipai, amama atom dei' nimeguf hiami sa'i sohapa moga'. Satelepa si'i sipsipa sa'i sohapa moga' etin.”

2 Korin 1:10

Esis sase'afa nimanimi lu'wami sanda'afa aofa endilisi sa'i sohafa oga', ea' God nofa'afa otanimani. Ea' anona nemaf nigiambamafa wapoti'. Ukup afa'imi la'ifim ombale'efana endilisi ma anona nemaf nigiambamafa ma anom nimanimi lu'wami wapoti'.

2 Korin 1:5

Nimanimi lu'wami Krais nali' nofa'ami dei' ape' wapoti' mofa'am. Ea' na'ama etin opaf awaninai lu'unai ananinai dei' nase'alepa.

2 Korin 13:4

Endilisi, fowa' anan ina la'ifina endilisi ma dei' saundana lawag usi'inai tu'wanainai sahana naga', owa'. Ea' pepel Godi atona nafelona dei' nape dambainai. Afa' walomana, afa' wapoti' owa' la'ififa. Ea' pepel atona Godi dei' afa' wape dambaifai walomana ea' nambimb owalapa pepel atona la'afena ipe'.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Galesia 6:17

Basef akutaimi amama. Ae' andaiwa' ma anona aman nose'e nimanimi wapoti', owa'. Dei' main, amam amama mahe melegw amama Jisasi mape alop ae'anai.

Efesus 4:13

Ea' mope mefe' mefe' ma anona nemaf ape' hiapai mombale'efana motaga opalef etifim endilisi ma bale'ef ape'inai noloma gawa etifina ma anan Nogalomana Godi. Ape' motaga epes la'ifipa endilisi mombale'efana si'i epes dambes ea', motaga na'ama etin si'i ikwafa waf bu'unai Kraisi atona.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

Kolosi 2:13

Fowa' ipe' paga' ea'. Dei' main, ipe' panda' waf naninani aonai ea' ipe' owa' Judaipai pelolama mi'uli God fowa' naso' Mosesanai. Ea' dei' God nanda'epa pataga namipa paloma Krais ea' nakwahomapa waf aonai ape' manda'anai hianai.

Kolosi 3:1

God nafela ipe' ea' pape la'ifipa paloma Jisas Krais. Amama atom ipe' ukup mopoma amamaga mape otaga ilifi, anama Krais nape agilinai felefele'ma lagel daisinai Godi.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

2 Pita 1:13

Nimeguf hiami ae' ape namowe alomepa etap anae', okom na'i i'ipipa timbi tambela efela ukup ipe'imi ma pila basef amama. Ipe' ina ukup mose'epamam.

1 Jon 2:3

I'i ape' mila basef Godi la'ifipa, ape' mogawa anan endilisi.

1 Jon 2:5

Ea' emi egafis sila basef Ananimi, esis ukup si'im maila God endilisi. Ea' ape' mogawa ape' mape la'ifipa maloma Jisas.

Revelesen 1:18

Fowa' aga', ea' dei' ape namowe la'ela'ef hihif. Ae' ape Dembiwei ali' ape agi' ma amamaga hiami maloma epes. Ea' ahapila ki ma wambel saga'i sapoma.