Filipai 1:23 - Basef Buꞌwami Godi

²³ Ae' okom biefina anama. Ae' okom na'i efe' epe eloma Krais. Na'ama andeande' endilisi ikila' pe etapanai.

Filipai 1:23 Iomraidhean Croise

Luk Nandaꞌafi 12:50

Ea' ae' okom na'i efa' anom baptais. Dei' ae' owa' ata' efa'am, okom ae'anai aona endilisi ma ehafa efa' baptais amama.

Luk Nandaꞌafi 23:43

Ea' Jisas na'ipana na'i, “Ae' a'ipina endilisi, ine' dei' nepe nelome wambel bu'unai Paradais.”

Luk Nandaꞌafi 8:38

Aman anama fowa' ambagof awami mapeinai nahali'ana mehip na'i, “Ae' a'i efe' elomena.” Ea' Jisas nasapa'ana na'i,

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Jon Nandaꞌafi 13:1

Nemaf anama lu'unai esis Juda sa' gwa'aimi amama Pasova owa' ata' notagai. Jisas nogawa nogota ananinai nataga ea' ma nokwaha etap anae' nefe'ma Ahalomana. Ea' okom ananinai nainaila epes ananisi sape etapi endilisi. Na'ama dei' nihi'ambasa okom ananinai lu'unai nainailas.

Jon Nandaꞌafi 14:3

I'i ae' efe' endomba wambel ipe'inai, anona nemaf etanimani efa'epa pefe' pepe pelome. Ea' anama ae' eapoma, ipe' wapoti' pepe anama atagon pelome.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Aposel 7:59

Makwaha otamba mahana etin, nanda' beten na'ama na'i, “Dembinai Jisas, ine' fa'ago ambal ae'anai!”

2 Korin 5:8

Ea' afa'ogawa opalef afa'imi mape la'ifim, ukup mohafel endilisi ma okwaha alop dei'inai ofe' ope oloma Dembinai wambel afa'inai.

2 Korin 6:12

Ae' ina opaf aona ma ipe' esambalipa, owa'. Ae' okom nainailipa endilisi. Ea' ipe' opalef aoma afa. Ea' ina mape opalef etifim endilisi, owa'.

Filipai 1:24

Ea' i'i ae' ata' epe etap anae', ae' la'ifiwi ma igiambamepa. Na'ama andeande' ma ipe'.

1 Tesalonaika 2:1

Alupipei, ipe' pegawa fowa' afa' wafe'mago ipe', maol anama afa' wanda'anai ina nalo, owa'.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

1 Tesalonaika 4:17

Ea' nemaf anama atona Dembinai nofa'apa amam nematawa ambagof mapaipai molata otaga ilif moloma amam nematawa isima miti Dembinai. Ea' ape' hiapai mope molomana la'ela'ef hihif.

2 Timoti 4:6

Ine' negawa, nogota anama nataga ea' ma sehe ega'. Esimbel ae'ami ma'i kolo'olam molo sehe ega' ma indilali eso' ae' efe'ma God. Nemaf nataga ma ae' ekwaha etap anae'.

Revelesen 14:13

Ea' ame' anona malogel na'i nafi'i heven na'i, “Ine' da'a anom basef na'ama. Esis amam nematawa sombale'efa Dembinai saga'i, dei' nimeguf hiami anona nemaf owagama wapoti' sondanifel!” Ambal Bu'unai Godi wapoti' na'i, “Esis anona nemaf sokwaha opeh lu'wami amama esis sanda'ami sopoma noma'w. Esis ina sope etin, owa'. God nambimb niti waf bu'unai esis sanda'anai ea' nogwamasa anom amamaga bu'wami esis. Waf bu'unai esis sanda'anai anona nemaf nondawalap alihina.”