Filemon 1:6 - Basef Buꞌwami Godi

⁶ Ae' anda' beten ahali' God a'i ine' ni'ipasa bale'ef ine'inai ofagena nenda' enis epes sotaga la'ifis. Ine' nenda'am na'ama ma negawa andeande' amamaga bu'wami ape' mape la'ifipa maloma Jisas Kraisi mofa'ami.

Filemon 1:6 Iomraidhean Croise

Matyu Nandaꞌafi 25:16

Ea' aman anama nofa' 5,000 kinai mehip etin nanda' maolana ea' nofa' 5,000 kina wamenai wapoti'.

Matyu Nandaꞌafi 5:16

Ea' na'ama etin, ipe' penda' waf bu'unai si'i lamifah ipe'imi mape alihima howealama naep esis amam nematawai hiesi siti waf bu'unai ipe' panda'anai ma seafela agel Ahalomepa nape ilifi lu'una.

1 Korin 14:25

Basef hiami mape mandambaho' okom ananinai, amama atuwasi motaga mondawalap alihima enin nifi'i nindiwa nembawa nitimalo' nefela agel Godi nowalapa basef na'ama ni'i, “Endilisi, God nape nalomepa.”

1 Korin 16:9

Dei' main, God nausi'ame eaf nagal alihina ma enda' maol bu'unai eloma amam nematawa hiesi samboma opalef sembale'efa God endilisi. Ea' hiesi sandaiwa'ma sonda' maol anama.

Filipai 4:8

Alupipei, dei' ae' a'i enda' basef akutaimi ma ipe'. A'i ipe' ukup mopoma anona waf na'ama. Maim amamaga endilisimi, bu'wami moloma amamaga bu'wami dende' ma epes sanifelami, moloma amamaga bu'wami hiami si'i amama, ipe' ukup mopoma amama.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 3:10

Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.

Taitus 3:14

Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Hibrui 6:10

God ina epen aonai ma nambimb okom nose'ana ma maol hianai ipe' panda'anai, owa'. Ipe' ukup maimailana. Ea' dei' panda' maol anama ma pigiambama amam nematawa Ananisi. Ea' dei' ata' panda'ana na'ama la'ela'ef.

Jems 2:14

Ipe' sahin owan ae'ipei, i'i enin epen ni'i, “Ae' embale'efa Krais” ma waf ananinai ina bo'ona, bale'ef ananinai falafunai atona. Bale'ef anama ina la'ifina ma anona nemaf God nofa'an notanimani, owa'.

Jems 2:17

Bale'ef na'ama etin. I'i enin epen nembale'ef etin ina nanda' waf bu'unai naloma bale'ef ananinai, bale'ef anama ananinai falafunai atona.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.

1 Pita 3:1

Basef amama mali'i ma'i ipe' pepe owina dembemi gavman moloma agufumi ipe' panda' opeha amam. Ea' na'ama etin ipe' nematawa paso' amami pepe owina amam wauhupipa ipe'imi. I'i anom owa' ata' mila basef Godi, ipe' pihi'ambama waf bu'unai atona la'ela'ef. Ipe' ina pi'ipam anom basef, owa'. Ea' pihi'ambama miti waf bu'unai ipe' panda'anai, ma amam mila basef Godi mombale'efana.

1 Pita 3:16

Ea' ipe' pegwamasam peloma opalef awanemi ea' penda'as andeande' pinifelis. Ipe' penda' waf bu'unai ma basef mape opalef nomoni ma'iami ma'ipipa basef mihi'ambepa waf ipe'inai ina aona, owa'. Penda'am na'ama ma esis si'ipipa basef awami ma pe bu'unai paila Kraisi ma esis ambagof aoma basef amama awami esis sa'ipipami.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.