Filipai 2:11 - Basef Buꞌwami Godi

¹¹ mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

Filipai 2:11 Iomraidhean Croise

Matyu Nandaꞌafi 10:32

Ea' Jisas na'ipas na'i, “Emi egafis sowalapa agel ae'anai ma amam nematawa hiesi, anona nemaf ae' wapoti' ewalapa agof epes isima ma naep Ahalome Godi gani heven.

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Jon Nandaꞌafi 12:42

Amam agufumi hiami mombale'efa Jisas. Ea', amam umbamahama amam Farisi dambami. Ea' amam ina mawalapa basef ma'ipasam alihim, owa'. Umbamahama amam Farisi mogalo'mama ina ata' moloma esis Juda monda' lotu wapoti', owa'.

Jon Nandaꞌafi 13:13

Ipe' pefale tisa o Dembiwei, na'ama andeande'. Ae' ea' ma'uwi, basef amama endilisimi atom.

Jon Nandaꞌafi 13:14

Ae' dembiwei tisa ipe'iwei. Ae' do'ok asa'opa bo'wagah ipe'imi. Ea' ipe' wapoti' pesa'opa bo'wagah ipe'imi atona etin.

Jon Nandaꞌafi 14:13

Amamaga hiami ipe' penda' beten pihali'ana agel ae'anai, anona nemaf ae' enda'am. Ama Ahalome nofa' agel lu'unai ma opeh ae' nogalomana ananiwei anona nemaf enda'am.

Jon Nandaꞌafi 14:23

Ea' Jisas nagwamana basef na'i, “Emi egafis ukup mimila ae' endilisi, esis anona nemaf sila basef ae'ami andeande'. Ea' Ahalome ae'anai okom ninila esis. Ea' afa' biafa ufi'mai esis ope olomas la'ela'ef hihif.

Jon Nandaꞌafi 17:1

Jisas na'i basef na'ama ma ea', naniga nati heven ilif nanda' beten na'i, “Ahalome, nogota nataga ea'. Dei' ine' nese'e agel lu'unai ae' nogalomena ine'iwei, ma atuwasi la'ifiwi ma efela agel ine'inai lu'una.

Jon Nandaꞌafi 20:28

Ea' Tomas na'ipana na'i, “Dembinai ae'inai, God ae'inai.”

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Jon Nandaꞌafi 9:22

Esis mamasana ananisi umbamahasa amam agufumi Juda. Dei' sa'iam na'ama. Dei' main, amam agufumi Juda ma'i basef mandame'mam ea' ma'i, emi egafis si'i basefa Jisas si'i anan Krais, amam mogalo'mas ipat esis Juda sa'i basef sapeinai ma ina sonda' lotu sealomas wapoti', owa'.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

Basef Amama Pol Nandaꞌam Mafeꞌma Esis Romi 14:11

Amama si'i Baibel na'iam na'i, “Dembinai na'iam na'ama na'i, ‘Ae' a'i endilisi, anona nemaf epes hiesi sindiwa nembawa sotawa sonda' lotuma ae' hi'ilas, ea' sowalapa basef alihim si'iam si'i ae' God endilisiwei.’ ”

Basef Amama Pol Nandaꞌam Mafeꞌma Esis Romi 14:9

Ea' amama atom Krais naga' notanima ambal napaina nohafel wapoti' ma nape Dembinai ma epes isima saga'i saloma isima ata' sape namusi.

Basef Amama Pol Nandaꞌam Mafeꞌma Esis Romi 15:9

Krais nanda' maol anama ma nagiambama esis sololama Godi owa' Judaisi wapoti' sogawa God na'i esis uwahipisa sefela agel ananinai lu'una, si'i Baibel na'iam na'i. David na'ipa God na'i, “Anona nemaf ae' ewalapa basef i'i agel ine'inai ma enis epes owa' Judaisi sololama ine'i. Ea' enda' anom awalef efela agel ine'inai.”

1 Korin 12:3

Ea' ipe' pegawa emi epen Ambal Bu'unai Godi nafelan na'i basef, ina ni'i basef ni'i, “Jisas owagama higililana,” owa'. Ea' emi epen Ambal Bu'unai Godi a'ani, enin ina anona nemaf ni'i basef ni'i, “Jisas Anan Dembinai,” owa'.

1 Korin 15:47

Aman nali'i, God nanda' etap nanda'ana nataga ambal napaina. Ea' aman nagi' natagai, Anan aman ilifanai.

1 Korin 8:6

ea' hapaimi. God ape' manda' lotumanai atotona nape. Anan God ahalomapa, anan atona ofagonama amamaga hiami. Anan ofagema ape' mape etap anae', manda' maol ananinai atona. Ea' Dembinai atotona nape, anan Jisas Krais. Lagel ananinai atona dei' God nanda' amamaga hiami mataga mape. Krais atona nanda' ape' mataga mape dambaipai.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Jon 4:15

Emi egafis sawalapa basef alihiguma sa'i, “Endilisi, Jisas anan Nogalomana Godi”, God nape la'ifina nalomas, esis wapoti' sape la'ifisa Anan.

1 Jon 4:2

Ipe' pegawa Ambal Bu'unai Godi na'ama. Emi egafis sa'i, “Endilisi, Jisas Krais nafi'i nataga epen endilisinai”, epes isima Ambal Bu'unai Godi napais opalef asasimi.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.

Revelesen 3:5

Ipe' paloma enis epes wapoti' sape ambal namunai la'ela'ef agof ipe'imi mail anona buk sa'i buk ambal namunai napainai. Emi egafis situ la'ifisa sili'amona wandafa waf aonai, Ae' ese'as luwaguf amama afitimi solam. Ea' ina anona nemaf egagaha agof asasimi mail buk anama, owa'etin. Mil la'elaef. Ewalapa agof asasimi ma naep Ahalome ae'anai noloma amam ensel Ananimi i'ipam i'i epes isima ae'asi.