Filipai 2:6 - Basef Buꞌwami Godi

⁶ Anan nape God endilisinai la'ela'ef, ea' ina okom na'i nohapila waf anama la'ela'ef nope si'i God, owa'.

Filipai 2:6 Iomraidhean Croise

Matyu Nandaꞌafi 1:23

“Owagama ano'w nemata'w awiawai'wi owa' kwease' amani opafu'w. Ea' kola enin awani aman agel ananinai Emanuel.” Agel anama ofagena na'iam na'ama na'i, “God nape naloma ape'.”

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 10:30

Ae' aloma Ahalome, afa' biafa wape atotofa.”

Jon Nandaꞌafi 10:33

Ea' amam Juda magwamana basef ma'i, “Afa' ina wakwaha otamba wa'i ohena nanda' ikwaf anama hianai, owa'. Ine' aman falafunai nanda' findiwa, na'i ine' etina God. Ea' afa' wa'i ohena otamba.”

Jon Nandaꞌafi 10:38

I'i ae' enda' maol ananinai ma i'i ipe' owa' peambale'efa ae', hapaimi. Ipe' piti ikwaf la'ifinai anda'anai, ea' pegawa Ahalome nape nalome, ape alomana.”

Jon Nandaꞌafi 14:28

Ipe' pame'am ea' basef amama do'ok a'ipipami. Ae' ikwahipa efe'. Nambimb itanimamipei ifi'i. I'i ipe' ukup mila Ae' endilisi, ipe' pendanifel ma Ae' efe'ma Ahalome. Dei' main? Ahalome Anan dembinai nikila' Ae'.

Jon Nandaꞌafi 14:9

Ea' Jisas na'ipana na'i, “Filip, nogota launa ape alomepa, ine' owa' ata' negawa ae'? Emi egafis sati ae', esis sati Ahalome ae'anai wapoti'. Dei' maina ine' ata' na'i, ‘Ae' ihi'ambepa Ahalome ae'anai ipe'?’

Jon Nandaꞌafi 17:5

Ahalome, fowa' etap anae' owa' ata' notagai ae' ape alomena efa' agel lu'unai. Dei' ine' nese'e agel anama lu'unai si'i fowa'.

Jon Nandaꞌafi 20:28

Ea' Tomas na'ipana na'i, “Dembinai ae'inai, God ae'inai.”

Jon Nandaꞌafi 5:18

Ea' amam Juda ukup wandafum endilisi ma'i mohana neaga'. Amam ma'i anan nosambala basefa mi'uli ma nemaf anama Sabat sapoma noma'wanai. Ea' Jisas na'iam wapoti' na'i God anan ahalomana ananinai endilisi. Ea' amam ma'i, “Anan na'i anan nataga na'ama etin si'i God.”

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

1 Timoti 1:17

Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 1:6

God na'ipa Nogalomana Ananinai nape nali'ma amamaga hiami. Ea' nemaf anama God na'i Nogalomana Ananinai nataga etap anae' na'iam wapoti' na'i, “Amam ensel Ae'ami hiami monda' lotu ma Anan atona.”

Hibrui 1:8

Ea' God na'ipa Nogalomana Ananinai na'ipana na'i, “God, ine' nape la'ifinai Dembinai numafi amamaga hiami, ea' anona nemaf nepe na'ama etin la'ela'ef hihif. Waf bu'unai atotona ine' dei' nape Dembinai ma wambel ine'inai.

Hibrui 13:8

Jisas Krais nape na'ama etin si'i nambati', dei' wapoti', ea' nope anona nemaf la'ela'ef hihif.

Revelesen 21:6

Ea' na'ipi wapoti' na'i, “Ae' anda' amamaga amama dambaimi hiami mataga hi'alam. Ae' atowe ape Dembiwei la'ela'ef hihif ape ali' ape agi' endilisi. Ae' ofagewe ma ahapila amamaga hiami hi'alam ea' ape agi' anda' opeh hiami ae'ami hi'alam. Emi egafis si'i iap nose'as, anona nemaf ese'as embela ifata embel ambal namunai napaimi. Ea' ese'asam na'a si'i presen bu'unai.