Filipai 2:8 - Basef Buꞌwami Godi

⁸ Esis satolona sati anan nataga epen endilisinai. Ea' nanda' anan nafe' owina God naloma epes. Naila okom Godi atona nafe' nafe' ma naga' lawag usi'inai tu'wanainai.

Filipai 2:8 Iomraidhean Croise

Matyu Nandaꞌafi 17:2

Ea' mati alop ananinai wanifigeina endilisi. Ea' naep ananimi wanefigeim endilisi si'i owaf nowala naso' ea' luwaguf ananimi mataga afitim si'i lamifah mafifil.

Matyu Nandaꞌafi 26:39

Ea' anan nandamboma nafe' fele' nowa nambe' opaf notawa nanda' beten na'i, “Ahalome Ae'inai, i'i ine' ni'i a'e, nekwahome nimanimi amama. Ea' ine' nila okom ine'inai atona, Ae' owa'.”

Matyu Nandaꞌafi 26:42

Ea' anan notanima nafe'ma bif nanda' beten na'i, “Ahalome ae'anai, i'i owa' anona eaf ae' indihi'ama nimanimi amama, ea' hapaimi, ae' efa'am. Ine' nila okom ine'inai atona.”

Luk Nandaꞌafi 9:29

Anan nape nanda' beten etin, amaga ananinai nataga nandati na'ana, ea' luwaguf nalami mataga afitim endilisi howalagon.

Jon Nandaꞌafi 10:18

Ina anona aman noha ambal ae'anai ega', owa'etin. Okom ae'anai atona a'i nambimb eaga'. Ae' efa' agel lu'unai ma ega' eahafel wapoti'. Ahalome ae'anai na'ipi basef la'ifimi ea' a'i enda'am na'ama.”

Jon Nandaꞌafi 14:31

Ea' ae' a'i esis amam nematawa saila waf etapanai sogawa ae' okom nainaila Ahalome endilisi. Na'ama dei' anda'am na'ama etin si'i anan na'ipi. Ea' dei' afa' ofe'.

Jon Nandaꞌafi 15:10

I'i ipe' pila mi'uli ae'anai andeande', nambimb pepe okom ae'anai nomon si'i ae' aila mi'uli Ahalome andeande'ma ape okom ananinai nomon.

Jon Nandaꞌafi 4:34

Ea' Jisas nawalapem basef na'ipam na'i, “Gwa'aimi ae'ami amama. God nasapa'e afi'i. Dei' ae' a'i ila okom ananinai atona enda' maol ananinai efe' embefana hi'ilana. Maol anama si'i gwa'aimi ae'ami.

Aposel 8:33

Esis sasambalona endilisi ea' ina sanda'mana basef andeande' ma kot ananinai, owa'. Anan awasi bafasana a'ana ma enis epes sitilis si'ipa enis epesa esis, owa'. Dei' main, sahana naga' ma ina ata' napan etap anae' wapoti', owa'.”

Basef Amama Pol Nandaꞌam Mafeꞌma Esis Romi 5:19

Aman atotona nosambala basef Godi dei' ape' hiapai mape manda' waf aonai. Ea' na'ama etin aman bu'unai atotona naila basef amama andeande' dei' ape' hiapai mataga epes bu'upai ma naep Godi.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 12:4

Ipe' papa' paloma waf aonai ma pahagofana, ea' ipe' ina dei' papa' pafe' patagama wandaf lu'unai sahepa esimbel malipa paga', ata' owa'.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.