Filipai 1:21 - Basef Buꞌwami Godi

²¹ Ofagema ma ape namowe na'ama. Ape namowe ma Krais atona. Ea' i'i ega', epe andeande' elomana efa' amamaga God nese'e pe bu'unai nikila' dei' ape.

Filipai 1:21 Iomraidhean Croise

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

1 Korin 3:22

Pol naloma Apolos naloma Pita, amam ipe'imi atom. Etap anae' naloma ambal namunai naloma ga' naloma amamaga dei' mapani, anona nemaf migi' meatagai, amama hiami ipe'imi atom.

2 Korin 5:1

Dei' afa' ogawa na'ama. Nemaf anama ipat anama sowalo' selanai sanda'ana etap anae' nondatal aona, ea' hapainai. Afa' anona ipat God na'i nose'afanai dambainai. Ipat anama epes ina sanda'ana sala'ana lagof asasimi, owa'. Anama napani heven ea' notawa la'ela'ef hihif.

2 Korin 5:6

Ea' dei' amamaga amama la'ela'ef manda' opalef afa'imi motaga la'ifim. Afa' ogawa alop afa'inai ata' si'i ifagw afa' wapeimi. Ama nogota anae' wape alop anae', ina dei' wape waloma Dembinai ma wambel ananinai, ata' owa'.

2 Korin 5:8

Ea' afa'ogawa opalef afa'imi mape la'ifim, ukup mohafel endilisi ma okwaha alop dei'inai ofe' ope oloma Dembinai wambel afa'inai.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Galesia 6:14

Ea' ae' owa'etin. Andaiwa' ma epes sefela agel ae'anai lu'una, owa'. Ae' andanifel ma efela agela Dembinai ape'inai Jisas Krais atona, anan naga' lawag usi'inai tu'wanainai. Lawag anama Kraisi atona, dei' waf etapanai naga' nomon opaf ae'anai, dei' ae' si'i epen naga' lawag usi'inai tu'wanainai ma naep epes sape etapi.

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Filipai 1:22

I'i ata' epe namowe la'ela'ef etap anae', nambimb enda' opeh bu'wami Godi. Ea' ae' ata' ila maina eaf? Ae' ina egawa.

Filipai 1:23

Ae' okom biefina anama. Ae' okom na'i efe' epe eloma Krais. Na'ama andeande' endilisi ikila' pe etapanai.

Filipai 2:21

Amam hiami mape maloma ae' mumafi amamaga amamumi atom ea' ina ukup maimaila mumafi opeh Jisas Kraisi, owa'.

Kolosi 3:4

Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

Revelesen 14:13

Ea' ame' anona malogel na'i nafi'i heven na'i, “Ine' da'a anom basef na'ama. Esis amam nematawa sombale'efa Dembinai saga'i, dei' nimeguf hiami anona nemaf owagama wapoti' sondanifel!” Ambal Bu'unai Godi wapoti' na'i, “Esis anona nemaf sokwaha opeh lu'wami amama esis sanda'ami sopoma noma'w. Esis ina sope etin, owa'. God nambimb niti waf bu'unai esis sanda'anai ea' nogwamasa anom amamaga bu'wami esis. Waf bu'unai esis sanda'anai anona nemaf nondawalap alihina.”