Filipai 2:25 - Basef Buꞌwami Godi

²⁵ Ae' okom na'i esapa' Epafroditus nefe'mago ipe'. Anan owalome ae'anai. Anan afa' wandao'oma wanda' opeh Godi etin waitu la'ififa ma nimanimi si'i soldia. Fowa' ipe' pasapa'ana nafi'i nagiambame.

Filipai 2:25 Iomraidhean Croise

Filipai 4:18

Otamba gwa'aimi amamaga maim ipe' pasi'iami hiami mikila' ae' okom na'iami. Amamaga ipe' panda'am paso' Epafroditus nofa'ami efa'am ea'. Amama si'i ofa pindalalima God pese'anami alogw ma'ami. Ea' ipe' pase'anam God, nofa'am opaf ananinai ambo'ona.

Kolosi 1:7

Ipe' peme' basef amama bu'wami Epafras nawalipipami ea' pegawam. Anan epen bu'unai afa' ukup maimailana nanda' maola Krais nalomafa wandao'oma wanda' maol atotona. Anan naho'ofafa nagiambama ipe' ea' numafi maol Kraisi andeande'.

Filipai 4:3

Ea' dei' ahali' ine' aman alupinai endilisi nanda' opeh Godi andeande', a'ipinago nigiambamago nematawa awama biawa. Awau la'ela'ef wandao'oma walome wanda' opeh la'ifiwa wawalipasa basef bu'wami Godi. Ea' Klemen naloma enis epes ae'asi wanda' opeh atom Godi, esis wapoti' sanda' opeh salomafa. Agof asasimi mape nomona buk ambal namunainai agof epes sope andeande' la'ela'ef mailanai.

1 Korin 3:9

Afa' biafa wanda' maol etifinama God. Ea' ipe' si'i aof Ananinai. Ea' ipe' si'i ipat Godi.

Filemon 1:24

Ea' amam manda' opeh malumai, Mak naloma Aristarkus, Demas, Luk, amam wapoti' manda'menago danifel ine'.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Kolosi 4:11

Ea' Jisas agel wa'ana Jastus, anan wapoti' nanda'mepago nemaf bu'unai ipe'. Ama epes hiesi Juda, amam atom manda' maol malome ma wihi'amba hiesi siowis wambota Godi numafias. Amam magiambame ma maol anama.

2 Korin 2:13

Ea' opaf ae'anai ina nape awanena, owa'. Dei' main, ae' ina ata' ati owalome ae'anai Taitus, owa'. Ea' akwaha esis Troas afi'i ataga anona etap hiagoma Masedonia.

Jon Nandaꞌafi 17:18

Fowa' ine' nasapa'e afi'i ape la'afena esis amam nematawa saila waf etapanai. Dei' na'ama etin ae' wapoti' asapa' esis ae'asi sofe' la'afena esis isima saila waf etapanai.

Jon Nandaꞌafi 13:16

Dei' ae' a'ipipa basef endilisimi atom. Emi egafis agof a'asi sanda' opeh etin, esis ina sape ilifa dembinai asasinai, owa'. Ea' anona dembinai nasapa' enin epen nafi'i, inima ina nikila' dembinai anama ananinai, owa'.

Basef Amama Pol Nandaꞌam Mafeꞌma Esis Romi 16:3

Ipe' penda'mas nemaf bu'unai Akwila naloma waulu'mana Prisila ea' pi'ipaso danifel ae'anai. Esis bias ape' mandao'oma manda' maol etin Krais Jisasi. Fowa' esis sandandombol endilisi ma sagiambama ae'. Nemaf anama enis sa'i sehe, esis ina umbamahas, owa'.

Basef Amama Pol Nandaꞌam Mafeꞌma Esis Romi 16:9

Pi'ipago Urbanus nemaf bu'unai ae'anai, anan nanda' maol atotona naloma ae' ma maol Kraisi. Ea' i'ipago Stakisa nemaf bu'unai wapoti'. Anan alupunai ae'anai endilisi.

Filipai 2:26

Opaf ananinai nalef endilisi ma na'i nitilipa. Ea' anan okom nimanima ipe' pame' basefa awes nanda'ana.