Filipai 1:1 - Basef Buꞌwami Godi

¹ Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 1:1 Iomraidhean Croise

Mak Nandaꞌafi 13:34

Ipe' peme' anom basef womun etin dei' ie'ipipami. Nemaf anama Ae' etanima iefi'ianai si'i anona aman nakwaha ipat ananinai nafe' anagon. Anan nofalai amam manda' maola anani mafi'i nawaloga maol nase'am atona etina mumafi amamaga ananimi. Ea' na'ipa aman numafi utai ma numafiana andeande'.

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Aposel 1:20

Dei' main, Pita na'i basef amama mape Buk Song ma'i, “ ‘Ipat ananinai anan nope wafina. Ina anona aman napaina, owa'.’ Ea' anom basef mape Buk Songi ma'i wapoti' ma'i, ‘Anona aman anona nemaf noho'ofana nofa' maol ananinai.’

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Aposel 9:13

Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem.

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

1 Korin 16:10

I'i Timoti nofo'o notagamaepa, ipe' pimafiana andeande' ma anan nope opaf bo'ona la'afena ipe'. Dei' main, anan nape nanda' maol Dembinai si'i ae' ape anda'ana.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

Efesus 6:24

Ea' a'i God nigiambamepago na'a nonda' epes isima emi egafis ukup maimaila Jisas Krais Dembinai ape'inai la'ela'efi sotaga la'ifis. Waf epes isima ukup maimailasanai anama nape la'ela'ef owa' hi'ilanae. Ea' ma'um.

Filipai 2:19

I'i Dembinai Jisas ni'i aho', a'i nambimb ina nogota laona esapa' Timoti nefe'mago ipe'. Ma notanima nifi'i ni'ipi ipe' pape andeande'ma panda' ae' la'ifiwi.

Filipai 2:5

Ipe' pihapila ukup etifim si'i Krais Jisas okom na'iam.

Filipai 3:12

Ae' ina okom na'i efa' waf anama Kraisi hi'alana ape bo'awe andeande', ata' owa'. Dei' ape embalo'a waf anama la'ifiwi. Dei' main? Anan nofale nandandepe ma epe ananiwei si'iwi.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

1 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' amam nematawa Godi pape Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape paloma amam ea' amamipei si'ipa. Afa' wa'i God nigiambamepago ipe' na'a nonda' opalef ipe'imi mope awanem.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

2 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' Kristen pape wambel Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape palomam ea' amamipei si'ipa.

2 Tesalonaika 1:10

Nemaf anama Dembinai notanimani nifi'i ma amam nematawa bu'wasi ananisi sefela agel ananinai noloma howalagon ananimi, ea' amam nematawa sombale'efana sondanifela anan sefela agel ananinai. Nemaf anama ipe' wapoti' penda'am na'ama etin. Dei' main, afa' wawalapa basef Godi la'afena ipe' ea' pembale'efa basef amama endilisi.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

1 Timoti 3:8

Ea' na'ama etina amam amama magiambama agufumi siosi, amam ukup mope andeande'ma maol amamunai. Amam ina mi'i malogof biam, owa'. Ina mea' embel la'ifimi hiami endilisi mohaga mogaol, owa'. Ea' ina mombaso'mas molomas mofa' otamba enis epesi, owa'.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Taitus 1:7

Ine' negawa agufumi mumafi esis Kristeni, amam mumafi opeh Godi. Ea' amam amama fe' pe amamunai andeande'ma anona nemaf esis amam nematawa ina siti anona waf aonai amam manda'anai, owa'. Anona aman ama amam agufumi, anan ina nonda' waf aonai, o okom wandafuna mehip, owa'. Anan ina nea' embel nohaga nogaol nohas etin, owa'. Anan ina okom nohafel ni'ini'i endilisi ma nonda' waf aonai ma nofa' otamba, owa'.

Filemon 1:1

Ae' Pol anda' kalabusa opeh Krais Jisasi. Owalomafa afa'inai Timoti nape nalome na'ae. Ea' anda' basef amama mafe'mago ine' Filemon, alupinai afa'inai ma wanda' opeh atom Godi. Ukup afa'imi maimailina endilisi.

Hibrui 13:23

Ae' a'i ipe' pegawa esis sakwaha owalomapa ape'inai Timoti, ea' ina ata' nanda' kalabus, owa'. I'i anan nifi'i netagama ae' ulal, nambimb afa' biafa ofo'o etin utilipa.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

1 Pita 2:25

Esis sahambombaga alop ananinai sanda'ana melegw matomana, amama atom dei' nanda'apa bo'opa wapoti'. Fowa' ipe' pelolama eaf si'i sipsip owa' sumafiami. Ea' dei' ipe' petanima pafi'i ma Dembinai numafi ipe' paloma ambagof ipe'imi andeande' si'i anona numafi sipsipi numafiam andeande'.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Revelesen 1:1

Fowa' gani basef amama mape mandambaho' ea' dei' Jisas Krais nanda'am mandawalap alihim. God nase'anam Jisasa nowalapam nihi'ambapa anom manda'mana opeh Godi ma mowalapa amamaga mape mandambahi'i motaga ulal. Anan nase'e gawa afa' wanda' opeha Anan ma amamaga amama. Ea' dei' nasapa' ensel ananinai nafi'mai ae' Jon. Ae' dei' anda'mana maol Godi, ea' Anan nase'e basef amama ae' wapoti'.

Revelesen 1:20

Ine' nati ondowa awama 7-peleim wape lagel da'isinai ae'anai waloma lamifah amama 7-peleim matoma gol amama 7-peleim. Amama mondola'wifi atom. Basef ofagema amama. Ondowa mondola'wifa ensel mumafi sios amam nematawa hiesi Godi 7-peleim, ea' gol amama mondola'wifa sios amam nematawa Godi amama 7-peleim.

Revelesen 19:10

Ea' ae' indiwa nembawa balaga etawa felefele'ma bo'wagah enseli ma enda' lotumana, ea' na'ipi na'i, “Ina nenda'am na'ama, owa'. Ae' alupuwei ine'iwei aloma ine' naloma sahopena ine'imi, afa' wandao'oma wanda' opeh Godi atom waloma esis hiesi sembale'efa basef endilisimi Jisas nawalipasami. Ine' nenda' lotuma God atona. Ape' mogawa basef amama endilisimi Jisas nawalapama ipe'ami, amama mafela amam profet mawalipasa basef Godi.”

Revelesen 2:12

Ine' da'a anom basef mofe'ma ensel anama numafi sios amam nematawa Kristen sape Pergamumi. Ae' ahapila bainat launai hi'alina wa'owa'ili. Ea' anda'mepago basef amama ipe' a'i,

Revelesen 2:8

Ine' da'a anom basef mofe'ma ensel numafi sios esis amam nematawa Godi sape Smernai. Ae' ape Dembiwei la'ela'ef hihif ape ali', ape agi' endilisi. Fowa' aga', dei' ehafel wapoti' ape namowe ambal napaiwe. Dei' anda'mepago basef amama ipe' a'i,

Revelesen 22:9

Ea' ensel anama na'ipi na'i, “Ine' owa' nenda'am na'ama, owa'. Ae' ina dembiwei, owa'. Ae' alomena wandao'oma wanda' opeh etini waloma sahopena ine'imi profet fowa'imi maloma epes isima hiesi saila basefa buk anae'. Ine' nenda' lotu ma God atona.”