Filipai 3:1 - Basef Buꞌwami Godi

¹ Ipe' alupipei, ae' a'i i'i basef ae'ami hi'ilam na'ama. Ipe' pendanifel ma Dembinai. Ae' ina okom nimanima enda' basef amama atom do'ok ali' a'ipipami, owa'. Amama mili'akwepa ma waf aonai.

Filipai 3:1 Iomraidhean Croise

Matyu Nandaꞌafi 5:12

Opalef ipe'imi mope awanem pepe pendanifel. Dei' main? Amamaga hiami bu'wami ipe'imi ma'oh heven ilif. Esis isima sanda' waf aonai ma ipe' na'ama etin si'i fowa' gani sanda' waf aonai ma profet amama mape fowa'imi.

Luk Nandaꞌafi 1:47

God nofa'e etanimani. Dei' andanifel ma anan.

Basef Amama Pol Nandaꞌam Mafeꞌma Esis Romi 5:11

Ea' ina amama atom, owa'. Ape' mandanifel ma God. Dei' main? Fowa' ape' mape naumbih Ananipai ea' dei' Dembinai ape'inai Jisas Krais nali'amona naumbih ape'imi nanda'apa mataga alupipai malomana. Ea' dei' mandanifel ma Anan.

2 Korin 13:11

Kristen alupipei, dei' embefa basef hi'ilam a'i nemaf bu'unai inifelipa. Ipe' penda' maol la'ifipa endilisi ma petaga bo'wepa andeande'. Ea' peme' basef ae'ami. Ipe' pefa' ukup etifim ea' pepe opalef etifim awanem. God, anan ofagonama waf ukup naloma opalef awanemi nope nolomepa.

Efesus 6:10

Dei' a'i enda' basef akutaimi amama. Ipe' pepe la'ifipa peloma Jisas Dambinai, pepe la'ifipama Anan atona ma pepel lagela pipitagel atona ananinai.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Filipai 4:4

La'ela'ef ipe' pendanifel ma Dembinai. Ae' a'iam wapoti', ipe' pendanifamana.

Filipai 4:8

Alupipei, dei' ae' a'i enda' basef akutaimi ma ipe'. A'i ipe' ukup mopoma anona waf na'ama. Maim amamaga endilisimi, bu'wami moloma amamaga bu'wami dende' ma epes sanifelami, moloma amamaga bu'wami hiami si'i amama, ipe' ukup mopoma amama.

1 Tesalonaika 4:1

Alupipei, fowa' afa' wa'ipipa wihi'ambepa waf ipe' pepe pefe' andeande' ma pilana, si'i God okom na'iami. Fowa' pailana dei' wapoti' pilana la'ela'ef. Ea' afa' wahali'ipa wafela ukup ipe'imi ma agel Dembinai Jisasa pilana penda'ana nefe' etin notaga lu'una.

1 Tesalonaika 5:16

Ipe' pendanifel la'ela'ef.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

1 Pita 3:8

Basef amama motambel na'ama. Ipe' hipei pepe opalef etifim ea' ukup mimila sahin owan ipe'isi.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.

2 Pita 3:1

Ipe' alupipei endilisi, basef amama mafe'ma bifi anda'am mail okwatih mafe'mago ipe'. Basef amama biefim mali'i maloma amama ase'epam ipe' ma mefela ukup bu'wami ipe'imi ma pegawa basef amama andeande'.