Filipai 1:7 - Basef Buꞌwami Godi

⁷ Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

Filipai 1:7 Iomraidhean Croise

Aposel 20:23

Ae' egawa amama atom. Anama ae' afe'ma, wambel hiagoma Ambal Godi nihi'ambe basef la'ifimi na'ama na'i, ‘Ine' nambimb niti esis sese'ena nimanimi ea' sonda'ena nenda' kalabus.’

Aposel 21:33

Soldia anama dembinai nafi'i felefele' nombalo' Pol na'ipa amam soldia mowa' lagof ananimi sen biefina. Ea' nahali' esis na'i, “Anan emi? Anan nanda' main?”

1 Korin 13:7

Nimeguf hiami dondol esis sanda' waf anama na'ama. Esis ukup mape awanema maina nemaf sefa' nimanimi lu'wami. Esis sagiambama epes alifisi saloma epes isima ena la'ifisa sagiambama esis etisi. Esis sombale'efa God endilisi sape sehafana ma nigiambama esis soloma enis wapoti'. Esis saitu la'ifisa nimanimi matagamas.

1 Korin 9:23

Ae' anda' maol anama ma efela agel basef bu'wami Godi ma anona nemaf efa' amamaga amama bu'wami epes isima saila basef amama sofa'ami eloma enis epes Godi wapoti'.

2 Korin 3:2

Basef mail pasi sefela agof afa'imi si'i ipe' etipa. Basef amama mail la'ifim nomon ukup afa'imi. Ama epes hiesi sotalifam sogawam.

2 Korin 7:3

Ae' awalapa basefa ipe', ina a'ipipa a'i ofagema ipe'imi atom, owa'. Ae' a'iam a'i afa' wase'epa opalef afa'imi ipe'. Wanda'am na'ama ma i'i ipe' pega', afa' oga' olomepa. I'i pepe namipa, afa' wapoti' ope namofa olomepa.

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Efesus 3:1

Krais nakolasa epes hiesi wambotagw biam esis Juda saloma esis ina Juda sataga etifis. Amama atom dei' ae' Pol, Krais Jisas nanda'e anda' kalabusa agiambama ipe' epes fowa' pelolama Godi.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 6:20

Ae' awalapa basef amama, dei' amama atom mowa' lagof ae'ami sen ape anda' kalabus. Maol ae'anai anama. Ae' efa' malogel Kraisi ma ewalapa basef amama Ananimi ma epes hiesi. Ea' penda' betena Goda nohogofa umbameahe etaga la'ifiwi iwalipam si'i okom Kraisi na'iam.

Filipai 1:12

Alupipei, dei' a'i ipe' pegawa amamaga mali' matagama ae' ma anda' kalabus, ina masopama basef bu'wami Godi, owa'. Amama manda'am mafe' lu'um endilisi ma hiesi seme'am.

Filipai 1:13

Ea' soldia amama Romi mumafi ipat dembinai gavmani maloma enis epes sape na'ae esis wapoti' sogawa anda' kalabusa agel Kraisi.

Filipai 1:14

Esis sahin owan hiesi ukup mapoma ae' anda' kalabus. Ea' opalef asasimi la'ifim sape la'ifisa Dembinai, sakwaha umbamahas dei' saitu la'ifis la'ela'ef sikila' fowa' sape sawalapa basef Godi.

Filipai 1:5

Dei' main, ipe' panda' waf bu'unai pagiambame awalipasa basef bu'wami Godi. Fowa' damba damba ipe' pame' basef amama bu'wami pembale'ef pandao'oma pape la'ela'ef palome pafi'i pafi'i pataga dei'.

Filipai 2:22

Ea' Timoti ina si'i amam, owa'. Ipe' pegawa anan aman bu'unai, okom na'i nigiambamepa. Anan nagiambame ma wawalipasa basef bu'wami Godi si'i nogalomana nagiambama ahalomana.

Filipai 4:14

Ea' ipe' panda' waf bu'unai palome pandao'oma ma pefa' nimanimi ae'ami.

Filipai 4:15

Ea' ipe' amam nematawa Filipai, ipe' pegawa na'ama. Nemaf anama ae' asefela opeh awalipipa basef bu'wami Godi ma akwaha anona wambel nape etap hiagoma Masedonia, ina dei' enis Kristen sios sagiambame. Ina enis Kristen sandao'oma salome ma waf anama sase'asa amamaga na'a, ata' owa'. Ipe' etipa panda'am na'ama.

Filipai 4:3

Ea' dei' ahali' ine' aman alupinai endilisi nanda' opeh Godi andeande', a'ipinago nigiambamago nematawa awama biawa. Awau la'ela'ef wandao'oma walome wanda' opeh la'ifiwa wawalipasa basef bu'wami Godi. Ea' Klemen naloma enis epes ae'asi wanda' opeh atom Godi, esis wapoti' sanda' opeh salomafa. Agof asasimi mape nomona buk ambal namunainai agof epes sope andeande' la'ela'ef mailanai.

Kolosi 4:18

Dei' ae' Pol ahapila pen lagel ae'anai atona anda'mepago basef amama bandami atom. Dei' anda'mepago nemaf bu'unai ipe' hipei. Ipe' ukup mopoma ae' amam mowa'e sen ata' ape kalabus la'ela'ef. Ae' a'i okom lu'unai Godi nigiambamago ipe' na'a numafipago nope nolomago ipe'. Ea' ma'um.

Kolosi 4:3

Ipe' penda' beten pihali' Goda nagiambamafa wapoti' na'ama. Anan nusi'amafa uta afa' ma owalapa basef Ananimi. Ama awalapa basef amama Krais fowa' mape mandambahi'i. Amama atom dei' ae' ape kalabus.

1 Tesalonaika 5:5

Ipe' epes hipei pape alip. Ina si'i epes sape owamb, owa'.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 2:9

Ae' awalapa basef amama bu'wami. Amama atom dei' sa'i ae' aowei, sase'e nimanimi lu'wami mamumami. Sanda'e anda' kalabus wapoti'. Ea' basef Godi ina manda' kalabus mape, owa'etin.

Filemon 1:13

Ae' anda' opeh awalipasa basef bu'wami Godi sanda'e anda' kalabus. Ea' ae' a'i embalo'a Onesimus nope na'ae nolome dendel noho'ofena ma nigiambame.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

2 Pita 1:13

Nimeguf hiami ae' ape namowe alomepa etap anae', okom na'i i'ipipa timbi tambela efela ukup ipe'imi ma pila basef amama. Ipe' ina ukup mose'epamam.

1 Jon 3:14

Ape' ukup maimaila esis sahin owan, amama ape' mogawa dei' makwahona waf anama ga'inai mataga mofa' ambal namunai. Dei' main? Ape' ukup maimaila esis sahin owan endilisi. Emi egafis owa' ukup mimila sahin owan asasisi, esis ata' sape la'ela'ef waf ga'inai.