Filipai 1:15 - Basef Buꞌwami Godi

¹⁵ Endilisi, enis epes kowalasa ae' efa' agel aposel ma'i mofa' agof lu'wami sowalapa basef Kraisi. Ea' enis epes saitu la'ifis sa'i sonda' waf bu'unai sagiambame ma owalapa basef bu'wami Kraisi.

Filipai 1:15 Iomraidhean Croise

Matyu Nandaꞌafi 23:5

Amamaga hiami manda'ami manda'am etina epes sotolom sinifelom. Amam mala egip lu'unai nail lagof balagah amamumi ma manda' beten ea' manda' sosaf launai nape sagwegw amamumi da'malifima.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 5:42

Amam ina makwaha maol anama mawalipasa basef bu'wami ma Jisas Anan Krais, God nandandepana nasapa'ana nafi'i, owa'. Nimeguf hiami amam mawalipa esis amam nematawa hiesi ipat lu'unai Godi, ifagw asasimi wapoti'.

Aposel 8:35

Ea' Filip na'i basef nawalapama aman anama. Nahafel na'ipama basef amama tu'wanim Godi aman anama na'iami mafe' mafe' ea' nawalapai basef bu'wami Jisasi.

Aposel 8:5

Ea' Filip nowala nafe' anona wambel etap hiagoma Samaria nawalipasa basef bu'wami na'i Jisas anan Krais, God nandandepana nasapa'ana nafi'i.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Basef Amama Pol Nandaꞌam Mafeꞌma Esis Romi 2:8

Ea' enis ukup mapoma esis etis sowa' alafugaha basef endilisimi saila waf aonai. Epes isima anona nemaf God okom wandafuna endilisi nindaiwa'masa waf aonai esis sanda'anai.

1 Korin 1:23

Ea' afa' wawalapa basefa Krais naga' lawag usi'inai tu'wanainai. Basef amama mahopa eaf esis Juda sandaiwa'mam sa'i basef awami. Ea' esis Grik ukup ma'i basef amama wafimi gawa a'ami.

1 Korin 13:3

I'i ae' ese'asa amamaga hiami ae'ami hi'ilama esis isima kwahusima hiahaom ma enda' maol Godi i'i aho'ma enis epes sandaiwa'ma Godi si'i sehe sofe nif ega'. Ea' ae' owa' okom ninilas ese'as opaf, ea' hapaimi. Anona nemaf amamaga amama hiami ina migiambame, owa'etin.

2 Korin 1:19

Nogalomana Godi Jisas Krais, ae' aloma Sailas waloma Timoti wawalapa basef ananimi, anan ina na'i na'ama na'i, “A'e” naloma “Owa'” atom, owa'. Krais na'i a'e etin.

2 Korin 11:13

Amam amama aposel mambaso'ami manda' maol baso'omunai. Amam mondola'wifa etina amam aposel Kraisi, ea' mambaso'ami.

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

2 Korin 4:5

Dei' main, afa' ina wawalapa basefa afa' ofela agof afa'imi lu'um, owa'. Afa' wawalapama Krais Jisas atona anan Dembinai. Afa' waila waf Jisasi dei' agof a'afa wape owina ipe' wanda' maol wagiambamepa.

Galesia 2:4

Basef amama Taitus natopa' alop o ina natopa' alop mataga na'ama. Fowa' amam mambaso'ami ma'i amam Kristen sahin owan endilisimi motopa' alop amamunai. Ea' mandambaho' mawisi nomona ape' Kristen ma'i miti waf bu'unai Jisas Krais nase'apana ape' mape la'ifipama Anan. Ea' dei' natagahepa ma waf aonai mape wafifipa. Amam ma'i mogawa waf anama mape wafifipa ea' ma'i muli'akwapa mope owina basef amamumi fowa'imi.

Filipai 2:3

Ipe' ina ukup mopoma ipe' etipa penda' opeha enis epes safela agof ipe'imi lu'um, owa'. Ipe' pefe' owina enis epes ea' ina pi'i pepe ilifa esis, owa'.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.