Filipai 2:2 - Basef Buꞌwami Godi

² I'i na'ama, penda' ae' endanifel endilisi ma waf anama. Pepe ukup etifim, mimila God noloma sahin owan ea' pepe opalef etifim endilisi.

Filipai 2:2 Iomraidhean Croise

Jon Nandaꞌafi 3:29

I'i anona aman nese' ano'w nemata'w, nemata'w akwama ea' anani'wi nase'akwi. Ea' alupunai aman anama nendanifela naitu name' basefa aman anama dei' nase'akwi nafi'i. Dei' na'ama etina ae' andanifel endilisi ma okom ae'anai, andanifela Dembinai Jisas.

Aposel 1:14

Amam alupumi Jisasi mandatama etifigin nimeguf hiami la'ela'ef ama manda' beten maloma anowa nematawa saloma akwa'w Maria Jisas mama'wana saloma owapana Jisasi wapoti'. Esis hiesi sape sanda' beten etifigin.

Aposel 2:1

Nemaf anama lu'unai Pentikos nataga, esis hiesi sembale'efana sandatama etifigin sape ipat atotona.

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 5:12

Amam aposel manda' pepel naninani hianai si'i God nanda'anai la'afena esis amam nematawa. Ea' epes isima hiesi sombale'efanai ukup etifim sandatama etifigin sape atogon ilaf ipat Solomoni felefele'ma ipat lu'unai Godi sanda' lotuwanai.

Basef Amama Pol Nandaꞌam Mafeꞌma Esis Romi 12:16

Ipe' ukup mopoma sahin owan ipe'isi hi'ilas pepan opalef etifim pelomas, si'i ukup mapoma ipe' etipa. Ipe' ina ukup mi'i ipe' etipa pi'i dembipei, owa'. Pefe' peloma epes isima falafisi. Ipe' ina ukup mi'i ipe' etipa gawaipei, owa'.

1 Korin 1:10

Ipe' sahin owan, a'ipipa basef la'ifimi ma agel Dembinai ape'inai Jisas Krais na'ama. Ipe' pepe wambota atona endilisi pepe opalef etifim. Penda'am na'ama ma ipe' pepe andeande' opalef etifim endilisi ma ipe' ina pendawal biefipa.

2 Korin 13:11

Kristen alupipei, dei' embefa basef hi'ilam a'i nemaf bu'unai inifelipa. Ipe' penda' maol la'ifipa endilisi ma petaga bo'wepa andeande'. Ea' peme' basef ae'ami. Ipe' pefa' ukup etifim ea' pepe opalef etifim awanem. God, anan ofagonama waf ukup naloma opalef awanemi nope nolomepa.

2 Korin 2:3

I'i ipe' pendanifel, andeande'. Waf anama bu'unai. Ea' i'i ae' efo'o ma penda' opaf ae'anai nimanina, na'ama andaiwa'. Ea' amama atom fowa' ali' anda' basef amama mafe'mago ipe'. Dei' main, ae' egawa ipe' endilisi na'ama. I'i ae' endanifel epe, ipe' hipei wapoti' pendanifel.

2 Korin 7:7

Ina Taitus atona natagamafa dei' God nanda'afa la'ififa, owa'. Ipe' panda' Taitus nataga la'ifina, amama atom dei' God nanda'afa wataga la'ififa wapoti'. Taitus na'ipafa na'i ipe' ukup mohafel endilisi ma pa'i petolowe ea' opalef ipe'imi malefa fowa' pase'e nimanimi ae'. Ea' ukup ipe'imi mohafel endilisi ma pepe opalef etifim pelome. Amama atom dei' andanifel endilisi ikila' fowa'.

Filipai 1:4

Ae' endanifela maina nemaf anda' betena ipe' hipei.

Filipai 2:20

Timoti anan opaf etifina nalome. Okom ananinai natanea endilisi ma nigiambamepa ma pembale'efa God la'ifipa. Ina anona aman nape na'ae si'i anan, owa'. Anan atona.

Filipai 4:2

Ipe' nematawa bipa, Yuodia neloma Sintike, ipe' peme'. Ipe' petaga opalef etifima Dembinai.

Kolosi 2:5

Endilisi ae' dei' ina ape alomepa, ea' okom ae'anai si'i ape alomepa andanifel ma sati ipe' paitu la'ifipa ma pembale'efa Krais andeande'.

2 Tesalonaika 2:13

Fowa' gani dambadamba God nosahe'epa ma nofa'epa petanimani pambale'efa basef endilisimi. Ama pepel Ambal Bu'unai Ananinai nanda'epa bo'wepa. Ea' la'ela'ef wanifela Goda ipe'. Kristen alupipei, okom Dembinai nainailipa

2 Timoti 1:4

Ae' okom napoma embif maluwi naep ine'imi, okom nohafel endilisi a'i ata' efo'o itilina endanifel endilisi.

Filemon 1:20

Ea' owalome alupinai, ae' ihali'ina ma agel Dembinai, ine' ninifela Onesimus si'i owalomena nembale'efa Kraisi. Afa' sahin owan wambale'efa Kraisi atofa. Ea' ine' nenda' opaf ae'anai notaga bo'ona nenda'e la'ifiwi endanifel.

2 Jon 1:4

Ae' andanifel endilisi ma egawa enis awasi ine'isi saila basef bu'wami endilisimi si'i Ahalomapa na'ipapa basef la'ifimima milam.

3 Jon 1:4

Ae' andanifel endilisi ma awasi saila basef endilisimi. Ea' ae' ina andanifel ma anom amamaga mikila' andanifela awasi ae'asi saila basef endilisimi, owa'.